Malifalensi a Utumiki komasoti moyo wasu wachikhilisitu Kabuku kamisonkhano

MAY 3-9

CHUMA CHUPEZEKA M’MAWU A MULUNGU | NUMERI 27-29

Kusakila-sakila Mfundo zingatiyavye

it-2 pedji 528 ndim. 5

Nsembe

Nsembe za chakumwa. Nsembe za chakumwa zenzepelekewa pamozi na nsembe ziyakine zinyinji, makamaka pavuli pakuti Aisiraeli ankhazikika mu Chalo Cholonjezewa. (Nu 15:2, 5, 8-10) Nsembe yamene iyi yenze vinyu (“chakumwa chokolwesha”) ndipo enzeitila pa guwa ya nsembe. (Nu 28:7, 14; yelekezelani na Eks 30:9; Nu 15:10.) Ntumwi Paulo elembela Akhilisitu aku Filipi kuti: “Olo kuti nulipeleka monga nsembe yachakumwa yamene yutiliwa pa nsembe na pa ntchito yotumikila ŵanthu yamene yufumila m’chikhulupililo chanu nusangalala.” Pamene apa, yove eliyelekezela na nsembe ya chakumwa pofuna kuwonesha kuti enze wofunishisha kulipeleka kuti atumikile Akhilisitu ayake. (Afi 2:17) Wasala patontho kufwa, yove elembela Timoteyo kuti: “Newo nayamba kale kutiliwa monga nsembe yachakumwa, ndipo nthawe yakuti nimasuke yasala patontho kukwana.”​—2Ti 4:6.

MAY 10-16

CHUMA CHUPEZEKA M’MAWU A MULUNGU | NUMERI 30-31

“Mukokwanilisha malonjezo ŵanu”

it-2 pedji 1162

Lonjezo

Malonjezo enze olifunila, koma enzefunika kukwanilishiwa. Ŵanthu enzelonjeza vinthu mwakufuna kwawo. Tetyo, keno munthu wachita lonjezo mokatijana na malamulo a Mulungu, enzefunika kuikwanilisha. Keno munthu walonjeza, enzefunikalini kukangiwa kukwanilisha mawu ŵake, chifukwa chakuti moyo wake ngawo-ngawo wenzenkhala monga ni chisimikijo chakuti mawu ŵake azakwanilishiwe. (Nu 30:2; onanisoti Aro 1:31, 32.) Chifukwa chakuti moyo unkhala pangozi, niye chifukwa chake Malemba otilimbikisa kuti tikonkhala osamala ngako tikaliyechita lonjezo, komasoti tikoganizila luweme udindo watingankhale nawo tikalonjeza chinthu. Chilamulo chenzenena kuti: “Keno wachita lonjezo kwa Yehova . . . Mulungu, enzefuna kuti ukwanilishe chinthu chawalonjeza, kuchitila kuti ungachimwe. Koma keno uliyechite lonjezo, uliyechimwe.”​—De 23:21, 22.

it-2 pedji 1162

Lonjezo

Lonjezo yutanthauza kuuja Mulungu kuti uchite vinthu viyakine, upeleke nsembe olo mphaso, uyambe kuchita utumiki uyakine, komasoti ukopewa vinthu viyakine olo kuti paveka m’vosaphoniyeka. Munthu akachita lonjezo mwakufuna kwake, ndipo akalonjeza kwa Mulungu enzenkhala monga walumbila. Mawu akuti lonjezo komasoti lumbilo, nthawe ziyakine oyendela pamozi m’Baibolo. (Nu 30:2; Mt 5:33) “Lonjezo” yutanthauza kulaŵila vinthu vakufuna kuchita munthu, pamene “lumbilo” yutanthauza vangalaŵile munthu muyakine ali na udindo ukulu posimikijila vinthu vawalaŵila kuti n’vachendi. Nthawe zinyinji ŵanthu enzelumbila pochita pangano.​—Ge 26:28; 31:44, 53.

w04-CN 1/8 pedji 27 ndim. 3

Mfundo Zazikulu za M’buku la Numeri

Numeri 30:6-8—Kodi mwamuna wachikristu angafafanize zowinda za mkazi wake? Nkhani ya zowinda masiku ano imakhala pakati pa Yehova ndi wolambira aliyense payekha. Mwachitsanzo, kudzipatulira kwa Yehova ndi chowinda chimene munthu amapanga payekha. (Agalatiya 6:5) Mwamuna alibe mphamvu yofafaniza chowinda choterocho. Komabe, mkazi ayenera kuonetsetsa kuti asawinde kuchita zinthu zotsutsana ndi Mawu a Mulungu kapena ntchito zake kwa mwamuna wake.

Kusakila-sakila Mfundo zingatiyavye

it-2 pedji 28 ndim. 1

Yefita

Ŵanthu enzepelekewa kwa Yehova kuti akomutumikila pa kachisi kwa moyo wawo wonse. Makolo enze na ufulu wochita vamene ivi. Samueli enze mmozi mwa ŵanthu amene aŵa, yove akaliyevyalika amayi ŵake Hana elonjeza kuti akazavyalika azamupeleke kuti azatumikile Yehova pa chihema. Mwanalume wake Elikana evomekeja lonjezo yamene iyi. Samueli pechileka kunyonkha, Hana emupeleka kukachisi. Penzemupeleka, Hana etakulasoti nsembe ya nyama. (1Sa 1:11, 22-28; 2:11) Samisoni enzesoti mwana muyakine wamene epelekewa kuti akotumikila Mulungu monga Mnaziri.​—Owe 13:2-5, 11-14; yelekezelani udindo wenze nawo atata pa mwana wawo mwanakazi wamene ofotokozewa pa Nu 30:3-5, 16.

MAY 17-23

CHUMA CHUPEZEKA M’MAWU A MULUNGU | NUMERI 32-33

“Pitikishani ŵanthu onse m’chalo chamene icho”

w08-CN 15/2 pedji 27 ndim. 5-6

Titengerepo Phunziro Pazolakwa za Aisiraeli

Masiku ano, timakumana ndi ziyeso zofanana ndi zimene Aisiraeli anakumana nazo. M’dziko lamakonoli, anthu ali ndi milungu yawo. Milungu imeneyi ndi monga ndalama, akatswiri a zosangalatsa ndi a masewero, ndale, atsogoleri ena a zipembedzo ndipo mwinanso achibale. N’zotheka kukondetsa zinthu zimenezi kapena anthu amenewa pamoyo wathu ndi kumalamulidwa nawo. Kukhala mabwenzi apamtima a anthu amene sakonda Yehova kungatipweteke mwauzimu.

Kupembedza Baala kunaphatikizapo kuchita chiwerewere ndipo Aisiraeli ambiri anakopeka nacho. Misampha yotereyi ikukolanso anthu ena a Mulungu masiku ano. Mwachitsanzo, munthu amene ali ndi mtima wakuti bwanji ndione kapena wachibwana, angawononge chikumbumtima chake chabwino mwa kungodina timabatani pakompyuta ali m’nyumba kwa yekha. Zingakhale zachisoni ngati Mkhristu angakopeke ndi zolaula za pa Intaneti!

it-1 pedji 404 ndim. 2

Kanani

Yoswa mwanzelu, “aliyesiye mawu aliwonse osaŵakwanilisha pa mawu onse amene Yehova ŵechilamula Mose” okhuza kuwonongewa kwa Akanani. (Yos 11:15) Koma ntundu wa Aisiraeli uliyekonkheje chisanzo chake chiweme ndipo uliyewonongeletu mitundu iyakine yamene yenzeipisha chalo cha Kanani. Kupezeka kwa Akanani pakati pawo kwichitisha Aisiraeli kuti ayambe kuchita minkhalidwe iipa yamene n’kupita kwa nthawe ichitisha kuti anyinji apaiwe (minkhalidwe monga kufwaya malamulo, chiwelewele, na kulambila mafano kwamene anzepake ngako) ndipo chiŵelengelo cha Aisiraeli epaiwa chenze chikulu ngako kupambana cha Akanani onse amene sembe epaiwa kuti Aisiraeli ekonkheja lamulo yakuti apaye adani ŵawo onse. (Nu 33:55, 56; Owe 2:1-3, 11-23; Sl 106:34-43) Yehova enze echenjeza kale Aisiraeli kuti yove azachite vinthu mwachilungamo komasoti azaŵaweluze mosakondela. Yove eŵauja kuti akazayamba kuchita vinthu na Akanani, kuchita nawo mgwilizano wa ukwati, kulambila nawo pamozi, kulambila milungu yawo, komasoti kuchita minkhalidwe iipa, vizachitishe kuti lamulo yechiŵapasa Mulungu yakuti awonongeletu Akanani onse ikate ntchito pali ove ndipo vamene ivi sembe vichitishasoti kuti ‘chalo chiŵaluke.’​—Eks 23:32, 33; 34:12-17; Le 18:26-30; De 7:2-5, 25, 26.

Kusakila-sakila Mfundo zingatiyavye

it-1 pedji 359 ndim. 2

Malile

Pavuli pakuti madjiki awonesha mbali yayufunikila kupasiwa fuko, enzefunika kuziŵa kukula kwa malo amene fuko ŵeyenzefunika kunkhala nawo ndipo njila yala yachiŵili niye yenzeŵayavya. “Mukayaŵile chalo chamene icho ku mabanja ŵanu monga cholowa chanu mwa kuchita madjiki. Banja ya ŵanthu anyinji mukaiyangijile cholowa chawo, ndipo banja ya ŵanthu atontho mukaichefyele cholowa chawo. Malo aliwonse amene madjiki ŵati akaponele banja, akapelekewe ku banja yamene iyo.” (Nu. 33:54) Madjiki akawonesha malo ŵayufunikila kupasiwa fuko enzechinjalini, koma kukula kwa malo ŵayingapasiwe fuko kwenzechinja. Tetyo peviwoneka kuti malo ŵeipasiwa fuko ya Yuda na akulu, echosako magawo ayakine noŵapeleka ku fuko ya Simiyoni.​—Yos 19:9.

MAY 24-30

CHUMA CHUPEZEKA M’MAWU A MULUNGU | NUMERI 34-36

Kusakila-sakila Mfundo zingatiyavye

w91 15/2 pedji 13 ndim. 13

Dipo yokwanila ŵanthu onse

¹³ Koma olo n’tetyo, Adamu na Hava, opindulalini na dipo yamene iyi. M’chilamulo cha Mose mwenze lamulo yakuti: “Osati mukolondela dipo yowombolela moyo wa munthu wapaya muyake, chifukwa owamila kupaiwa.” (Numeri 35:31) Adamu aliyesemphewe, tetyo yove echita chimo mwa kufuna kwake komasoti mochitila lona. (1 Timoteyo 2:14) Chifukwa cha chimo yechichita Adamu, venze monga yove opaya ŵana ŵake chifukwa nawo etolelasoti kusoŵa ungwilo kwake ivi vichitisha kuti apasiwe chilango cha imfwa. Tetyo, Adamu enzefunika kufwa chifukwa enze munthu wangwilo koma echitila lona kusankha kusamvwila lamulo ya Mulungu. Sembe vinkhala vosiyana na mfundo zolungama za Yehova kuti yove ekatishila ntchito dipo powombola Adamu. Koma olo n’tetyo kulipila ntengo wa chimo ya Adamu, kwiyavya kuti ŵana ŵake osati apasiwesoti chilango cha imfwa! (Aroma 5:16) Mu njila iyakine, tinganene kuti dipo yamene iyi yuchosa mphamvu ya uchimo pa ŵanthu. Epelekewa dipo yamene iyi ‘elaŵa imfwa mmalo mwa munthu aliyense,’ ndipo echitisha kuti ŵana ŵa Adamu asati akumane na mavuto amene owela chifukwa cha uchimo.​—Aheberi 2:9; 2 Akorinto 5:21; 1 Petulo 2:24.

MAY 31–JUNE 6

CHUMA CHUPEZEKA M’MAWU A MULUNGU | DEUTERONOMO 1-2

“Chiweluzo chufumila kwa Mulungu”

w96 15/3 pedji 23 ndim. 1

Yehova—okonda chilungamo

Akulu mumpingo ali na udindo woweluza milandu keno pachitika machimo akulu-akulu. (1 Akorinto 5:12, 13) Ove akochita vamene ivi, okumbukila kuti Mulungu wamene ni wachilungamo, ofuna kuti munthu wamene uyo walakwa awoneshewe chifundo keno n’vokwanishika. Koma keno paliye chifukwa chochitila vamene ivi, mwachisanzo pa nkhani ya munthu wochimwa koma olapalini, angawoneshewelini chifundo. Akulu ochosalini munthu wolakwa na cholinga chofuna kumukhaulisa. Ove okhulupilila kuti kuchosa munthu mumpingo kuyavya kuti munthu ayambesoti kuganiza luweme. (Yelekezelani na Ezekiel 18:23.) Akulu akochita vinthu mosogolelewa na Khilisitu wamene ni mutu wa mpingo, oyeja-yeja kuchita vinthu mwachilungamo ndipo ove onkhala monga ni malo “ovisamilapo mphepo.” (Yesaya 32:1, 2) Tetyo ofunika kuchita vinthu mosakondela komasoti moganiza luweme.​—Deuteronomo 1:16, 17.

w02-CN 1/8 pedji 9 ndim. 4

Gonjerani Mokhulupirika Ulamuliro Umene Mulungu Waika

⁴ Komabe, oweruza anafunika kuchita zambiri osati kungodziŵa kokha Chilamulo. Popeza anali opanda ungwiro, akuluwo anafunika kupeŵa makhalidwe awo oipa achibadwa, monga kudzikonda, kukondera, ndi dyera, zimene zikanapotoza kaweruzidwe kawo. Mose anawauza kuti: ‘Musamasamalira munthu poweruza mlandu; aang’ono ndi aakulu muwamvere mmodzimodzi; musamaopa nkhope ya munthu; popeza chiweruzo n’cha Mulungu.’ Inde, oweruza a Israyeli anali kuweruza m’malo mwa Mulungu. Imeneyitu inali ntchito yapamwamba ndiponso yapadera!​—Deuteronomo 1:16, 17.

JUNE 7-13

CHUMA CHUPEZEKA M’MAWU A MULUNGU | DEUTERONOMO 3-4

“Malamulo a Yehova ni anzelu komasoti achilungamo”

it-2 pedji 1140 ndim. 5

Kuzindikila

Kuphunzila Mawu a Mulungu mwakhama komasoti malamulo ŵake noŵakatishila ntchito, kuyavya munthu kunkhala wozindikila kupambana a phunzisi ŵake komasoti kunkhala womvwisha vinthu kupambana ŵanthu achikulile. (Sl 119:99, 100, 130; yelekezelani na Lu 2:46, 47.) Vamene ivi vukwanishika chifukwa nzelu komasoti kuzindikila kupezeka m’malamulo a Mulungu. Tetyo Aisiraeli kuti ekonkheja malamulo a Mulungu, sembe vichitisha kuti mitundu ili ŵazengulile ikoŵaona kuti ni ŵanthu “anzelu chendi na ozindikila.” (De 4:5-8; Sl 111:7, 8, 10; yelekezelani na 1Mf 2:3.) Munthu wozindikila oziŵa kuti ofunikalini kufwaya mfundo za m’Mawu a Mulungu, ofunika kukatishila ntchito mfundo zamene izi pa moyo wake, ndipo osenga Mulungu kuti amuyavye kukwanilisha vinthu vamene ivi. (Sl 119:169) Yove olola kuti Mawu a Mulungu ankhazikike muntima mwake (Mt 13:19-23), oŵalemba muntima mwake (Miy 3:3-6; 7:1-4), ndipo ozondana na “njila iliyonse iipa” (Sl 119:104). Mwana wa Mulungu naye penze pano pachalo, ewonesha kuzindikila kwamene uku, mwakuti elolela kufwa pachimuti chotamanilapo chifukwa enzeziŵa kuti ofunikila kufwa mwanjila yamene iyi kuti Malemba akwanilishiwe.​—Mt 26:51-54.

w99 1/11 pedji 20 ndim. 6-7

Keno pali ŵanthu anyinji owolowa manja

Mfumukazi yamene iyo peidabwa chifukwa cha vinthu veichimvwa komasoti kuwona iyankha molichefya kuti: “Osangalala na atumiki ŵanu amene otumikila pamenso panu nthawe zonse, nakumvwa nzelu zanu.” (1 Mafumu 10:4-8) Olo kuti alumbwana a Solomo enzenkhala na moyo wapalulu ngako mfumukazi yamene iyi iliyenene kuti ove enze osangalala—chifukwa cha vinthu vamene ivo. M’malomwake, alumbwana a Solomo enze osangalala chifukwa chakuti nthawe zonse enzemvwishila nzelu za Solomo zamene zechipasiwa na Mulungu. Mfumukazi yaku Sheba yamene iyi ni chisanzo chiweme ngako kuli ŵanthu a Yehova ŵano masiku, amene nthawe zonse omvwishila nzelu za Nyamalenga wawo komasoti Mwana wake, Yesu Khilisitu!

Mawu okonkhapo amene mfumukazi yamene iyi ŵeujasoti Solomo enze ochitisha chidwi. Yove inena kuti: “Adalisike Yehova Mulungu wanu.” (1 Mafumu 10:9) Mosakaikila, yove eziŵa kuti Yehova niye eyavya Solomo kuti ankhale na nzelu komasoti chuma. Vamene ivi n’vokatijana na vechilonjeza Aisiraeli Yehova m’masiku akuvuli. ‘Yove eŵauja kuti keno akosunga malangizo ŵake azankhale “anzelu na ozindikila pamenso pa ŵanthu a mitundu iyakine amene akuti azamvwe za malangizo onse amene aŵa. Pamene apo ŵanthu amene awo azanene kuti, ‘Ntundu ukulu wamene uyu ni wa ŵanthu anzelu chendi na ozindikila.’”​—Deuteronomo 4:5-7.

w07-CN 1/8 pedji 29 ndim. 13

Kodi Ndinu “Wolemera kwa Mulungu”?

¹³ Yehova akamadalitsa anthu ake, nthawi zonse madalitsowo amakhala osayerekezeka. (Yakobe 1:17) Mwachitsanzo, dziko limene Yehova anapatsa Aisiraeli, linali ‘dziko loyenda mkaka ndi uchi.’ Ngakhale kuti dziko la Iguputo analifotokozanso choncho, koma panali chinthu chimodzi chofunika kwambiri chimene chinkalisiyanitsa ndi dziko limene Yehova anapereka kwa Aisiraeli. Pofotokozera Aisiraeli za dzikolo, Mose ananena kuti ndi ‘dziko loti Yehova Mulungu wanu akulisamalira.’ Zimenezi zinatanthauza kuti iwo adzasangalala ndi dzikolo chifukwa chakuti Yehova azikawasamalira. Aisiraeliwo akakhala okhulupirika kwa Yehova, iye ankawadalitsa kwambiri ndipo ankasangalala ndi moyo kuposa mitundu ina yonse yowazungulira. Zoonadi, madalitso a Yehova ndi amene ‘amalemeretsa.’​—Numeri 16:13; Deuteronomo 4:5-8; 11: 8-15.

Kusakila-sakila Mfundo zingatiyavye

w04-CN 15/9 pedji 25 ndim. 3

Mfundo Zazikulu za M’buku la Deuteronomo

Deuteronomo 4:15-20, 23, 24—Kodi kuletsa kupanga mafano osema kukutanthauza kuti n’kulakwa kupanga chifanizo cha zinthu zina n’cholinga chokongoletsera malo? Ayi sichoncho. Nkhani imene ankaletsa apa inali yopanga chifanizo n’cholinga choti azichilambira, ankaletsa ‘kugwadira mafano ndi kuwatumikira.’ Malemba saletsa kusema ziboliboli kapena kujambula zinthu n’cholinga chokongoletsera malo.​—1 Mafumu 7:18, 25.

JUNE 14-20

CHUMA CHUPEZEKA M’MAWU A MULUNGU | DEUTERONOMO 5-6

“Phunzisani ŵana ŵanu kuti akokonda Yehova”

w05-CN 15/6 pedji 20 ndim. 11

Makolo, Pezerani A M’banja Lanu Zosowa Zawo

¹¹ Pankhani imeneyi, mwina palibe lemba lina limene timaligwira mawu kuposa Deuteronomo 6:5-7. Tatsegulani Baibulo lanu muwerenge mavesiwo. Onani kuti choyamba makolo akuuzidwa kulimbitsa moyo wawo wauzimu, kukulitsa chikondi chawo pa Yehova ndi kumvera mawu ake. Inde, muyenera kukhala wophunzira Mawu a Mulungu wakhama, kuwerenga Baibulo nthawi zonse ndi kusinkhasinkha zimene mumawerenga. Zimenezi zidzakuthandizani kumvetsa ndi kukonda njira za Yehova, mfundo zake za makhalidwe abwino, ndi malamulo ake. Zotsatira zake n’zakuti, mtima wanu udzadzala ndi mfundo za choonadi cha m’Baibulo zimene zidzakupangitsani kukhala wosangalala, wolemekeza Yehova ndi kum’konda. Mudzakhala ndi zophunzitsa ana anu zabwino komanso zambiri.​—Luka 6:45.

w07-CN 15/5 pedji 15-16

Kodi Ndingatani Kuti Ndiphunzitse Bwino Ana Anga?

Zinthu zimene mumalakalaka, kukonda, ndi kusangalala nazo, zimaonekera m’zochita zanu osati m’zonena zanu zokha. (Aroma 2:21, 22) Kuyambira ali khanda, ana amaphunzira zinthu mwa kuonerera makolo awo. Amatha kuzindikira zinthu zimene makolo awo amaziona kukhala zofunika, ndipo zinthu zimenezi ndi zimene zimakhalanso zofunika kwa iwo. Mukamakonda kwambiri Yehova, ana anunso amaona zimenezi. Mwachitsanzo, angaone kuti mumaona kuwerenga ndi kuphunzira Baibulo kuti n’zofunika. M’kupita kwa nthawi amazindikira kuti mumaika Ufumu poyamba pamoyo wanu. (Mateyo 6:33) Mukamapezeka pa misonkhano Yachikhristu ndi kulalikira Ufumu nthawi zonse, ana anu amazindikira kuti kutumikira Yehova n’kofunika kwambiri kwa inu.​—Mateyo 28:19, 20; Aheberi 10:24, 25.

w05-CN 15/6 pedji 21 ndim. 14

Makolo, Pezerani A M’banja Lanu Zosowa Zawo

¹⁴ Monga limasonyezera lemba la Deuteronomo 6:7, mipata ilipo yambiri imene makolo mungakambirane zinthu zauzimu ndi ana anu. Kaya ndi pamene muli nawo paulendo, pogwira ntchito za pakhomo, kapena pocheza, mungapeze mipata yoperekera zosowa zauzimu kwa ana anu. Komabe, sikuti nthawi zonse muzingokhalira kuphunzitsa ana anu m’fundo za choonadi cha m’Baibulo ayi. M’malo mwake, monga banja yesani kumakhala ndi macheza auzimu ndiponso olimbikitsa. Mwachitsanzo, magazini ya Galamukani! imakhala ndi nkhani zambiri zosiyanasiyana. Nkhani zoterozo zingatsegule mpata wokambirana za zinyama zimene Yehova analenga, malo okongola achilengedwe m’madera osiyanasiyana a dziko lapansi, ndi zikhalidwe za anthu zosangalatsa ndi moyo wawo. Makambirano oterowo angalimbikitse achichepere kumawerenga mabuku ambiri operekedwa ndi gulu la kapolo wokhulupirika ndi wanzeru.​—Mateyu 24:45-47.

JUNE 21-27

CHUMA CHUPEZEKA M’MAWU A MULUNGU | DEUTERONOMO 7-8

Kusakila-sakila Mfundo zingatiyavye

w04-CN 1/2 pedji 13 ndim. 4

Yehova Amatipatsa Zimene Timafunikira Tsiku Lililonse

⁴ Kupempherera kwathu chakudya cha tsiku lililonse kuyenera kutikumbutsanso kuti timafunikira chakudya chauzimu tsiku lililonse. Ngakhale kuti Yesu anali ndi njala atasala chakudya kwa nthaŵi yaitali, iye anakana chiyeso cha Satana choti asandutse miyala kukhala chakudya, ponena kuti: “Kwalembedwa, Munthu sadzakhala ndi moyo ndi mkate wokha, koma ndi mawu onse akutuluka mkamwa mwa Mulungu.” (Mateyu 4:4) Pano Yesu anagwira mawu a mneneri Mose, amene anauza Aisrayeli kuti: “[Yehova] anakuchepetsani, nakumvetsani njala, nakudyetsani ndi mana, amene simunawadziŵa, angakhale makolo anu sanawadziŵa; kuti akudziŵitseni kuti munthu sakhala wamoyo ndi mkate wokha, koma munthu akhala wamoyo ndi zonse zakutuluka mkamwa mwa Yehova.” (Deuteronomo 8:3) Mmene Yehova ankawapatsira mana Aisrayeli sikunali kungowapatsa chakudya chenicheni chokha komanso maphunziro auzimu. Phunziro limodzi lauzimu ndi lakuti, ankafunika “kuwola muyeso wa tsiku pa tsiku lake.” Akatola zoposa zimene akanadya tsiku limenelo, zotsalazo zinkayamba kununkha ndi kugwa mphutsi. (Eksodo 16:4, 20) Koma zimenezi sizinkachitika tsiku lachisanu ndi chimodzi pamene amafunika kutola chakudya cha masiku aŵiri kuti adzadye tsiku la Sabata. (Eksodo 16:5, 23, 24) Motero mana ankawakumbutsa nthaŵi zonse kuti ankafunika kukhala omvera ndiponso kuti miyoyo yawo inkadalira osati pa chakudya chokha koma pa “zonse zakutuluka mkamwa mwa Yehova.”

JUNE 28–JULY 4

CHUMA CHUPEZEKA M’MAWU A MULUNGU | DEUTERONOMO 9-10

“Kansi Yehova Mulungu wanu okusengani chinji mwewo?”

cl-CN pedji 16 ndim. 2

Kodi ‘Mungayandikiredi kwa Mulungu’?

² Abrahamu, yemwe anakhalapo kalekalelo, anali woyandikana naye moteromo. Polankhula za kholo limenelo Yehova anati “bwenzi langa.” (Yesaya 41:8) Ee, Yehova anamuona Abrahamu kuti anali bwenzi lake lenileni. Abrahamu anali naye pa unansi wabwino chonchi chifukwa “anakhulupirira Mulungu.” (Yakobo 2:23) Lerolinonso, Yehova amafunafuna mipata ‘yokondwera’ ndi amene amamutumikira mwachikondi. (Deuteronomo 10:15) Mawu ake amatilimbikitsa kuti: “Yandikirani kwa Mulungu, ndipo adzayandikira kwa inu.” (Yakobo 4:8) Mawu ameneŵa akutiuza kuchita kanthu kena ndiponso akutipatsa lonjezo.

Kusakila-sakila Mfundo zingatiyavye

it-1 pedji 103

Aanaki

Ntundu wa ŵanthu amene enze viphona vamiŵili ikulu-ikulu, enzenkhala m’madela a malupili m’chalo cha Kanani komasoti m’madela a m’mbali mwa nyanja chaku m’mwela. Panthawe iyakine, analume ayakine atatu oziŵika luweme amene enze Aanaki enzenkhala ku Heburoni ndipo mazina ŵawo enze Ahimani, Sesai komasoti Talimai. (Nu 13:22) Kwenze ku Heburoni kwamene ŵanthu 12 Achiheberi echiyawona chalo cholonjezewa kwechiwona Aanaki ulwendo woyamba ndipo pavuli pake ŵanthu 10 echiyawona chalo cholonjezewa epeleka lipoti yochitisha wowa yokhuza Aanaki. Ove elaŵila kuti Aanaki enze ŵana ŵa Anefili amene enkhalako Chigumula chikaliye chitika, ndipo akalilinganija na ove, Aheberi amene awo enzenkhala monga ni “tumphanzi.” (Nu 13:28-33; De 1:28) Chifukwa chakuti Aanaki enze na miŵili ikulu-ikulu, ove ekatishiliwa ntchito pofotokoza mwenzewonekela analume otomolewa kuti Aemi komasoti Arefai, amene enzesoti amiŵili ikulu-ikulu. Vuwoneka kuti mphamvu za Aanaki niye zechitisha kuti pankhale mwambi wakuti: “Niŵani angapaname pamenso pa ŵana a Aanaki?”​—De 2:10, 11, 20, 21; 9:1-3.