Kansi Kapolo wokhulupilika na wanzelu niŵani?

Pa nthawe yakuti wasala patontho kufwa, Yesu elaŵijana na ophunzila ŵake okwanila 4 kumbali. Mazina ŵawo ni—Petulo, Yakobo, Yohane na Andireya. Yesu penzefotokoza za chizindikilo cha kunkhalapo kwake m’masiku osilijila, ekonsha konsho yofunika ngako yakuti: “Niŵani ngaye-ngaye wamene ali kapolo wokhulupilika na wanzelu wamene ambuya wake emuika kuti akoyanganila antchito ŵake apamuliyango, noŵapasa chakulya pa nthawe yoyenelela?” (Mateyu 24:3, 45; Maliko 13:3, 4) Yesu enzesimikijila ophunzila ŵake kuti yove monga “ambuya” ŵawo, akasankhe ŵanthu ati akoyaŵila chakulya chauzimu kuli atumiki ŵake nthawi yosilijila. Kansi kapolo wamene uyu niŵani?

Ni kagulu katontho ka Akhilisitu ozozewa. “Kapolo” wamene uyu ni Bungwe Yutonga ya Mboni za Yehova. Bungwe Yutonga yupeleka chakulya chauzimu kuli olambila a Yehova. Tudalila gulu ya kapolo wokhulupilika yamene iyi kutipasa “chakulya chokwanila pa nthawe yake.”​—Luka 12:42.

Osamalila ng’anda ya Mulungu. (1 Timoteyo 3:15) Yesu epasa gulu ya kapolo udindo ukulu wopananila ntchito ya pachalo ya gulu ya Yehova, monga kusamalila chuma chake, kusogolela ntchito yolalikila notiphunzisa kupitila m’mipingo yasu. Tetyo, kuti “kapolo wokhulupilika na wanzelu” atipase vofunikila pa nthawe yake, oyaŵila chakulya chauzimu kupitila mu vofalisa vatuseŵenzesha mu ulaliki, komasoti kupitila m’misonkhano yasu ya mpingo na misonkhano ikulu-kulu.

Kapolo wamene uyu ni wokhulupilika pa nkhani yokonkha chendi cha m’Baibolo na pa ntchito yechipasiwa yolalikila uthenga uweme, soti ni wanzelu chifukwa oziŵa kusamalila vinthu va Khilisitu pano pachalo. (Machitidwe 10:42) Yehova odalisa ntchito ya kapolo. Umboni wa vamene ivi ni kupaka kwa chakulya chauzimu na kuyangijilika kwa ŵanthu mu gulu ya Mulungu.​—Yesaya 60:22; 65:13.

• Kansi Yesu esankha ŵani kuti akoyaŵila chakulya chauzimu kuli

• Ophunzila ŵake?