Mukokatishila ntchito mbali ya pakati ya Baibolo yanu

Mbali ya pakati ya Baibolo ya Chalo Chanyowani ya Malemba Opatulika yuwonesha kuti mbali zosiyana-siyana zamu Baibolo ni zokatijana mwa kundandalika malemba ayakine pa nkhani yamene iyo amene onkhala na mfundo zoyangijila. Kuti mufwane mbali ya pakati mu Baibolo, poyamba mufunikila kuwona bii itontho ili ku mapeto kwa mawu amene awo ŵamuŵelenga. Keno mukatishila ntchito Baibolo yochita dindiwa, onani mabii ali mu mbali ya pakati ya Baibolo amene olingana na mabii ali ku mapeto kwa mawu osilijila ŵamuŵelenga mu Baibolo. Keno mukatishila ntchito Baibolo ya pa jw.org olo ya pa JW Library^®, tinyani bii yamene iyo kuti muwone malemba ayakine oyangijila.

Mbali ya pakati ya Baibolo yanu ingakuyavyeni kuti mufwane vinthu ivi vokonkhapo komasoti viyakine vinyinji:

Nkhani yolingana. Mbali yamene iyi ingakusogoleleni ku buku iyakine yamu Baibolo yamene yufotokoza mfundo ziyakine zokhuzana na nkhani yamene iyo yamuŵelenga. Mwachisanzo; onani 2 Samueli 24:1 na 1 Mbiri 21:1.

Mawu olingana. Mbali yamene iyi yuwonesha kwechifumila mawu ayakine otomolewa mu Baibolo. Mwachisanzo, onani Mateyo 4:4 na Deuteronomo 8:3.

Kukwanilishiwa kwa maulosi. Mbali yamene iyi ingakuyavyeni kuwona kukatijana kwa ulosi komasoti mweukwanilishiliwa. Mwachisanzo, onani Mateyo 21:5 na Zekariya 9:9.