Mukokatishila ntchito Baibolo monga nichilola

Ntumwi Yakobo, eyelekezela Baibolo na chilola chamene chutiyavya kuwona umunthu wasu wankati. (Yako. 1:22-25) Kansi tingachite tyani kuti tikoikatishila ntchito moyenelela Baibolo monga nichilola?

Mukoiŵelenga mosamala. Kulolesha tyala pachilola, kungatiyavye kuti tiwone mwatuwonekela komasoti kuwamya pasawoneka luweme. Kuti tiwone mbali ziyakine za umunthu wasu wankati zatufunikila kuwamya, nthawe zonse tufunikila kuŵelenga Mawu a Mulungu mosamala.

Mukoganizila ngako vamungachite mwewo kuti muchinje osati vangachite ayanu. Nthawe ziyakine keno tulolesha pachilola, tingakwanishe kuwona mwakuwonekela ŵanthu ayakine pachilola chamene icho, ndipo tingayambe kuganizila vinthu vangafunikile kuwamya kuti awoneke luweme. Molingana na vamene ivi, nthawe ziyakine keno tuŵelenga Baibolo tingayambe kuganizila vangafunikile kuwamya ŵanthu ayakine pa moyo wawo. Koma vamene ivi vingatiyavyelini sewo kuwamya vinthu pamoyo wasu.

Mukoganizila ngako vinthu vamungakwanishe. Tingafoke keno tulolesha tyala vinthu vamene vililini luweme pa muŵili wasu tikalolesha pachilola. Tikoŵelenga Mawu a Mulungu, tufunikila kunkhala oganiza luweme kuti osati tikoyembekezela vinyinji kupambana vakufuna Yehova kuli sewo.—Yako. 3:17.