Malangizo othandiza a misonkhano yokonzekela utumiki wakumunda

Misonkhano ya utumiki wakumunda, monga ni misonkhano ya mpingo yonse ni makonzedwe ofumila kwa Yehova amene otiyavya kulimbikisana muyake na muyake pa chikondi na ntchito ziweme. (Ahe 10:24, 25) Misonkhano yamene iyi yufunika ikotola maminesi 5 mpaka 7, vamene vupamikijapo kupanga magulu, kupeleka gawo, komasoti kuchita pemphelo. (Keno pafuna pachitike nsonkhano uyakine nsonkhano wamene uyu ufunika kunkhala ufupi.) Wosogoja ofunika kukonzekela vinthu vamene vingayavye ŵala apezeka kuti alute mu utumiki wakumunda pa nsiku yamene iyo. Mwachisanzo, pachiŵelu keno anyinji mwa ŵanthu amene apezeka aliyelute mu utumiki sondo yasila, vingankhale vothandiza kufotokoza tyala vatinganene mu utumiki wakumunda. Kansi ni nkhani ziyakine zotyani zamene zingankhale zofunika kukambilana?

• Makambilano a chidule opezeka mu Utumiki komasoti moyo wasu wachikhilisitu—Kabuku kamisonkhano

• Mungakatishile ntchito chochitika chalombapano olo nkhani kuti muyambishe makambilano

• Mungayankhe nkhani zakushusha ŵanthu anyinji m’gawo yanu

• Mungayankhe munthu wamene okhulupililalini kuti kuli Mulungu, wamene okhulupilila kuti vamoyo vechitachinja kufumila ku vinthu viyakine, munthu wamene olaŵila chilaŵilo chiyakine, olo munthu wamene ali mu chipembezo chamene n’chachilwendolini m’dela yanu

• Mungakatishile ntchito pedji yoyamba yapa webisaiti yasu ya jw.org, JW Library^® olo Baibolo

• Mungakatishile ntchito chimozi mwa Vinthu vatukatishila ntchito pophunzisa

• Mukangatishile ntchito njila ziyakine zochitila utumiki, monga kulalikila kupitila pafoni, kulalikila m’malo opezeka ŵanthu anyinji, maulwendo oweleja olo maphunzilo a Baibolo

• Vofunika kukumbukila pa nkhani ya chitetezo, kunkhala wokonzeka kuchinja, kunkhala na minkhalidwe iweme, maganizo aweme olo vinthu viyakine

• Mutu olo vidiyo ya mu kabulosha kakuti Chitani Khama pa Kuŵelenga na Kuphunzisa

• Mungalimbikise komasoti kuyavya gawo yanu na munthu wamuyenda naye

• Mungakatishile ntchito lemba yamene yukatijana na mwalili ŵanthu mu utumiki olo chokumana nacho chilichonse cholimbikisa mu utumiki wakumunda