Tsowa di Hlatolla ke Johane
13 Byalo, Jeso o di tšibiye botala go soko segela monyanya wa Paseka gore nako ya gore a boyele ga Papage yi segele. Jeso ke mo a nyaka bo ba mo latelelang ka matla fote o ba nyakiye go segela mafelelong. 2 Ne go kene go jiwa tsa go ja tsa ka malobana, fote Diyabolo ke mo a šele a kutšetsele pelo ya Judase Iskariyoti morwayi wa Simone, gore a mo rekise. 3 Byalo Jeso ke mo a di tšiba gore Papage o beyye dilo ka mokana ga tsona matsogong yage, le gore ke mo a tšwa ga Modimo fote o ya ga Modimo. 4 Jeso a tlogamela mo ba kene ba sa ja, a yapola kobo yage ya ka tawong a yi beyela hala thoko. A tseya thawola, a yitlema ho masekeng.* 5 Ka nthago ga hone, a tšhela meetši ka lepoleteng, a thomisa go hlapisa malata yage mawoto fote a ma sula ka thawola yo ne a yi tlemme ho masekeng.* 6 Byalo a tla ga Simone Petro. Yene a re: “Morena, o hlapisa nna mawoto?” 7 Jeso a mo fetola a re: “O ka sa di kwisisi tso ke go makelang tsona gana byalo, mara o ko di kwisisa mo ke šele ke fetsiye.” 8 Petro a re gage: “Nna o sa nhlapisi.” Jeso a mo fetola a re: “Mo nka sa go hlapisi, nna nago re ka sa kwane.” 9 Simone Petro a re: “Morena, o sa nhlapisi mawoto fela mara nhlapise le matsogo le hlogo.” 10 Jeso a re: “Ye a hlapiyeng aa tshwanela go hlapisiwa go gongwana, ka gore o yediye. Byalo, lune le yediye, mara a la yela ka mokana ga lune,” 11 ka gore ke mo a tšiba ye a mo rekisang. Nka taba lo a hlayyeng gore: “A la yela ka mokana ga lune.”
12 Mo a fetsa go ba hlapisa mawoto fote a šele a yapere kobo yage ya ka tawong, a kgapama tafoleng ka lehlokoro a re ga bona: “Ayitsano le kwisisa tso ke le makeleng tsona? 13 Lune le mpitsa gore ke nna ‘Thitšere’ fote ke nna ‘Morena,’ le ya resa ka taba la gore ke nna yene. 14 Byalo, mo nna wa gore ke nna Morena le Thitšere ke le hlapisiye mawoto, di ra gore le lune di nyaka* le hlapisane mawoto. 15 Ka gore ke le beyisele, gore tso ke di makiyeng le lune le di make. 16 Ke le botsa nnete gore lelata a le phale mong wa lona, le ye a romiwweng aa phale ye a mo rommeng. 17 Mo le tšiba dilo tsowa, le ya jabola mo le di maka. 18 A ke bolabole ka lune ka mokana ga lune, ke tšiba bo ke ba hlawodiyeng. Mara di f’lo ba ka mokgonone gore go makege tso di hlayang ke mangwalo tsa gore: ‘Ye ne a ja le nna o njikele.’ 19 Go tlugisela gana byalo, ke nyoko le botsa tsona di soko makega, gore mo di makega le thogo tshepa gore ke nna yene. 20 Ke le botsa nnete, ye a yamogelang ye ke mo rommeng, o yamogela le nna, le ye a yamogelang nna, o yamogela le Ye a nrommeng.”
21 Mo Jeso a fetsa go hlaya tsotsone, a kwa go baba, a re: “Ke le botsa nnete, ye mongwana ho ga lune o nyoko nrekisa.” 22 Malata yage ma thomisa go lebeletsana, ma sa kwisisi gore o bolabola ka mang. 23 Lelata le lengwana la gore Jeso ke mo a kwana nalo ka matla, ke mo le kgapamme ho thina gage. 24 Byalo, Simone Petro a šupa lelata lela ka hlogo a re: “Re botse gore o bolabola ka mang.” 25 Byalo, lelata lela la tithega ka sekguba sa Jeso, la re gage: “Morena, o ra mang?” 26 Jeso a fetola a re: “Ke ye ke nyoko mo neyang sekgwa so ke nyoko se šibang ka mo sitšeng.” Byalo, a šiba sekgwa sela ke mokane a se neya Judase, morwayi wa Simone Iskariyoti. 27 Mo Judase a fetsa go tseya sekgwa sela, a kena ke Sathane. Jeso a re gage: “Yakgoswa o make so o nyakang go se maka.” 28 Mara bo ba duling hone tafoleng, ne ba sa kwisisi gore ke ntaba a mmotsa tsotsone. 29 Ba bangwana ke mo ba nagana gore ka gore Judase ke yene ye ne a tshwara lebhokisi la moneyelo, Jeso ke mo a mmotsa gore, “Reka dilo tso di nyakegang mo monyanyeng,” kela ke mo a re a neye bo ba go tihlupegela se sengwana. 30 Byalo, mo a fetsa go tseya sekgwa sone, a napa a tšwa. Ke mo go le bošego.
31 Mo a šele a yye, Jeso a re: “Byalo Morwayi wa motho o šele o gadimisiwwe, le Modimo o gadimisiwwe naye. 32 O nyoko gadimisa ke Modimo ka boyene mong fote o nyoko mo gadimisa ka nako yonone. 33 Lune banghana baka, ke nyoko ba le lune ka nakonyana. Le nyoko nnyaka mara go nyoko fo ba ka mokgo ke butsiyeng Majuda ke re, ‘Mo ke yang gona, le ka sa tle,’ ke šele ke botsa lune. 34 Ke le neya molawo wa nyuwane, wa gore le nyakanane; go fo tshwana le mo nna ke le nyakiye, le lune le nyakanane. 35 Batho ba ko di tšibeng gore le malata yaka—mo le nyakanana.”
36 Simone Petro a re gage: “Morena, o ya kaye?” Jeso a re: “Mo ke yang gona o ka sa nlatelele mara o ko boya o tla.” 37 Petro a re: “Morena ke ntaba o sa nyake ke go latelela gana byalo? Nko šinya ke neyela ka lephelo laka sekaleng sago.” 38 Jeso a re: “Ayitsano o ka neyela ka lephelo lago sekaleng saka? Ke go botsa nnete, o ko ba o mphigiye gararo mo phoko yi soko lla.”