Kansi Yehova akumvwa mapemphelo?

Kulaŵila chendi Mulungu akumvwa mapemphelo ŵasu. 1 Petulo 3:12

Yehova ni ‘wakumvwa mapemphelo.’ (Salimo 65:2) Yove ofuna kuti tolaŵila naye kufumila pansi pa ntima.

Mwaopemphela kwa Yehova yeka osati kwa muyakine.

Tingapemphelele vinthu vinyinji. 1 Yohane 5:14

Mwaopemphelela kuti chifunilo cha Mulungu chichitike kululu na pano pansi.

Mwopemphela kupitila mu zina ya Yesu kuti muwoneshe kuti mutembeja vechikuchitilani.

Sengani Yehova kuti akuyavyeni kuchita vinthu viweme. Mweo mungapemphelesoti kuti mufwane chakulya, ntchito, malo onkhala, vovwala komasoti kuti muŵe nathanzi iweme.