MOYO WASU WACHIKHILISITU
Makolo—yavyani ŵana ŵanu kufwana nzelu ya Mulungu
Njila imozi iweme ngako yamene makolo yangayavyile ŵana ŵawo kuti afwane nzelu ya Mulungu, ni kuŵayavya kuti akopindula na misonkhano ya Chikhilisitu. Vinthu vakuwona achilumbwana, kumvwa komasoti vakufotokoza poyankha pa misonkhano vingaŵayavye kuphunzila za Yehova nonkhala azishamwali ŵake apantima. (De 31:12, 13) Keno nimwe kolo, kansi mungamuyavye tyani mwana wanu kuti akopindula ngako na misonkhano?
Mukoyeja-yeja kuti mukopezeka pa misonkhano ku N’ganda ya Ufumu.—Sl 22:22
Mukoyeja-yeja kufwana nthawe yotandala na abale na alongo ŵanu ku Ng’anda ya Ufumu misonkhano ikaliye yamba komasoti ikasila.—Ahe 10:25
Onesheshani kuti aliyense m’banja mwanu ali na mabuku amene ophunziliwa pa misonkhano keno ni ochita dindiwa olo apa chipangizo cha makono
Yavyani mwana wanu kuti akokonzekela ndemanga m’mawu ŵake-ŵake.—Mt 21:15, 16
Mukolaŵila viweme vokhuza misonkhano na malangizo ŵamulondela kwamene uko
Mukoyavya ŵana ŵanu kuchitila vinthu pamozi monga kutuŵisha m’Ng’anda ya Ufumu, komasoti kulaŵijana na ŵanthu achikulile amu mpingo
Kuyavya ŵana ŵanu kuti avyendele kwa Yehova kufuna khama ikulu, ndipo nthawe ziyakine kungawoneke kunkhala koŵeŵesha. Koma olo ntetyo, mwewo mungafunikile kudalila Yehova. —Yes 40:29.
LOLELANI VIDIYO YAKUTI MAKOLO, MUKODALILA YEHOVA KUTI AKOKUPASANI MPHAMVU, NDIPO PAVULI PAKE YANKHANI MAKONSHO AŴA OKONKHAPO:
Kansi kuŵeŵa kwiŵaletela mavuto otyani Zack na Leah?
Ndaŵa yanji makolo ofunika kudalila Yehova kuti aŵapase mphanvu?
Kansi Zack na Leah edalila Yehova mu njila zotyani kuti vinthu viŵayendele luweme?