PHUNZILO 1

Mawu oyambilila okopa chidwi

Machitidwe 17:22

MFUNDO IKULU: Mawu ŵanu oyambilila ofunika kunkhala okopa chidwi, akowonesha mfundo ikulu ya nkhani nowonesha kufunika kwa nkhani yanu kuli omvwishila.

MWAMUNGACHITILE:

Kulishani chidwi. Sankhani konsho, mawu, vochitika ngavo-ngavo pa moyo olo nkhani za pa nyunzi zamene zingakulishe chidwi cha omvwishila.

Kukali nthawe, ganizilani vinthu vamene vingachitishe chidwi olo nkhaŵa omvwishila ŵanu, ndipo pavuli pake salulani moyenelela mawu oyambilila okata ntima.
Mvwikishani mfundo ikulu. Wonesheshani kuti mfundo ikulu na cholinga cha nkhani yanu zamvwika luweme kuli omvwishila.
Oneshani chifukwa chake mfundo ikulu ni yofunika. Yeja-yejani kuti vamulaŵila vinkhale vokatijana na vosoŵa va omvwishila. Omvwishila ofunika kumvwisha nkhani yanu nowona mfundo zaangakatishile ntchito pa umoyo wawo.

Pokonzekela nkhani, mufunika kulikonsha kuti: ‘Kansi abale na alongo mumpingo okumana na mavuto otyani?’ Pavuli pake konzekelani mawu oyambilila molingana na vosoŵa vamene ivo.