PHUNZILO 7

Kulaŵila mfundo zachendi komasoti zofwika pa ntima

Luka 1:3

MFUNDO IKULU: Pelekani umboni wosimikijilika kuti muyavye omvwishila kumvwisha nkhani.

Sakilani maumboni osimikijilika. Fotokozani maumboni ofumila m’mawu a Mulungu, keno pali luweme mungachite kuŵelenga m’Baibolo. Keno mufotokoza vokhuza sayansi olo nkhani yokhuza valaŵiliwa pa nyunzi, mufunika kusakila maumboni osimikijilika koma soti anyowani amene okatijana na nkhani yanu.
Katishilani ntchito luweme vinthu vamwasakila. Laŵilani mwatingakatishile ntchito malemba kulingana na uthenga upezeka m’Baibolo, komasoti kulingana na mwavulaŵilila vofalisa va “kapolo wokhulupilika na wanzelu.” (Mt 24:45) Katishilani ntchito maumboni akuchalo yemwefufuza kulingana na mwechiŵafotokozela anecho eŵalemba, osayangijilapo olo kuchosapo.

Mufunika lini kuyangijila kupaka kwa vinthu. Mwachisanzo, m’malo molaŵila kuti “ŵanthu ayakine,” mulaŵila kuti “ŵanthu anyinji,” “nthawe ziyakine” mulaŵila kuti “nthawi zonse.”
Fotokozani vinthu vamwafufuza. Pavuli pakuti mwaŵelenga lemba olo mawu otomolewa m’chofalisa, mungapeleke chisanzo olo kukonsha konsho yamene ingayavye omvwishila kuti akwanishe kumvwisha mfundo yamulaŵila.