MOYO WASU WACHIKHILISITU

Yavyani ŵanthu asapemphela kuti aziŵe Nyamalenga wawo

Kansi mwewo muwaya-waya kulalikila kuli ŵanthu amene opemphela lini poganiza kuti angakumvwishileni lini mosangalala? Keno n’tetyo, kumbukilani kuti anyinji mwa ŵanthu amene opemphelalini—kupamikijapo ŵala amene okana kuti kuli Mulungu—ankhala owela m’gulu ya Mboni za Yehova. Kanyinji-kanyinji, chinthu chenzefunikila ngako ŵanthu amene awo, chenze kuŵayavya kuwona umboni wamene uwonesha kuti kuli Mulungu. —Aro 1:20; 10:14.

LOLELANI VIDIYO YAKUTI KUMBUKILANI KUTI—ŴANTHU OSAKHULUPILIKA ANGANKHALE NA CHIKHULUPILILO!—ŴANTHU ASAPEMPHELA, NDIPO PAVULI PAKE YANKHANI KONSHO IYI YOKONKHAPO:

Kansi vichitikila Tommaso’s vukuyavyani tyani kunkhala na maganizo oyenelela pa nkhani yolalikila ŵanthu amene opemphela lini?

Yankho yanu

Mwatingachitile vamene ivi

Keno munthu muyakine wanena kuti okhulupilila lini Mulungu, mukonkhala aweme ntima, omvwisha vinthu, komasoti mukomuwonesha chidwi ngacho-ngacho pakufotokoza maganizo ŵake, komasoti mwakumvwila yove pa nkhani yamene iyo. (2Ti 2:24) Kambilannani naye nkhani zamene angachite nazo chidwi. Kansi yove ni womasuka kukambilana naye umboni wamene wachitisha ŵanthu anyinji kuyamba kukhulupilila Mulungu? Keno n’tetyo, katishilani ntchito vofalisa kapena mavidiyo amene epangiwa na cholinga chamene icho. Bulosha ya Será Que A Vida Teve Um Criador? na ya Mmene Moyo Unayambira—Mafunso 5 Ofunika Kwambiri eyangijiliwa pa Vinthu vatukatishila ntchito Pophunzisa kuti ŵanthu akoŵafwana mosavuta.

Poyamba, payakine mwewo mungachite wowa poganizila zoyamba kukambilana nkhani za choonadi na munthu wamene okhulupilila lini Mulungu. Tyani kusengako wofalisa wamene oziŵa vinyinji kuti akuyavyeni? Kumbukilani soti kuti Yehova angatiyavye kuti tiŵafwike pa ntima ŵanthu amitima iweme—olo kuti poyamba ove enzekhulupilila lini kuti yove aliko.—Mac 13:48.