Oneshani chikondi m’banja

Chikondi ni guluu chamene chupangisha kuti banja ikokatijana. Paliye chikondi, vingankhale vovuta kuti onse m’banja ankhale okatijana muyake na muyake. Kansi analume, anakazi komasoti makolo angawoneshe tyani chikondi m’banja?

Mwanalume wachikondi oganizila vosoŵa va mwanakazi wake, maganizo ŵake komasoti mwakumvwila. (Afil. 5:28, 29) Yove osamalila banja yake mwauzimu na mwakuthupi, kupamikijapo kuchita Kulambila Kwapabanja nthawe zonse n’chingulo. (1Ti 5:8) Mwanakazi wachikondi omvwila mwanalume wake ndipo omupasa “ulemu ukulu.” (Afil. 5:22, 33; 1Pe 3:1-6) Onse aŵili ofunika kunkhala okonzeka kukhululukilana muyake na muyake nthawe zonse. (Afil. 4:32) Makolo achikondi owonesha chidwi kuli mwana aliyense ndipo oŵaphunzisa kuti akokonda Yehova. (De 6:6, 7; Afil. 6:4) Kansi ŵana ŵanu okumana na mavuto otyani kusikulu? Kansi ove olimbana tyani na viyeso vofumila kuli ayawo? Keno chikondi chuyangijilika m’banja, ŵanthu onse olimvwa kuti osamaliliwa komasoti otetezewa.

LOLELANI VIDIYO YAKUTI MUZISONYEZA CHIKONDI CHOSATHA M’BANJA, NDIPO PAVULI PAKE YANKHANI MAKONSHO AŴA:

• 

  Kansi mwanalume wachikondi omulyeshela tyani mwanakazi wake na kumusamalila?

• 

  Kansi mwanakazi wachikondi owonesha tyani kuti olemekeza ngako mwanalume wake?

• 

  Kansi makolo achikondi angachite tyani kuti Mawu a Mulungu akonkhazikika mwa ŵana ŵawo?