Kansi mulingilila kuti vinthu vizaŵe tyani ku sogolo?

BAIBOLO YULAŴILA KUTI

‘Mulungu . . . azapukute misozi yonse m’menso mwao infwa izaŵepolinisoti, kuzaŵeve kulila olo kumimila, olo soti voŵaŵa. Vakale vasila.’—Chivumbulutso 21:3, 4, Baibulo la Dziko Latsopano.

MWA KUZIŴA VAMENE IVI KUNGAKUYAVYENI TYANI?

Kuziŵa kuti muzaŵe na umi wotemwa komasoti ntchito iweme.—Yesaya 65:21-23.

Muzalwalelini olo kuvutika m’njila iliyonse.—Yesaya 25:8; 33:24.

Muzaŵe otemwa na banja yanu pamozi nazishamwali ŵanu.—Salimo 37:11, 29.

MWA TUWAMILA KUCHETEKELA CHENDI VAYULAŴILA BAIBOLO?

Ee, pa vikomo viŵili:

• Mulungu anamphamvu yokwanilisha lonjezo yamene iyi. M’baibolo ni Yehova Mulungu yeka oitiwa kuti ‘wa Mphamvuyonse’ chikomo chakuti ni wamphamvu ziliye malile. (Chivumbulutso 15:3) Tetyo azakwanilishe lonjezo yochinja chalo kuti chiŵe chiweme. Baibolo yulaŵila kuti ‘vinthu vonse n’vokwanishika kwa Mulungu.’—Mateyu 19:26.

• Mulungu ofunishisha kukwanilisha lonjezo yake. Mwachisanzo, Yehova ofunishisha kuusha ŵanthu echifwa.—Yobu 14:14, 15.

  Baibolo yuwoneshasoti kuti mwana wa Mulungu, Yesu, enzochija olwala. Ndaŵa yanji enzochita zamene izi? Chikomo chakuti enzofunishisha kuŵayavya. (Maliko 1:40, 41) Yesu ekonkheja ndendende awusuwake pa nkhani yofunishisha kuyavya ŵanthu otamana.—Yohane 14:9.

  Tetyo tingakaikile lini kuti Yehova na Yesu ni wofunishisha kutiyavya kuti tizaŵe wotemwa kusogolo!—Salimo 72:12-14; 145:16; 2 Petulo 3:9.