Kansi mwewo muziŵa?
Ndaŵa yanji chenze chinthu chopindulisha kuti njiŵa na nkhunda zikovomejewa monga nsembe?
M’CHILAMULO, njiŵa komasoti nkhunda zenzenkhala zovomelejeka monga nsembe zopelekewa kwa Yehova. M’Malamulo okhuza nsembe, tunyoni tuŵili twamene utu twenzetomolewa tonse ndipo venze vokwanishika kamozi kukatishiliwa ntchito mmalo mwa kayakine. (Lev. 1:14; 12:8; 14:30) Ndaŵa yanji vamene ivi venze vopindulisha? Chifukwa chimozi chenze chakuti njiŵa zenzepezekalini kaŵili-kaŵili nthawe zonse. Ndaŵa yanji zenzepezekalini kaŵili-kaŵili?
Njiŵa
Njiŵa zenzenkhala m’chalo chonse cha Isiraeli mmiyezi yakupya ngako. Chaka chilichonse mmainza zove zundalala noluta kum’mwela m’vyalo kwamene kunkhala kwakupya ngako ndipo mʼchisalo zujokelasoti ku Isiraeli. (Nym. 2:11, 12; Yer. 8:7) Mu nthawe za m’Baibolo, vamene ivi venzetanthauza kuti venze vovuta kuti Aisiraeli akopeleka njiŵa monga nsembe mu nthawe yozizila.
Nkhunda ya m’miyala
Koma nkhunda zufulukalini noluta ku chalo chiyakine, niye chifukwa chake zenzepezeka ku Isiraeli chaka chonse. Kuyangijila pali vamene ivi, nkhunda ni vifuwo va mmunzi. (Yelekezelani na Yohane 2:14, 16.) Mokatijana na buku iyakine yakuti Bible Plants and Animals, “minzi yonse na matauni onse aku Palestine kwenzenkhala nkhunda za mmunzi. Munthu aliyense enzenkhala na kachiŵaya ka nkhunda kuti zikonkhalamo.”—Yelekezelani na Yesaya 60:8.
Nkhunda ili m’chiŵaya
Mwanjila yamene iyi, Yehova ewonesha kuti ni wachikondi komasoti wololela mwa kuvomela kulondela tunyoni monga nsembe, twamene twenzepezeka ku Isiraeli chaka chonse.