Ntchito yapadela yunena za mwatingayambishile maphunzilo a Baibolo m’mwezi wa September

Nkati mwa mwezi wa September, tizakate ntchito ikulu ngako kuti tizayambishe maphunzilo a Baibolo kuli munthu aliyense watunkhala naye pafupi, pokatishila ntchito kabulosha kakuti, Sangalalani na moyo kosasila!. Ofalisa payakine angasankhe kuzatola upainiya wothandiza wa maola 30. Kansi tizaikate tyani ntchito yapadela yamene iyi?

• Pa ulwendo woyamba: Katishilani ntchito chikuto chosilijila cha kabulosha kuti muyavye munthu kunkhala na chidwi, ndipo yejani kumuwonesha mwayuchitikila phunzilo. Mufunikalini kuŵaluŵa ŵala amene enze ewoneshako chidwi masiku akuvuli, kuyangijilapo maulwendo oweleja. Olo keno masiku akuvuli ekana kuphunzila Baibolo, payakine lomba angawoneshe chidwi na njila yasu yanyowani yatuphunzisila Baibolo komasoti kabulosha. Tumabulosha tufunikalini kusiiwa m’mang’anda mwala muliye ŵanthu olo kutumijiwa m’makalata kuli ŵala amene aliyewoneshe chidwi masiku akuvuli. Komiti ya Utumiki ya Mpingo ingalinganije misonkhano yoyangijila ya utumiki nkati mwa mwezi wamene uyo.

• Mipata iyakine: Keno mpingo wanu ukatishila ntchito tumashelufu tolalikilila, ikammoni kabulosha ka Sangalalani na moyo kosasila!. Aujeni ŵala awonesha chidwi kuti keno ove alondela kabulosha niye kuti angophunzisiwasoti Baibolo mwa mahala. Pa nthawe yamukambilana nawo awonesheni mwachidule mwayuchitikila phunzilo ya Baibolo, olo payakine chitani makonzedwe akuti muzaŵawoneshe nthawe iyakine. Wopanamila utumiki angachite makonzedwe akuti ofalisa oyenelela alute ku malo ochitila malonda a m’gawo yanu na kuyayambisha maphunzilo a Baibolo. Mwewo namwe mungayambishe maphunzilo a Baibolo kuli ŵanthu ŵamukata nawo ntchito pamozi olo kuli ŵanthu ŵamwakumana nawo pa nthawe yamuchita ulaliki wa mwamwayi.

Yesu etilamula kuti tufunika ‘kuphunzisa ŵanthu.’ (Mt 28:19, 20) Tetyo tili na chiyembekezo chakuti ntchito yapadela yamene iyi yolalikila itiyavye kukwanilisha cholinga chamene ichi, pokatishila ntchito kabulosha ka Sangalalani na moyo kosasila!