Vatingaphunzile pa moyo wa Samueli

Samueli enkhala mphela wokhulupilika kwa Yehova kwa moyo wake wonse. Ali kalumbwana, ekana kuchita vinthu viipa monga ni venzechita ŵana a Eli, Hofeni na Pinihasi. (1Sa 2:22-26) Samueli epitilija kukula, ndipo Yehova epitilija kunkhala naye. (1Sa. 3:19) Ndipo pechikalamba, yove epitilija kuyenda m’njila ya Yehova, olo kuti ŵana ŵake enzechitalini vamene ivo.—1Sa 8:1-5.

Kansi chisanzo cha Samueli chutiphunzisa chinji sewo? Keno nimwe wachilumbwana, nkhalani na chidalilo chakuti Yehova omvwisha mavuto ŵamukumana nawo komasoti mwamumvwila. Yove akuyavyeni kuti munkhale wotang’a ntima. (Yes 41:10, 13) Keno mwewo nimwe kolo ndipo mwana wanu waleka kutumikila Yehova, mungalimbikisiwe na chisanzo cha Samueli wamene enzefunikalini kuŵakakamija ŵana ŵake amene enze kale akulu, kuti apitilije kunkhala okhulupilika pokonkheja malamulo a Yehova. Pechisiya nkhani yamene iyi mmanja mwa Yehova, yove epitilija kuyenda na ntima wosayaŵanika ndipo ekondwelesha Atata ŵake ŵakululu, Yehova. Payakine chisanzo chanu chiweme chingachitishe mwana wanu kuti ajokele kwa Yehova.

LOLELANI VIDIYO YAKUTI ZIMENE TINGAPHUNZILE KUCHOKERA KWA—SAMUEL, NDIPO PAVULI PAKE YANKHANI MAKONSHO AŴA:

• 

  Kansi Samueli ewonesha tyani kuti enze wotang’a ntima akali kalumbwana?

• 

  Kansi Danny ewonesha tyani kutang’a ntima?

• 

  Kansi Samueli ni chisanzo chiweme tyani kuli analume achikulile?

• 

  Kansi makolo a Danny ni chisanzo chiweme tyani?