Malifalensi a Utumiki komasoti moyo wasu wa chikhilisitu Kabuku kamisonkhano

MARCH 1-7

CHUMA CHUPEZEKA M’MAWU A MULUNGU | NUMERI 7-8

“Vatingaphunzile kufumila ku misasa ya Isiraeli”

it-1-CN pedji 497 ndim. 3

Mpingo

Ku Isiraeli, nthawi zambiri anthu audindo ankachita zinthu poimira anthu ena onse. (Eza 10:14) Choncho Mose atamaliza kumanga chihema chopatulika, “atsogoleri a mafuko” anapereka zopereka. (Nu 7:1-11) Komanso m’nthawi ya Nehemiya, anthu amene anatsimikizira ndi chidindo “pangano lodalirika” anali ansembe, Alevi ndi ‘atsogoleri a anthu.’ (Ne 9:38–10:27) Aisiraeli ali m’chipululu, amuna okwana 250 omwe anali “atsogoleri a anthuwo, owaimira kumisonkhano, amuna otchuka,” anagwirizana ndi Kora, Datani, Abiramu ndi Oni n’kuukira Mose ndi Aroni. (Nu 16:1-3) Komanso potsatira zimene Yehova anamuuza, Mose anasankha akulu 70 mwa akulu a Aisiraeli amene anali oyang’anira kuti amuthandize “kusenza udindo woyang’anira anthuwo” womwe unkamukulira. (Nu 11:16, 17, 24, 25) Lemba la Levitiko 4:15 limatchula za “akulu a khamu la Isiraeli,” ndipo zikuoneka kuti amuna audindo amenewa omwe ankaimira anthu, anali akulu a Isiraeli, atsogoleri, oweruza ndi akapitawo.—Nu 1:4, 16; Yos 23:2; 24:1.

it-2 pedji 796 ndim. 1

Rubeni

Pa msasa wa Asiraeli, fuko ya Rubeni, fuko ya Simiyoni komasoti ya Gadi yenzenkhala kum’mwela kwa chihema chopatulika. Keno ofuluka pa msasa pamene apo, mafuko atatu amene aŵa, fuko ya Rubeni niye yenzetangula, pavuli pake penzewela fuko ya Yuda, ya Isakara naya Zebuloni. (Nu 2:10-16; 10:14-20) Dongosolo yamene iyi niye yechikonkhejasoti penzepeleka zopeleka zawo pa nsiku yechiseguliwa chihema chopatulika.—Nu 7:1, 2, 10-47.

Kusakila-sakila Mfundo zingatiyavye

it-1 pedji 835

Mwana woyamba kuvyalika

Chifukwa chakuti ŵana analume oyamba kuvyalika a Chiisiraeli enzenkhala asogoleli a mabanja ŵawo, ove enzepanamila ntundu wonse wa Isiraeli. Ndipo Yehova eita ntundu wonse wa Isiraeli kuti ni mwana wake “woyamba kuvyalika” chifukwa cha pangano yake na Abulahamu. (Eks 4:22) Chifukwa chakuti epulumusa ŵana oyamba kuvyalika, Yehova elamula kuti akomupatulila “mwana aliyense mwanalume woyamba kuvyalika wa munthu nawa chifuwo, pakati pa ŵana a Isiraeli.” (Eks 13:2) Tetyo ŵana analume oyamba kuvyalika enzenkhala a Yehova.

MARCH 8-14

CHUMA CHUPEZEKA M’MAWU A MULUNGU | NUMERI 9-10

“Mwakusogolelela ŵanthu ŵake Yehova”

it-1-CN pedji 398 ndim. 3

Msasa

Zimene zinkachitika akamasamutsa msasa, womwe unali waukulu kwambiri, kuchoka pamalo ena kupita pamalo ena, zimasonyeza kuti zinthu zinkachitika mwadongosolo kwambiri. (Mu Numeri chaputala 33 Mose anatchula za maulendo pafupifupi 40 a kusamuka kotereku.) Pa nthawi yonse imene mtambo waima pamwamba pa chihema chopatulika, Aisiraeli sankasamuka pamsasapo. Koma mtambowo ukanyamuka, iwonso ankanyamuka. “Yehova akalamula, iwo ankamanga msasa, ndipo Yehova akalamula, iwo ankanyamuka.” (Nu 9:15-23) Kulira kwa malipenga awiri asiliva ndi kumene kunkawathandiza kudziwa zoti Yehova walamula kuti amange msasa kapena anyamuke. (Nu 10:2, 5, 6) Lipenga lolira mosinthasintha linkasonyeza kuti akuyenera kunyamuka. Lipenga lotere linalira koyamba “m’chaka chachiwiri [1512 B.C.E.], mwezi wachiwiri, pa tsiku la 20.” Likasa la pangano ndi limene linali patsogolo. Pambuyo pake panabwera gulu loyamba la mafuko atatu, omwe ndi fuko la Yuda, limene linali patsogolo, kenako la Isakala ndipo kenako la Zebuloni. Pambuyo pawo panabwera Agerisoni ndi Amerari atanyamula mbali zina za chihema chopatulika. Kenako panabwera gulu lachiwiri la mafuko atatu, omwe ndi fuko la Rubeni, limene linali patsogolo, kenako la Simiyoni ndipo kenako la Gadi. Pambuyo pa amenewa panabwera Akohati atanyamula zinthu za m’malo opatulika. Kenako panabwera gulu lachitatu la mafuko atatu omwe ndi fuko la Efuraimu, la Manase ndi la Benjamini. Pomaliza panabwera gulu lina lomwe linkateteza kumbuyo limene patsogolo panali fuko la Dani, kenako la Aseri ndipo kenako la Nafitali. Choncho magulu awiri omwe anali ndi anthu ambiri komanso amphamvu kwambiri anaikidwa kuti aziteteza, lina kutsogolo lina kumbuyo.—Nu 10:11-28.

Kusakila-sakila Mfundo zingatiyavye

it-1-CN pedji 199 ndim. 3

Kusonkhana

Kufunika Kosonkhana. Malangizo okhudza Pasika amene Aisiraeli anapatsidwa amasonyeza kufunika kosonkhana kuti tipindule ndi chakudya chauzimu chimene Yehova amatipatsa. Mwamuna aliyense amene si wodetsedwa kapena sanapite pa ulendo wautali, koma wanyalanyaza kuchita mwambo wa Pasika, ankayenera kuphedwa. (Nu 9:9-14) Pamene Mfumu Hezekiya ankaitana anthu a ku Yuda ndi ku Isiraeli kuti apite ku Yerusalemu kuchikondwerero cha Pasika anawauza kuti: “Inu ana a Isiraeli, bwererani kwa Yehova . . . musaumitse khosi lanu ngati mmene anachitira makolo anu. Gonjerani Yehova, pitani kunyumba yake yopatulika imene waiyeretsa mpaka kalekale. Tumikirani Yehova Mulungu wanu kuti mkwiyo wake umene wakuyakirani ukuchokereni. . . . Yehova Mulungu wanu ndi wachisomo ndiponso wachifundo, ndipo sadzayang’ana kumbali mukabwerera kwa iye.” (2Mb 30:6-9) Kulephera mwadala kupita ku Pasika kunkasonyeza kuti munthuyo akukana Mulungu. Ngakhale kuti Akhristufe sitichita zikondwerero monga Pasika, Paulo anatilimbikitsa kuti sitiyenera kunyalanyaza misonkhano imene anthu a Mulungu amakhala nayo. Iye anati: “Tiyeni tiganizirane kuti tilimbikitsane pa chikondi ndi ntchito zabwino. Tisaleke kusonkhana pamodzi, monga mmene ena achizolowezi chosafika pamisonkhano akuchitira. Koma tiyeni tilimbikitsane, ndipo tiwonjezere kuchita zimenezi, makamaka pamene mukuona kuti tsikulo likuyandikira.”—Ahe 10:24, 25.

MARCH 15-21

CHUMA CHUPEZEKA M’MAWU A MULUNGU | NUMERI 11-12

“Ndaŵa yanji tufunika kupewa nkhalidwe yodandaula?”

it-2 pedji 719 ndim. 4

Kukangana

Kung’ung’uzika. Kung’ung’uzika kufokesha ŵanthu kumasoti kuwonongesha vinthu vinyinji. Pakaliyepita nthawe kufumila pechifuma ku Iguputo Aisiraeli, ove eyamba kung’ung’uzikila Yehova, kuti oŵasogolelalini bwino kupitila mwa Mose na Aroni. (Eks 16:2, 7) Kupita kwa nthawe, kudandaula kwawo kwifokesha Mose, mwakuti yove esenga kuti afwe. (Nu 11:13-15) Kung’ung’uzika nikoyofya ngako kwa munthu wamene ong’ung’uzika. Yehova enzewona kuti ŵanthu ong’ung’uzikila Mose opandukila ulamulilo wake. (Nu 14:26-30) Ŵanthu anyinji epaiwa chifukwa chokonda kung’ung’uzika.

Kusakila-sakila Mfundo zingatiyavye

it-2 pedji 309

Mana

Mwenzele mana. Mana enze “atuŵa monga ni nsele ya mapila” ndipo “enzewoneka” monga ni utomoni wamene uwonekela nkati monga ni gilasi. Enzewame monga ni “makeke osalala otila uchi” kapena “monga ni keke yonzuna yoika shuga.” Enzechita kutwa muŵende olo kuŵapela pa mphelo, akachita tetyo enzeŵapika m’chinkhombe, olo kuŵapanga makeke alaundi.—Eks 16:23, 31; Nu 11:7, 8.

MARCH 22-28

CHUMA CHUPEZEKA M’MAWU A MULUNGU | NUMERI 13-14

Kusakila-sakila Mfundo zingatiyavye

it-1 pedji 740

Chalo chechipasa Mulungu Aisiraeli

CHALO chechipasa Mulungu Aisiraeli chenze chendi chiweme. Mose pechituma ŵanthu kuti akayendele Chalo Cholonjezewa, ove eletako vitwazi va m’chalo chamene icho, monga nkhuyu, makangaza olo kuti vintchele va chizungu na msambo ukulu uli na mphesa zinyinji, mwakuti ŵanthu aŵili echita takujana papewa na vimiti vonyamulila. Olo kuti ewelako ali na wowa chifukwa cha kusoŵa kwa chikhulupililo, eleta lipoti yakuti: Ni chalo “choyenda nkaka na uchi.”—Nu 13:23, 27.

MARCH 29–APRIL 4

CHUMA CHUPEZEKA M’MAWU A MULUNGU | NUMERI 15-16

Kusakila-sakila Mfundo zingatiyavye

w98-CN 1/9 pedji 20 ndim. 1-2

Muzionetsetsa Kuti Mukuika Zinthu Zofunika Pamalo Oyamba

Yehova sanaone kuti nkhaniyi ndi yaing’ono. Baibulo limati: “Yehova anauza Mose kuti: ‘Munthuyo aphedwe basi!’” (Numeri 15:35) Kodi n’chifukwa chiyani Yehova anakwiya kwambiri ndi zimene munthuyo anachita? Anthuwo anali ndi masiku 6 oti akanatha kutola nkhuni, kupeza chakudya komanso kugwira ntchito kuti apeze zovala ndi malo ogona. Tsiku la 7 ankafunika kuliona kuti ndi loyenera kuchita zinthu zokhudza kulambira. Kutola nkhuni sikunali kolakwika, koma kuchita zimenezo pa nthawi imene ankafunika kulambira Yehova n’kumene kunali kulakwa. Ngakhale kuti Akhristu satsatira Chilamulo cha Mose, nkhani imeneyi ikutiphunzitsa kuti tiyenera kumaika zinthu zofunika pamalo oyamba.—Afilipi 1:10.

APRIL 19-25

CHUMA CHUPEZEKA M’MAWU A MULUNGU | NUMERI 22-24

“Yehova ochinja tembelelo nonkhala daliso”

it-2 pedji 291

Usilu

Usilu woshushana na Yehova. Mneneli Balamu echita vinthu mopusa ndipo enzefuna kulosela vinthu viipa vokhuza Aisiraeli kuti alondele ndalama kufumila kwa Baraki, wamene enze mfumu ya Amowabu. Koma Yehova ekangisha vofuna vake. Mtumwi Petulo elemba vokhuza Balamu kuti, “nyama yakuti yulaŵilalini yunyamula katundu ilaŵila monga ni munthu nokangisha vochita vausilu va mneneli wamene uyo.” Ponena za usilu wa Balamu, mtumwi wamene uyu ekatishila ntchito mawu a Chigiriki akuti pa·ra·phro·niʹa, amene otanthauza “kusaganiza luweme.”—2Pe 2:15, 16; Nu 22:26-31.

APRIL 26–MAY 2

CHUMA CHUPEZEKA M’MAWU A MULUNGU | NUMERI 25-26

Kusakila-sakila Mfundo zingatiyavye

it-1-CN pedji 359 ndim. 1-2

Malire

Choncho zikuoneka kuti panali zinthu ziwiri zimene anayendera pogawira malo mafuko. Zinthu zake zinali kuchita maere komanso kukula kwa fuko. Maere ankangowathandiza kudziwa mbali imene fuko liyenera kupatsidwa monga cholowa chake. Anawathandiza kudziwa ngati fukolo likuyenera kupatsidwa kumpoto, kum’mwera, kum’mawa, kumadzulo, kuchigwa kapena kudera lamapiri. Zotsatira za maerewo zinkachokera kwa Yehova. Zimenezi zinkathandiza kuti mafukowo asamachitirane nsanje kapena kukangana. (Miy 16:33) Komanso pogwiritsa ntchito njira imeneyi, Mulungu anayendetsa zinthu m’njira yakuti zigwirizane ndi ulosi wa pa Genesis 49:1-33 wokhudza mafuko a Aisiraeli umene Yakobo ananena atatsala pang’ono kumwalira. Pambuyo poti maere asonyeza mbali imene fuko liyenera kupatsidwa, ankafunika kudziwa kukula kwa malo amene fukolo liyenera kukhala nawo ndipo njira yachiwiri ija ndi imene inkawathandiza. “Mukagawire dzikolo kwa mabanja anu monga cholowa chanu mwa kuchita maere. Banja la anthu ambiri mukaliwonjezere cholowa chawo, ndipo banja la anthu ochepa mukalichepetsere cholowa chawo. Malo alionse amene maere akagwere banja, akapatsidwe kwa banjalo.” (Nu 33:54) Malo amene maere anasonyeza kuti fuko likuyenera kupatsidwa sankasintha, koma kukula kwa malo amene fuko lingakhale nawo kunkatha kusinthidwa. Choncho zitaoneka kuti malo amene fuko la Yuda linapatsidwa ndi aakulu, anachotsako magawo ena n’kuwapereka kwa fuko la Simiyoni.—Yos 19:9.