Nkhani yophunzisa kanthu omvwishila

1 Akorinto 9:19-23

MFUNDO IKULU: Yavyani omvwishila ŵanu kuganizila pa nkhani yamwalaŵila nowona kuti aphunzilapo mfundo zofunikila ngako.

MWAMUNGACHITILE:

• Ganizilani vinthu vakuziŵa kale omvwishila. M’malo mowelejela-welejela mfundo zakuziŵa kale omvwishila, mungachite luweme kuzilaŵila m’njila iyakine kuti zimvwike zachilwendo kwa omvwishila.

• Sakilani nosinkhasinkha. Keno n’vokwanishika, mungafotokoze vinthu vichitika kwalombapano kuti mumvwikishe mfundo zikulu-zikulu. Ganizilani ngako za nkhani yanu nowona kukatijana kwake na nkhani yanu na maumboni ŵamufuna kufotokoza.

• Woneshani kufunika kwa uthenga wamufotokoza. Fotokozani mwamene mfundo za m’Baibolo mwazingayavyile omvwishila pa umoyo wawo. Laŵilani vochitika, minkhalidwe na vochita vamene ni vofunika ngako kwa omvwishila ŵanu.