CHUMA CHUPEZEKA M’MAWU A MULUNGU

Vatingaphunzile kufumila pa vipilala viŵili

Vipilala viŵili vikulu-vikulu vipangiwa noviika pakholido pamalo akuti ŵanthu onse akoviwona (1Mf 7:15, 16; w13-CN 1/12 pedji 13 ndim. 3)

Vipilala vamene ivo evipasa mazina atanthauzo (1Mf 7:21; it-1-CN pedji 348)

Kuti Yehova aŵayavye kumanga kachisi ‘wotang’a,’ ŵanthu amene awo enzefunikila kudalila yove. (1Mf 7:21; Sl 127:1)

Yehova etiyavya ngako kulimbana na mavuto anyinji kuti tiloŵe mu chonadi. Tetyo tufunika kupitilija kudalila yove kuti tinkhale “onkhazikika m’chikhulupililo.”—1Ak 16:13.

Chithunzi: 1. Mwanakazi ali ku nsika opasiwa kabulosha kakuti “Sangalalani na moyo kosasila!” na mulongo. 2. Mwanakazi oganizila za chiyoloŵezi chake chopepa pakuŵelenga kabulosha kakuti “Sangalalani na moyo kosasila!” ku ng’anda. 3. Yove obatiziwa.

LIKONSHENI KUTI, ‘Kansi nuwonesha tyani kuti nudalila Yehova?’