Mwamungakatishile ntchito ndalama

Tonse tufunikila ndalama kuti tisamalile vosoŵa va mabanja ŵasu. (Miyambo 30:8) Ndipo “monga ni mwazutetezela ndalama.” (Mlaliki 7:12) Monga ŵanthu olungulana, nsiku ziyakine vingankhale vovuta kukambilana nkhani zokhuza ndalama, koma olo n’ tetyo osalola kuti ndalama zilete mavuto muukwati wanu. (Aefeso 4:32) Ŵanthu olungulana ofunikila kukhulupililana nopangila pamozi vosankha vokhuza mwamungakatishilile ntchito ndalama.

1 KONZANI BADJETI

VAYUNENA BAIBOLO: “Niŵani wa mwewo wamene akafuna kumanga ng’anda oyambalini wankhala pansi na kuŵelengela ndalama zamene zati azawononge, kuti awone keno ali na ndalama zokwanila kusilijila ng’anda yamene iyo?” (Luka 14:28) N’vofunika ngako kuti mukopangana mwati muzakatishile ntchito ndalama zanu. (Amosi 3:3) Mufunikila kusankha vinthu vofunika kugula komasoti kupaka kwa ndalama zamukuti muwononge. (Miyambo 31:16) Koma olo kuti muli na ndalama zokwanila kuti mugule chinthu chiyakine, ivi vutanthauzalini kuti mufunikila kuchigula mphela chifukwa chililini pa badjeti yanu. Yeja-yejani kupewa nkhongole. Mukokatishila ntchito tyala ndalama zamuli nazo.—Miyambo 21:5; 22:7.

VAMUNNGACHITE:

• Keno mwasalako na ndalama kumapeto kwa mwezi kambilanani mwamungazikatishile ntchito.

• Keno muli na ndalama zitontho, mufunikila kuchefya vamungagule. Mwachisanzo, m’malo mogula vakulya vopika kale mungachite bwino kupika mweka.

2 MWAWOKAMBILANA MOMASUKA

VAYUNENA BAIBOLO: “Tusamalila vinthu vonse mowona ntima, osati pamenso pa Yehova tyala, komasoti pamenso pa ŵanthu.” (2 Akorinto 8:21) Nkhalani wokhulupilika kuli muyanu wamuukwati pankhani yokhuza ndalama zamufwana na zamukatishila ntchito.

Nthawe zonse mukokonshana na muyanu popanga vosankha vikulu-vikulu vokhuza ndalama. (Miyambo 13:10) Kukambilana pa nkhani zokhuza ndalama kungakuyavyeni ngako kuti muŵe na ntendele muukwati wanu. Mukowona ndalama zamufwana kuŵa zanu monse monga banja, osati zanu mweka.—1 Timoteyo 5:8.

VAMUNGACHITE:

• Mukopangana kuti ni ndalama zingani zangakatishile ntchito aliyense wa mwewo chosakonsha muyake.

• Mufunikilalini kulekelela kuti payambike mavuto niye pokambilana za ndalama.