Kansi atumiki othandiza ali na udindo wotyani?

Baibolo yufotokoza magulu aŵili ŵa analume Achikhilisitu amene ali na maudindo mu mpingo​—“oyanganila na atumiki oyavya.” (Afilipi 1:1) Nthawe zinyinji ponkhala akwasu oŵelengeka amene otumikila pa mpingo ulionse. Kansi atumiki othandiza okata ntchito yanji chifukwa cha ubwino wasu?

Oyavya bungwe ya akulu. Atumiki othandiza ni analume auzimu, odalilika komasoti achangu pa ntchito yawo. Ayakine ni achilumbwana soti ayakine na achikulile. Okata ntchito zosiyana-siyana zokhuza kayendedwe ka gulu vamene ni vofunika ngako pa mpingo. Ivi vupasa akulu mpata wosamalila maudindo ŵawo ophunzisa na uchiŵeta.

Okata ntchito zofunika. Atumiki othandiza ayakine onkhala akalinde soti ntchito yawo ni kulondela ŵanthu wonse owela pa misonkhano. Ayakine osamalila vokujila mawu, oyaŵila mabuku, osamalila ndalama za mpingo soti oyaŵila magawo olalikila kuli abale na alongo. Oyavya soti pa ntchito yowamya Ng’anda ya Ufumu. Akulu angasenge atumiki othandiza kuti asamalile akulukazi. Atumiki othandiza ni okonzeka kukata ntchito iliyonse yangapasiwe, soti mpingo uŵalemekeza chifukwa cha nthina yawo na ntima wawo wofuna kutumikila ayakine.​—1 Timoteyo 3:13.

Owonesha chisanzo chiweme monga analume Achikhilisitu. Atumiki othandiza osankhiwa chifukwa cha minkhalidwe yawo yauzimu. Nkhani zawo pa misonkhano zutang’isha chikhulupililo chasu. Ove otangulila pa ntchito yolalikila soti chisanzo chawo chuyangijila changu chasu. Chifukwa cha mzimu wawo wokatijana na bungwe ya akulu, otang’isha chimwemwe na umozi pa mpingo. (Aefeso 4:16) M’kupita kwa nthawe, nawo angayenelele kunkhala akulu.

• Kansi atumiki othandiza ni analume otyani?

• Kansi atumiki othandiza okata ntchito zotyani kuti vinthu vikoyenda luweme pa mpingo?