PHUNZILO 12

Kulaŵila mwachikondi komasoti mokhuzika

1 Atesalonika 2:7, 8

MFUNDO IKULU: Laŵilani mokhuzika soti awonesheni omvwishila kuti muŵaganizila.

Mukoganizila omvwishila. Pokonzekela mukoganizila mavuto ŵakukumana nawo omvwishila. Mukoganizila mwakumvwila.
Sankhani mawu aweme. Cholinga chanu chikonkhala kuŵatonthoja komasoti kuŵatang’isha. Osakatishila ntchito mawu amene angaŵakhumudwishe, osalaŵila mawu owonesha monga kuti munena ŵanthu amene ni Mboni lini olo kulaŵila monga kuti muŵaweluza pa vinthu vakukhulupilila.
Woneshani chidwi. Woneshani kuti musamala mwakumvwila omvwishila ŵanu pokatishila ntchito mawu aweme na magesicha atanthauzo. Mufunikasoti kunkhala osamala na mwamuoneshela chinso chanu, mukomwetulilako.

Osachita vinthu mopitilila malile. Keno muŵelenga woneshani kukhuzika kulingana na mzimu wa nkhani yamuŵelenga, koma osachita vamene ivi mopitilila malile na cholinga chofuna kuti ŵanthu akutamandeni. Polaŵila, laŵilani mwachikondi komasoti katishilani ntchito mawu aulemu.