Osalola kuti vilakolako viipa vikokulamulilani

Davide elola kuti maganizo aipa akule muntima mwake (2Sa 11:2-4; w21.06 pedji 17 ndim. 10)

Davide ekatishila ntchito mphamvu zake molakwika kuti afise chimo yake (2Sa 11:5, 14, 15; w19.09-CN pedji 17 ndim. 15)

Davide ekumana na vokonkhapo viipa ngako chifukwa cha chimo yake (2Sa 12:9-12; w18.06-CN pedji 17 ndim. 7)

Kuti tileke kulolesha olo kuganizila vinthu viipa, tufunika kuliphunzisa. (Aga 5:16, 22, 23) Yehova angatiyavye kuti osati tilole kuti maganizo aipa akule m’mitima yasu.

LIKONSHENI KUTI, ‘Kansi ni mbali zotyani zanufunikila ngako kuti niwamye pa vinthu vanuganiza?’