Vamungachite kuti mukokumbukila Malemba

Kansi mwevutikapo kale kuti mukumbukile vesi ya mu Baibolo yamene muikonda ngako? Tikanena za mavesi ŵamukonda, niŵala amene okutonthojani, kukuyavyani mukayamba kuganizila vinthu viipa, olo ŵamungakonde kuujako munthu muyakine. (Sal. 119:11, 111) Onani mfundo ziyakine zamene zingakuyavyeni kuti mukokumbukila mavesi a mu Baibolo.

• Mukokatishila ntchito malo olemba kuti Notas e Etiquetas mu pulogilamu ya JW Library^®. Lembani kuti “Malemba ŵanukonda”, ndipo ndandalikani lemba iliyonse yamufuna kuti mukoikumbukila.

• Matikani lemba yamene iyo pa malo owonekela. Lembani pa pepa vesi yamufuna kuti mukoikumbukila, ndipo iikeni pa malo aweme kuti mukoiwona kaŵili-kaŵili. Ayakine oika pepa yamene iyo pafupi na chilola ndipo ayakine oimatika pa chiseko cha filidji. Palisoti ayakine amene oichosa foto lemba yamene iyo, noiika pa sikilini ya foni olo pa kompiyuta yawo.

• Mukolemba pa tumapepa. Mbali iyakine ya kapepa mungalembeko lemba, ndipo kuseli kwake mungalembeko mawu ŵake. Mukachita tetyo, mukoyeja kukumbukila lemba pavuli poŵelenga mawu ŵake, olo mukoyeja kukumbukila mawu pavuli powona lemba yake.