Nkhani zapa webisaiti

Vinthu vophunzisila ŵana

Makolo ali na udindo ukulu wophunzisa ŵana ŵawo vokhuza Yehova. (Aef. 6:4) Pofuna kuyavya makolo, gulu ya Yehova yankhala yufalisa nkhani, mavidiyo, komasoti nyimbo zinyinji. Kansi mwewo mungavikatishile tyani ntchito vinthu vamene ivi poyavya ŵana ŵanu?

• Onani vinthu vamene vilipo. Pa JW.ORG mwewo mungafwane chinthu chilichonse chamene chipangiliwa ŵana, monga mavidiyo komasoti mapepala amene ŵangalembepo kapena kudolowing’a chilichonse chamene changafune.a Kuti mufwane vinthu vamene ivi, lutani polemba kuti Zimene Baibulo Limaphunzitsa nosakila palilembe kuti “Ana” kapena Zimene Baibulo Limaphunzitsa “Achinyamata.”

• Sankhani vinthu vangakondwele navo mwana wanu. Pa kachigawo kakuti “Ana”, mwewo mungasankhe mavidiyo, nyimbo, komasoti mapepala amene ŵamuwona kuti angankhale oyavya kuli mwana wanu. Kuti mufwane vinthu vamene ivi, lutani polemba kuti “Zochita pa Kulambira kwa Pabanja.”

• Mukopatula nthawe yophunzila vinthu vamene ivi muli pamozi na mwana wanu. Osamulekelela mwana wanu kuti akololela mavidiyo amene aŵa kapena kudolowing’a pa mapepala payeka tyala pofuna kuti osati akuvuteni. Mmalo mwake, kambilannani naye muli pamozi, ndipo muyavyeni kupanga ushamwali na Yehova.