”Chilango​—Chuwonesha chikondi cha Yehova”

Chilango chukatijana ngako na kulangiza, kuphunzisa, komasoti chupamikijapo kuzuzula na kulanga. Yehova otilangiza kuti tikomulambila munjila yovomekejeka. (Aro 12:1; Ahe 12:10, 11) Nthawe ziyakine, chilango chingankhale choŵaŵa, koma chuleta madaliso na chilungamo. (Sl 10:7) Kansi ŵanthu opeleka chilango komasoti ŵala opasiwa chilango ofunika kukumbukila chinji?

Opeleka. Akulu, makolo, komasoti ŵanthu ayakine oyeja-yeja kupeleka chilango mwachikondi na mowama ntima monga ni mwakuchitila Yehova. (Yer 46:28) Olo chilango chingankhale champhamvu chufunika kupelekewa mokatijana na vosoŵa komasoti molimbikisiwa na chikondi.​—Tit 1:13.

Olondela. Paliye kanthu kuti chilango chingankhale chotyani, tufunikalini kuchikana, koma tufunika kuyeja-yeja kuchikatishila ntchito nthawe yamene iyo. (Miy 3:11, 12) Monga ŵanthu tiliye ungwilo, tonse tufunikila chilango, chamene chuwela munjila zosiyana-siyana. Tingalangiziwe kupitila mu vinthu vataŵelenga m’Baibolo olo vatamvwa pa misonkhano ya mpingo. Olo kuti nthawe ziyakine ayakine ofunikila kulangiziwa na komiti ya chiweluzo. Tikalondela chilango nakuchikatishila ntchito, tinkhale na moyo uweme ndipo tizankhale na moyo mpaka kale-kale.​—Miy 10:17.

LOLELANI VIDIYO YAKUTI “YEHOVA OLANGIZA ŴALA ŴAKUKONDA,” NDIPO PAVULI PAKE YANKHANI MAKONSHO AŴA:

• 

  Kansi moyo wa Canon’s wiyamba tyani ndipo wichinja tyani?

• 

  Kansi yove elondela chilango chotyani chachikondi chofumila kwa Yehova?

• 

  Kansi nkhani yake yutiphunzisa chinji?