Tsowa di Hlatolla ke Matewu

27 Mo go šele go le ka bošego, dindhuna tsa maprista ka mokana ga tsona le banna ba gore batho ba ba tseya nkare ba butšwiye ba yye ba kwana gore ba nyoko bolaya Jeso. 2 Mo ba šele ba mo tlemelele, ba mo yisa ga Pilato wa go lawola.

3 Judase yela wa go mo rekisa, a di bona tsa gore ba šele ba mo tshwere ga Jeso, a tisola a leya 30 ya ditšheleta tsela tsa tshipi ga dindhuna tsa maprista le banna ba gore batho ba ba tseya nkare ba butšwiye ba Majuda, 4 a re: “Ke rekisiye motho wa gore aa sinya selo.” Ba re: “Byalo rune re make ying? Ke tsago tsone!”* 5 A bošela tšheleta yela ya tshipi ka ku tempeleng, a tloga a ya a titlema. 6 Dindhuna tsa maprista dya tseya tšheleta yela ya tshipi dya re: “Molawo a wo dumele gore re yi tšhele mo re beyang gona tšheleta, ka taba la gore ke tšheleta ya madi.” 7 Mo di fetsa go bolabola dya tseya tšheleta yela dya ye reka poleke* ya gore ba bolokele batho ba gore a ba ba tšibi. 8 Byalo, ba napa ba bitsa poleke yone gore ke Tšhomo ya Madi go segela le lekgono lowa. 9 Gwa makega tso di hlayyeng ke moporofeta Jeremiya tsa gore: “Ba tsere 30 ya ditšheleta tsela tsa tshipi, tsa gore ba rekisiye motho yela ka tsona. Mo Maisrayele ma mo lebelele, ne ma bona a lekanne ke tšheleta yone. 10 Go ya ka tso Jehova a mputsiyeng tsona, ba rekiye poleke ya yela wa go maka dilo ka botsopa.”

11 Pilato o yye a butsisa Jeso nakwela a yemme mahlong gage, a re: “Ke wene Kgoši ya Majuda?” Jeso a mo fetola a re: “Go hlaya wene tsotsone.” 12 Mara nakwela dindhuna tsa maprista le banna ba gore batho ba ba tseya nkare ba butšwiye ba mo sekisa, a sanka a fetola. 13 Pilato a re ga Jeso: “Nje o ra gore a wo ba kwe gore ba go tantetsa ka dilo tsa go tlala?” 14 Mara a sanka a mo fetola, le mong go bolabola lentsu ka lloši, sosone sa maka gore Pilato a šale a makele.

15 Ke mo ba šele ba tlwayele gore ka letšatši la paseka, ye wa go lawola o ntsha sekgohlane ka ssoši so se kgetiyeng ke bona. 16 Ka nako yonone ke mo ba tshwere sekgohlane sa go tuma so ba reng ke Bharabhase. 17 Mo ba kene ba gahlanne gana mone, Pilato a re ga bona: “Le nyaka ke ntshe mang, Bharabhase kela Jeso ye ba reng ke Kreste?” 18 Pilato ne a di tšiba tsa gore ba tlisiye Jeso hone gage ka taba la gore ne ba mo jelasela. 19 Byalo, mo a kene a duli hone setulong sage sa go yahlula, mosadi wage o yye a romela molayetsa wa gore: “O sa di kene tsa monna yene wa go loka, ka taba la gore ke loriye ka yene fote moloro wone wo ntshusiye ka matla.” 20 Mara dindhuna tsa maprista le banna ba gore batho ba ba tseya nkare ba butšwiye ba kutšetsela mogoba gore wo kgopele Bharabhase, ke mokane ba re Jeso a bolayiwe. 21 Mo Pilato a ba fetola a re ga bona: “Le nyaka ke ntshe mang?” Ba re: “Bharabhase.” 22 Pilato a re ga bona: “Ke make ying byalo ka Jeso ye ba reng ke Kreste?” Ka mokana ga bona ba re: “A kokotediwe!” 23 A re: “Ke ntaba? O sinnye ying?” Ba fo ya mahlong ba yahlamela ba re: “A kokotediwe!”

24 Mo Pilato a bona gore a di thuši ka selo, fote mogoba wo fo yahlamela, a tseya meetši a hlapa matsogo mahlong ga bona, a re: “Nna a ke na molato wa madi ya morene. Se di šalele lune.” 25 Mo a reyane, ba mo fetola ba re: “Rune le bana ba rune re ko rwala molato wa madi yage.” 26 Pilato a ba ntshela Bharabhase, a lisetsa Jeso ba mo teya ba šinya ba mo tseya ba ye mo kokoteleng.

27 Ke mokane masole ma tseya Jeso ma mo yisa mo Pilato a dulang. Pilato a bitsa masole yage ka mokana ga wona, ma kgobakanela Jeso. 28 Ma mo yapola, ma mo yapesa kobo ye khubedu ya gore yi yapara ke magoši, 29 ma mo makela fapo ka mmutlwa, ma yi beya mo hlogong gage ke mokane ma beya lehlakanoka ka letsogong lage la go ja. Ma kgotama mahlong gage, ma mo kwera ma re: “Tama,* wene Kgoši ya Majuda!” 30 Ma mo tshwela ka mare, fote ma tseya lehlakanoka lela ma mo teya ka lona ho hlogong. 31 Mo ma fetsa go mo kwera, ma mo yapola kobo yela ya magoši ma mo yapesa kobo yage ya ka tawong, ma mo yisa gore a ye kokotediwa phateng.

32 Mo ba tšwa, ba krayye Simone wa go tšwa Sayirini. Ba mo gapeletsa gore a kakole phate ya Jeso ya mohlupego.* 33 Mo ba segela ga poleke yo ba reng ke Gholghotha, ya gore yi rela Poleke ya Bokakara, 34 ba mo neya wayini ya gore ba yi gahlanisiye le selo sa go galaka; mara mo a fetsa go yi kwa, a gana go yi nwa. 35 Mo ba šele ba mo kokotele ku phateng, ba lahla dikgakgare gore ba thogo pomelana dikobo tsage tsa ka tawong, 36 ba dula mone ba mo pasopa. 37 Ka mo gedimo ga hlogo yage ne ba ngwadiye gore: “Yewa ke Jeso Kgoši ya Majuda.”

38 Ka ho mathoko gage ne go na le dikgohlane ka dipedi, se sengwana se le ga letsogo la go ja, se sengwana se le ga la sepata. 39 Bo ne ba feta ka pata, ne ba mo poyila ba kene ba šikinya dihlogo 40 ba re: “Wene wa gore wa di kgona go wisa tempele o boya o yi yaga ka matšatši ka mararo, tiphonise! Phologa mone phateng ya mohlupego* mo nkare ke wene morwayi wa Modimo!” 41 Dindhuna tsa maprista, bomabhalane le banna ba gore batho ba ba tseya nkare ba butšwiye le bona ba thomisa go mo kwera, ba re: 42 “Tsa go phonisa ba bangwana o di tšiba ka matla; mara o šita ke go phonisa yene beng! Akere ke Kgoši ya Israyele; a phologe mone phateng ya mohlupego,* ke mokane re ko mo tshepeng. 43 O tshepiye Modimo akere; mo nkare Modimo wa mo nyaka a mo phonise, ka taba la gore o yitseri, ‘Ke nna Morwayi wa Modimo.’” 44 Le dikgohlane tsela tsa gore ne di le ka mathoko gage, le tsona ne di mo poyila.

45 Gwa fifala go tlugisela ka 12 ya motshegare* go segela ka 3 ya ka sethewo.* 46 Ka 3 ya ka sethewo, Jeso a yahlamela a re: “E′li, E′li, la′ma sa·bach·tha′ni?” yi rela gore, “Modimo waka, Modimo waka, ke ntaba o nlisetsiye?” 47 Mo batho bo ne ba yemme mone ba mo kwa, ba re: “Morene o bitsa Eliya.” 48 Ye mongwana a taboga a tseya spontši ke mokane a se yenela ka teng ga wayini ya go galaka fote a se tlemelela ga lehlakanoka, a mo neya gore a nwe. 49 Mara ba bangwana ba re: “Mo lisetse! Re bone gore Eliya o ko tla a mo phonisa.” 50 Jeso a boyelela fote a yahlamela, ke mokane a kgwa.

51 Legaredheni la poleke ya go hlawolega ya tempeleng la tleroga ka bogare, go tlugisela gedimo go segela fase ke mokane lefase la tekateka, matlapa ma psyayega. 52 Gwa bulega mabitla, ditopo tsa bo ba go hlawolega ba gore ne ba hlokofele tsa tšwela ka tawong 53 (ka nthago ga gore a tsusiwe, bo ba gore ne ba yye mabitleng, ba yye mutšing wa go hlawolega),* batho ba go tlala ba thomisa go di bona. 54 Mara mo ye mogolo wa masole le bo ne ba pasopiye Jeso ba bona lefase le tekateka le tso di makegang, ba thomisa go tšhoga ba re: “Ka nnete ke mo go le Morwayi wa Modimo.”

55 Ke mo go na le basadi ba go tlala ba gore ne ba lebelele ba le ku kgole, ba gore ba latelele Jeso mo a tloga Galeliya gore ba thogo mo gelepa; 56 gana mone gare ga bona ke mo go na le Mariya Magdalina, Mariya mmane wa Jakobo le Josese le mmane wa barwayi ba Zebediya.

57 Mo go šele go le ka sethewo, gwa tla nghamula ye ba reng ke Josefa wa Arimathiya, wa gore o fetsiye go le lelata la Jeso. 58 Monna yewa a ya ga Pilato, a segela a kgopela setopo sa Jeso. Pilato a re ba mo neye. 59 Josefa a tseya setopo sela, a se tantela ka llapi la go yela la go tura, 60 a se boloka ka teng ga lebitla lage la nyuwane, la gore ke mo a le yepiye letlapeng. Mo a fetsa go kwala lebitla lela ka letlapa le legolo, a tloga. 61 Mara Mariya Magdalina le Mariya yela ye mongwana ba yye ba fo šala ba duli thina le lebitla lone.

62 Ka motshwana wa gona mo go šele go le Sabatha,* dindhuna tsa maprista le Mafaraseyi ma yye ma gahlana ga Pilato, 63 ma re: “Morena re sa di gopola gabutši tso monna yela wa matsaka a di hlayyeng nakwela a sa phela, mo a re, ‘Ke nyoko tsusiwa ka nthago ga matšatši ka mararo.’ 64 Byalo, maka gore lebitla lone le pasopiwe go segela ka letšatši la boraro, gore malata yage ma sa tle ma yetswa setopo sage ke mokane ma botsa batho gore, ‘O tsusiwwe!’ Ka taba la gore matsaka yawa ma nyoko feta yala ya ku mathomisong.” 65 Pilato a re ga bona: “Tseyaneng matšinghelani gore a ye pasopa lebitla lone. Ariyeneng le ye le pasopeng.” 66 Ke mokane ba ya ba thiba lebitla lela ka letlapa, ba fetsa ba beya le matšinghelani.