Mukokonzekelatu palipano vamungazachita mukazalwala mwazizizi

Ndaŵa yanji tufunika kukonzekela? Vingachitike kuti tingalwale mwazizizi nokatiwa adimiti, ivi ni vinthu vingachitike mosayembekezeleka. Tetyo, mukaliyelwala mwazizizi, chitani vonse vamungakwanishe palipano kuti mulondele chithandizo cha mankhwala chiweme keno vamene ivi vingachitike. Mukachita tetyo, mungawoneshe kuti mulemekeza moyo komasoti lamulo ya Yehova yokhuza milopa.—Mac 15:28, 29.

Kansi tingakonzekele tyani?

• Pemphelani nolemba mosamala khadi Lopatsa Munthu Mphamvu Yosasinthika Yondisankhira Thandizo la Mankhwala ya (DPA).a Ofalisa obatizika angapeze khadi ya DPA kwa ntumiki wa mabuku komasoti Khadi ya (ic) ya ŵana atontho

• Keno muli na vumo, mungakonshe akulu a mpingo wanu kuti akupaseni fomu ya Malangizo Othandiza Amayi Oyembekezera (S-401). Fomu yamene iyi ingakuyavyeni kupanga vosankha viweme pa nkhani ya thandizo ya mankhwala pa nthawe yamuli na vumo komasoti pa nthawe yopeza mwana

• Keno muyembekezela kulondela thandizo ya mankhwala yamene ingapamikijepo kuikiwa milopa olo kukatiwa adimiti, mungachite bwino kuziŵishilatu akulu kukali nthawe komasoti achipatala kuti nine wokonzeka kuyendelewa na a Mboni za Yehova

Kansi akulu angakuyavyeni tyani? Ove angakuyavyeni kusaina khadi yanu ya DPA. Koma olo n’tetyo akulu angakupangilenilini chosankha pankhani ya thandizo yachipatala olo kufotokozapo maganizo ŵawo pa chosankha chanu. (Aro 14:12; Aga 6:5) Keno mungaziŵishe akulu a mu mpingo mwanu kuti mufunika thandizo iyakine yamene ingapamikijepo kuikiwa milopa, ove mokulumija angakambilane na Komiti Yolaŵila na Achipatala (HLC) m’malo mwanu.

Kansi a HLC angakuyavyeni tyani? Abale otumikila m’makomiti a HLC ni ophunzisiwa luweme kuti akoyavya madokota na azamalamulo kumvwisha mwamene chipembezo chasu mwachuwonela nkhani ya milopa. Angakambilane na madokota za thandizo ya mankhwala yangakupaseni paliye kuikiwa milopa. Keno pangafunikile, angakuyavyeni kufwana dokota wamene angachite vinthu mokatijana na vamwasankha pa nkhani ya milopa.

LOLELANI VIDIYO YAKUTI MUNGASANKHE BWANJI ZOYENERA KUCHITA PA NKHANI YA THANDIZO LACHIPATALA LOKHUDZA MAGAZI?, NDIPO PAVULI PAKE YANKHANI KONSHO IYI:

• Kansi mwaphunzila chinji mu vidiyo yamene iyi chamene chingakuyavyeni kuziŵa vamungachite keno mungafunikile thandizo ya mankhwala ingakhuzane na kuikiwa milopa?

  Your answer