Tsowa di Hlatolla ke Luka

24 Ka letšatši la mathomo la mo beke yi sa thoma, ba yye ku lebitleng go sa le ka phu, ba tshwere dihlare tsa go šidiwa tsa go nkgela. 2 Mo ba segela ku lebitleng, ba kraya ba kgukulusiye letlapa lela, 3 fote mo ba kena ka ku lebitleng ba kraya setopo sa Morena Jeso se se šiyo. 4 Mo ba sa makatsiye ke tsotsone, gwa nyarela banna ba bangwana ka babedi ba dikobo tsa go gadima ba segela ba yema thina ga bona. 5 Basadi bala ba tšhoga ke mokane ba lebelela fase, banna bala ba re ga bona: “Ke ntaba le nyakela motho wa gore wa phela ho mabitleng? 6 Aa šiyo mowa, o tsusiwwe. Gopolaneng tso a le butsiyeng tsona nakwela a le ku Galeliya, 7 mo a re Morwayi wa motho o tshwanele a yisiwe ga ba go sinya fote a kokotediwe phateng, ke mokane ka letšatši la boraro a tsusiwe.” 8 Ke mokane ba gopola mantsu ya Jeso, 9 ba sologa ku lebitleng, ba segela ba hlayisela 11 ya mapostola yala le ba bangwana tso di makegiyeng. 10 Ke mo go le Mariya Magdalina, Jowana le Mariya mmane wa Jakobo. Fote le basadi ba bangwana ba gore ke mo ba le nabo, ba yye ba hlayisela mapostola. 11 Mara tso ne ba di bolabola ne di sa yi ka tsela ga bona, ka taba la gore ne ba sa tshepe basadi bala.

12 Petro a tlogamela a tabogela lebitleng, mo a segela a sikela, a fo bona malapi ya linene. Ke mokane a tloga a kene a tiputsisa gore go ro maka byang.

13 Mara ka letšatši lone, malata ka mabedi ke mo ma ya dimitšaneng tsa Emawuse, ga gore mo o tloga Jerusalema dikhilomitha tsa gona di teya ka ku ga 11,* 14 ke mo ba kene ba bolabodisana ka dilo ka mokana ga tsona tso di makegiyeng.

15 Byalo, mo ba kene ba sa bolabodisana ka dilo tsone, Jeso a segela ga bona a thomisa go sepela nabo, 16 ne ba mmona mara ba sa bone gore ke yene. 17 A re ga bona: “Anthe le phigisana ka ying mo le kene le sepela ka mokgo?” Ba fo yema, ba šupa ba kgongwele. 18 Tleleyopase a mo fetola a re: “Go tla byang go fo ba wene o ntoši wa gore aa tšibi* tso di makegiyeng Jerusalema le gore o yye wa ya?” 19 A ba butsisa a re: “Ke difeng dilo tsa gona?” Ba re gage: “Tso di makegeleng Jeso wa Lenazareta, wa gore ke mo go le moporofeta fote a šupetsa a na le matšhika ka tso a di makang le tso a di bolabolang mahlong ga Modimo le batho ka mokana ga bona; 20 le gore dindhuna tsa maprista le bo ba go lawola ba makiye gore a bolayiwe fote ba mo kokotela phateng. 21 Mara, ke mo re tshepa gore monna yewa o nyoko phonisa Maisrayele. Go tokegela gana hone, go šele go fitiye matšatši ka mararo dilo tsowa di makegiye. 22 Re makatsiye ke tso basadi ba bangwana ba di bolabodiyeng, ka taba la gore ba yye lebitleng go sa le ka bošego, 23 mo ba segela ku lebitleng ba kraya setopo sage se se šiyo, ba tlile ho ga rune ba re ba bonne mangeloyi ya gore ma yitseri wa phela. 24 Ba bangwana ba bo ne re le nabo ba ya ku lebitleng, ba kraya go le ka mokgo basadi bo ba hlayyeng, mara a ba mmona.”

25 Byalo Jeso a re ga bona: “Wa tšiba le tshwata go nagana fote le tseya nako go dumela dilo tso di hlayyeng ke baporofeta! 26 Anthe ne di sa tshwanela gore Kreste a hlorisiwe ka dilo tsowa ka mokana ga tsona, gore a thogo thanakiwa?” 27 A ba hlayisela dilo ka mokana ga tsona tso ne di tshwanele di makege ka yene go ya ka Mangwalo, go thomisa ka Moše go segela ka Baporofeta ka mokana ga bona.

28 Ba šinya ba segela thina le mo ne ba ya gona, a maka nkare o sa fetela mahlong. 29 Ba mo kgopela ba re: “O sa tloge ke bošego.” Mo ba reyane, a dula nabo. 30 Mo ba duli tafoleng* ba ja, Jeso a tseya sekgwa, a rapela, a se ngatha ke mokane a ba neya sona. 31 Ba napa ba gopola gore ke mang; mara a fo nyamalala ba sa sa mmona. 32 Ba bolabola ba ntoši ba re: “Ayitsano tso ne a di bolabola nakwela re sepela ku pateng fote a kene a re bulela* Mangwalo, ne di sa re tikisi?” 33 Ba tlogamela ka nako yonone ba boyela Jerusalema, ba segela ba kraya 11 ya mapostola le malata ya mangwana, 34 ba gore ba yitseri: “Ka nnete Morena o tsusiwwe, fote o bonne ke Simone!” 35 Ba ba hlayisela tso di makegiyeng mo ba le hala pateng le gore ba napiye ba di tšiba gore ke yene nakwela a ngatha sekgwa.

36 Mo ba sa bolabola ka dilo tsone ka mokana ga tsona, a nyarela gare ga bona a re: “Nkare le ka beba.” 37 Mara ka taba la gore ke mo ba tšhugiye fote ba hlagasela, ba yye ba tiputsisa gore king sosowa mara . 38 A re ga bona: “Anthe le hlupa king? Ke ntaba le kamaka? 39 Anthe a le ma bone matsogo yaka le mawoto yaka? Ke nna; ntikiseneng le bone, ka taba la gore moya a wo na nama le mašapo go tshwana le nna.” 40 Ke mo a hlaya tsotsone a kene a ba šupetsa matsogo yage le mawoto yage. 41 Mo ba kene ba sa makele fote ba sa mo tshepe, a re ga bona: “A le na sa go ja nyana?” 42 Ke mokane ba mo neya hlapi ya go besiwa. 43 A yi tseya, a yi ja ba kene ba mo lebelele.

44 A re ga bona: “Mantsu yawa ke ya ke ma bolabodiyeng mo ke sa na le lune, gore dilo ka mokana ga tsona tso di bolabodiwweng ka nna, tsa gore di ngwadiwwe ga Molawo wa Moše, le tsa gore di hlayye ke Baporofeta fote di ga Dipisalema, di tshwanele di makega.” 45 A napa a maka gore ba kwisise Mangwalo gabutši, 46 a re ga bona, “Mangwalo ma re: Kreste o nyoko hlupegisiwa ke mokane a tsoga mabitleng ka letšatši la boraro, 47 go tlugisela Jerusalema le ditšhabeng ka mokana ga tsona, go nyoko tšhomayediwa molayetsa wa gore batho ba sokologe fote ba tshwarediwe ka lebitso la Jeso ga tso ba di sinnyeng. 48 Lune le nyoko ba dihlatse tsa dilo tsowa. 49 Ke le neya moya wa go hlawolega, wa gore Papa o le tshepisiye. Lune dulaneng ho Jerusalema go segela le kraya matšhika ya go tšwa ku malenghelengheng.”

50 Ke mokane a sepela nabo go segela Bhethani, a yemisa matsogo a ba rapelela. 51 Mo a kene a sa ba rapelela, a yinugela legedimong. 52 Ke mokane ba mo kgotamela,* ba boyela Jerusalema ba jabodiye ka matla. 53 Ne ba fo dula ba le tempeleng, ba thanaka Modimo.