Yehova epulumusa Yosefe pa mavuto ŵake

41:9-13, 16, 29-32, 38-40

Yesefe ekata ntchito monga kapolo ku Iguputo ndipo enkhala mudjeli kwa vyaka 13 mpaka Yehova pechisilija mavuto ŵake. Mmalo mokhumudwa, Yosefe ephunzilapo kanthu pali vala vemuchitikila. (Sl 105:17-19) Yove enzeziŵa kuti Yehova angamusiye lini. Kansi Yosefe ephunzilapo chinthu chiweme chotyani pa vinthu vechikumana navo?

• Yove enze wakhama pa ntchito komasoti wodalilika, ndipo ivi vichitisha kuti Yehova amudalise.—Ge 39:21, 22

• Yove nthawe zonse enzewamila ntima ŵanthu ayakine m’malo mofuna kuwejela vinthu viipa venzemuchitila ŵanthu ayakine. —Ge 40:5-7

Kansi chisanzo cha Yosefe chinganiyavye tyani kuti nikwanishe kupilila mavuto ŵangu?

Yehova akaliye nipulumusa pa Aramagedo, kansi ningaphunzilepo vinthu viweme votyani pa mavuto ŵanukumana nawo?