Vochitika

Kuwonesha chifundo kuli ŵanthu amitundu yonse

Nsiku iyakine, mulongo waku New Zealand enzelolela vidiyo yakuti “Tizisamalirana”, yamene yufotokoza kuti sikuti Yehova akumvwa tyala chifundo, koma yove ochiwonesha. (Yes. 63:7-9) Mulongo wamene uyo esankha kukatishila ntchito vechiphunzila mwakuyavya ayakine. Pavuli pake, nsiku yamene iyo penzekuya ku shopu ekumana na mwanakazi muyakine munjila wamene enzeve malo onkhala ndipo elipeleka kuti amugulile chakulya. Mwanakazi wala evomela. Mulongo wamene uyo penzejoka ali na chakulya kuti amupase, elalikila mwanakazi wala mwachidule pokatishila ntchito kapepa kakuti Kansi matamano azasile?

Mwanakazi wala eyamba kulila. Yove efotokoza kuti ekulila m’banja ya Amboni, koma eleka chonadi kwa vyaka vinyinji kuvuli. Kwamasiku apavuli, yove enzepemphela kwa Yehova kuti amuyavye kujokela. Mulongo epeleka Baibolo kuli mwanakazi wala, ndipo epanga makonzedwe kuti ayambe kuphunzila naye.a

Molingana na Yehova sewo tingawoneshe chifundo kuli ŵanthu, kupamikijapo achibale komasoti abale na alongo ŵasu mumpingo. Kuyangijila pamene apo, sewo tingawoneshe chifundo mwakusakila mipata yolalikila kuli ayakine.