Nyimbo za Ufumu Zutiyavya Kunkhala Otang’a Mtima

Paulo na Sila eimba nyimbo zotamanda Mulungu peenze m’jele. (Mac 16:25) M’nthawi yasu ino, okhulupilila ayasu enzoimba nyimbo za Ufumu peeze m’jele ya Sachsenhausen ku Nazi Germany na ku Siberia. Zisanzo zamene izi zuonesha luweme mwamene nyimbo zuyavyila Akhilisitu kunkhala otang’a mtima keno okumana na mayeselo.

Lombapano, buku ya nyimbo yalomba ya mutu wakuti “Imbani mwa Cisangalalo” kwa Yehova iyambe kupezeka m’vilaŵilo viyakine. Tikayotola buku yasu ya nyimbo, tikoyesayesa kuloŵeza malizu a nyimbo iliyonse pa nthawi ya kulambila kwa pabanja. (Aef 5:19) Mzimu utuŵa ukatiyavye kukumbukila nyimbo zamene izi tikayokumana na mayeselo kusogolo. Nyimbo za Ufumu zingatiyavye kunkhala na ciyembekezo cotang’a. Zingatilimbikishe tikakumana na mayeselo. Nipo ngati zinthu zutiyendela luweme, malizu olimbikisha a mu nyimbo angaticitishe ‘kuimba mokuwa koma soti mwacisangalalo’ cifukwa ca mtima wosangalala. (1Mbi 15:16; Sal 33:1-3) Tiyeni tiyeseyese kuziziŵa luweme nyimbo za Ufumu!

PAVULI POONELELA VIDYO YA MUTU WAKUTI NYIMBO IMENE INALIMBIKITSA AKAIDI, YANKHANI MAKONSHO AŴA:

• Kansi ni zocitika zotyani zecitisha kuti Mkwasu Frost akonze nyimbo?

• Ko nyimbo yamene iyi yeŵayavya tyani akwasu amene enze m’jele ya Sachsenhausen?

• Kansi nyimbo za Ufumu zingakulimbikisheni tyani pa zocitika za siku na siku?

• Ko ni nyimbo zotyani zamungafune kuloŵeza pa mtima?