Nkhani Zapa Webisaiti

Fwanani mfundo za ntengo wapatali zokhuza Yehova

Patuŵelenga Baibolo, tingafufuze kuti timvwishe luweme vinthu vamene vatuphunzila. Koma sewo tufunalini kuphunzila nacholinga chofuna tyala kuyangijila chiziŵisho chasu chokhuza Baibolo. Sewo tufuna kufwana mfundo zantengo wapatali zokhuza minkhalidwe ya Yehova zamene zingatiyavye kuti tikomukonda ngako. Kuti tichite vamene ivi tufunikila kulikonsha kuti, ‘Kansi nkhani yamene iyi yuniphunzisa chinji za Yehova?’

Mwachisanzo, mungachite luweme kufufuza kuti muziŵe vinyinji vokhuza mwamene Yehova mwakuwoneshela minkhalidwe yake yapadela monga chikondi, nzelu, chilungamo, komasoti mphanvu. Koma olo n’tetyo, Yehova oziŵikalini na minkhalidwe yamene iyi tyala. Mulungu ali soti na minkhalidwe iyakine iweme. Kansi n’kuni kwamungaŵelenge vinyinji vokhuza minkhalidwe yake?

Lutani pa mndandanda ya minkhalidwe iyakine ya Mulungu yopitilila 50 yamene yupezeka mu Buku Lofufuzira Nkhani la Mboni za Yehova la 2019 mnyansi mwa mutu wakuti “Yehova” noluta pa kamutu kakuti “Makhalidwe a Yehova.” Pavuli pake ganizilani ngako za minkhalidwe ya Yehova yamene yuwonekela mu nkhani ya m’Baibolo yamene yamuŵelenga.)