KUYAMBISHA MAKAMBILANO
MUTU 6
Osachita wowa
Mfundo yofunika kuiganizila: “Titang’a ntima moyavyiwa na Mulungu wasu ndipo tilaŵila uthenga uweme kuli mwewo.”—1 Ates. 2:2.
Vechichita Yesu
1. Lolelani VIDIYO, kapena ŵelengani Luka 19:1-7. Ndipo ganizilani makonsho aŵa:
Ndaŵa yanji ŵanthu ayakine sembe emupewa Zakeyu?
Kansi n’chinji chimuchitisha Yesu kuti amulalikile uthenga uweme?
Kansi tuphunzila chinji kuli Yesu?
2. Tufunika kutang’a ntima kuti tilalikile uthenga wa Ufumu mosasankha
Konkhejani Yesu
3. Dalilani Yehova. Mzimu wa Mulungu wipasa Yesu mphamvu yolalikila, ndipo namwesoti ungakupaseni mphamvu. (Mt. 10:19, 20; Lk. 4:18) Sengani Yehova kuti akuyavyeni kutang’a ntima kuti mukwanishe kulalikila munthu wamuwona kuti ni woyofya.—Mac. 4:29.
4. Osakhumudwisa ŵanthu. Payakine tingayope kulaŵila na ŵanthu chifukwa cha mawonekedwe ŵawo, mwalili, chuma chawo, kapena vakukhulupilila. Koma kumbukilani.
Yehova na Yesu oziŵa vili mu ntima, koma sewo tuziŵalini
Paliye wamene angaleke kuchitiliwa chifundo na Yehova.
5. Mukochita vinthu motang’a ntima komasoti mosamala. (Mt. 10:16) Mukopewa kukangana. Lekani mwaulemu kukambilana na munthu wamene uyo keno omvwishalini uthenga wanu kapena keno muwona kuti nimwe wosatetezeka.—Miy. 17:14.