Lengwalo la Bobedi la go ya ga Thimothi
1 Nna Pawulo wa gore ke nna lepostola la Kreste Jeso go ya ka tso Modimo a di nyakang le go ya ka lephelo lo Modimo a re tshepisiyeng a berekisa Kreste Jeso, 2 ke ngwalela ngwanaka Thimothi wa gore ke mo nyaka ka matla, ke re:
Nkare Modimo Papa wa rune le Kreste Jeso Morena wa rune ba ka go kwela go baba fote ba maka gore o bebe.
3 Ke leboga Modimo wa gore ke mo makela mmereko wa go hlawolega go fo tshwana le ka mokgo bokokwane ba makiyeng ka gona, ke maka tsotsone ka lekwalo la go yela fote a ke go lebale mo nkene ke rapela ke šwennye bošego le motshegare. 4 Mo ke gopola ka mokgo ne o lla ka gona, di maka gore ke go hlologele gore ke tle ke thogo jabola. 5 Ka taba la gore ke gopola tumelo yago ya go sa timakisi ya gore yi thomisiye ka kokwane wago wa mosadi Luwisa le mmane wago Yunisi, mara ke ya tshepa gore le wene o nayo.
6 Byalo, ke go gopotsa gore tso Modimo a go neyyeng tsona nakwela ke go beya matsogo o di rotetse go tshwana le mo o rotetsa mollo. 7 Ka taba la gore Modimo aa maka gore re be maghwala mara o makiye gore re be le matšhika, re nyakanane fote re nagane tsa gabutši. 8 Byalo, le sa tšebisi ke go tšhomayela ka Morena wa rune kela la tšebisa ke nna wa gore ke bhantita ka taba lage, mara di nyaka le hlupegisiwa ka taba la ditaba tsa go bafala mo le kene le tisamele ka matšhika ya Modimo. 9 O re phonisiye a boya a maka gore re hlawolege, aa maka tsotsone ka taba la tso re di makiyeng mara ke so ne a se nyaka fote o re šupetsiye gore o re kwela go baba. Modimo o re šupetsiye botala gore o re kwela go baba a berekisa Kreste Jeso, 10 mara go re kwela go baba hone go napiye go bonala mo go nyarela Kreste Jeso ye a re phonisang, wa gore o makiye gore go fele ka likgu fote o berekisiye ditaba tsa go bafala go re šupetsa gore re ka ba le lephelo le mmele wa go sa bole. 11 Ba nhlawodiye gore ke tšhomayele, ke be lepostola fote ke tšhutise ditaba tsowa tsa go bafala.
12 Ke ya hlupega ka taba la dilo tsowa mara a di ntšebisi. Ke tšiba ye ke mo tshepiyeng fote a ke kamake gore o nyoko pasopa dilo ka mokana ga tsona tso ke mo makelang go segela ka tšatši lone. 13 Ariye mahlong o ngangarele ga mantsu ya go yagisa ya o ma kwileng ho gaka mo o kene o šupetsa gore o na le tumelo le gore fote wa nyakanana mo o berekisana le Kreste Jeso. 14 O di tshware gabutši dilo tso o neyiwweng tsona ka moya wa go hlawolega wa gore wo ho ga rune.
15 Wa di tšiba gore batho ka mokana ga bona hala polekeng ya Asia ba njikele, ke ra le Fayejelase le Heremoghene. 16 Nkare Morena a ka kwela ba mutši wa Onesiforase go baba ka taba la gore ga go tlala ke mo a ntiyisa fote diketane tsaka tsa jele ke mo di sa mo tšebisi. 17 Mara, nakwela a le Roma o yye a nyakana le nna go segela a šinya a nkraya. 18 Nkare Morena a ka maka gore Jehova a mo kwele go baba ka letšatši lone. Fote le wene o di tšiba gabutši tso a di makiyeng ku Efeso.