Kansi chinthu chofunika ngako kuli newo n’chinji?

Yakobo elimbana na mngelo kuti afwane chinthu chofunika ngako—madaliso a Yehova. (Ge 32:24-31; Hos. 12:3, 4) Lomba tyani sewo? Kansi tuyeja-yeja kuchita vilivonse vatingakwanishe kuti timvwile Yehova komasoti tilondele madaliso ŵake? Mwachisanzo, tiyelekezele kuti mufuna musankhe pa mbali ziŵili, kuluta kumisonkhano ya mpingo na kukata ntchito ya maola ayangijila, kansi mwewo mungasankhe chinji? Keno tupasa Yehova nthawe yasu, mphamvu zasu na vinthu vasu “Yove azatikhutulile madaliso ŵakuti tizasoŵe poŵalondelela.” (Mki 3:10) Yove akotisogolela, kutitetezela komasoti akotisamalila potipasa vinthu vonse vatufunikila.—Mt 6:33; Ahe 13:5.

LOLELANI VIDIYO YAKUTI, MUSASIYE KUKHALA NDI ZOLINGA ZAUZIMU, PAVULI PAKE YANKHANI MAKONSHO AŴA:

• Kansi mulongo uyu eyesewa tyani na chinthu chenzekonda?

• Kansi ntchito yasu yatukata ingakhale tyani chiyeso kuli sewo?

• Ndaŵa yanji Timoteyo enzefunikila kunkhala na volinga vauzimu olo kuti enzekale munthu wotang’a mwauzimu?—1Ti 4:16

• Kansi tingawoneshe tyani “ntchito yamene ni yofunika ngako” pa moyo wasu?