Kansi muli na volinga votyani m’chaka chanyowani cha utumiki?

Volinga vauzimu vupamikijapo chinthu chilichonse chatuyeja-yeja kukwanilisha na cholinga chakuti tikotumikila Yehova mokwanila komasoti kuti tikomukondwelesha. Vamene ivi vutiyavya kupita pasogolo m’choonadi, ndipo vufuna nthawe komasoti mphamvu zasu. (1Ti 4:15) Ndaŵa yanji tufunika kuganizila za volinga vasu nthawe zonse? Ndaŵa yakuti vinthu vuchinja. Volinga vetenze navo kuvuli tingavikwanilishelini soti, olo payakine vingachitike kuti tevikwanilisha kale ndipo tufunikila kuliikila volinga viyakine.

Nthawe iweme yoganizila volinga vasu niyamene ino chikaliyefwika chaka chanyowani cha utumiki. Tyani kukambilanako vokhuza nkhani yamene iyi pa kulambila kwanu kwapa banja, na vokhuza volinga vamungankhale navo pamweka komasoti monga banja?

Pa mbali izi zokonkhapo, kansi ni volinga votyani vamuli navo, ndipo mungachite tyani kuti muvikwanilishe?