Kansi imfwa ya Yesu yutanthauza chinji kuli mweo?

Yesu etifwela kuti tinkhale na umi. Yohane 3:16

Pavuli pa masiku 3 kufuma pa nsiku yechifwa Yesu, anakazi ayakine eluta kumanda kwechimuika, koma efwana kuti m’manda mwamene umo muliye. Yehova emuusha Yesu kwa akufwa.

Pavuli pake Yesu ewonekela kuli atumwi ŵake.

N’chendi, Yehova eukisha Yesu kunkhala mngelo wamphamvu, wamene azafwelinisoti. Ophunzila ŵake emuwona akuya kululu.

Mulungu eusha Yesu nomuika kuti aŵe Mfumu ya Ufumu wa Mulungu. Danieli 7:13, 14

Yesu etwala umi wake kuti uŵe malipilo a ŵanthu onse. (Mateyu 20:28) Pachikomo cha malipilo ameneawo, Mulungu watipa shuko yakuti tinkhale na umi wosasila.

Yehova eika Yesu kuti ankhale mfumu yotonga chino chalo chonse. Yove azatonge pamozi na ŵanthu okwana 144.000 oushiwa kufuma pa chalo kuluta kululu kuti akalamulile. Yesu pamozi na a 144.000 opanga boma yakululu yolungama—Ufumu wa Mulungu.—Chivumbulutso 14:1-3.

Ufumu wa Mulungu ukachinje chalo kunkhala Paladaiso. Nkhondo, uchigaŵenga, kutamana komasoti njala vikasile. Ŵanthu akatemwe chendi.—Salimo 145:16.