Kansi umi wenze tyani m’Paladaiso?

Yehova epasa Adamu na Hava vinthu vinyinji viweme. Genesis 1:28

Yehova epanga mwanakazi woyamba, Hava, nomutwala kwa Adamu kuti ankhale nkazi wake.—Genesis 2:21, 22.

Yehova eŵalenga na malingililo na miŵili yaungwilo, enzeve kalema kalikonse.

Malo ŵao Paladaiso enze munda wa Edeni—malo aweme ngako mwamene mwenze m’mana, vimiti vavitwazi na vinyama.

Mulungu enzelaŵila nawo noŵaphunzisa. Kuti ove emumvwila sembe enkhala kosasila m’Paladaiso pano pa chalo.

Mulungu eŵalesha kulya vitwazi vachimuti chimo. Genesis 2:16, 17

Yehova ewonesha Adamu na Hava chimuti chimo m’munda noŵauja kuti, mukazakulya vitwazi vachine, muzafwe.

Yumo mwa angelo epondokela Mulungu. Mngelo muipa wamene uyo ni Satana Maleŵaniya.

Satana aliyefune kuti Adamu na Hava amvwile Yehova. Tetyo yove, eseŵenzesha njoka kuuja Hava kuti akalya chitwazi cha chimuti chameneicho, afwelini yayi, koma alingane na Mulungu. Uyu wenze wenye ngawo-ngawo.—Genesis 3:1-5.