Tsowa di Hlatolla ke Matewu

18 Byalo malata ya Jeso ma tla thina gage ma re: “Gabutšibutši, ke mang ye mogolo Mmušong wa magedimo?” 2 A bitsa sengwananyana a se yemisa gare ga bona 3 a re: “Nnete ke ya le botsa, mo le ka sa sokologe* la tshwana le dibananyana, le ka sa kene Mmušong wa magedimo. 4 Byalo, wa go tinyanafatsa go tshwana le sengwananyana sowa, ke yene ye mogolo Mmušong wa magedimo; 5 fote ye a yamogelang wa go tshwana le sengwananyana sowa ka taba la lebitso laka, o yamogela le nna. 6 Mara ye a phiriketsang ye mongwana wa bowa ba banyana ba gore ba dumela ho gaka, di kawone ba make mogwabetso ga tšhilo ya go dukulusa ke bhongolo ba wo gwabetse mo molaleng wage, a bošediwe ka teng ga lewatle.

7 “Batho ba lefase lowa ba na le senyama, ka taba la gore ba phiriketsa ba bangwana! Ke nnete gore tsa go phiriketsana di nyoko ba gona, mara ye di tlang ka yene o na le senyama! 8 Mo nkare letsogo lago kela loto lago le ya go phiriketsa, le kupe o le bošele ku kgole. Go kawone gore o kraye lephelo o se na letsogo kela loto, o sa kraye o bošediwwe mollong o na le matsogo kela mawoto ka mabedi. 9 Fote mo nkare lihlo lago le ya go phiriketsa, le gonye o le bošele ku kgole. Go kawone gore o kraye lephelo o na le lihlo ka lloši, o sa kraye o bošediwwe mollong wa Ghehena o na le maahlo ka mabedi.* 10 Le bone gore a le phiriketse bo ba banyana, ka taba la gore mangeloyi ya ma ba pasopang ma fo dula ma le thina ga Papa wa ku magedimong. 11 ——

12 “Lune le yi bona byang? Ayitsano mo motho a na le 100 ya dinku ke mokane go lahlegiye ka yyoši, a ka sa šiyi tsela 99 ya tsona, a ye nyakela yela ya go lahlega ka yyoši? 13 Mo a yi kraya, nnete ke ya le botsa, o nyoko yi jabolela go phala 99 yela ya tsona. 14 Byalo di fo tshwana le ka Papa wa ku magedimong, le yene o ba ka mokgonone mo ka wwoši ga bowa ba go tshwana le bana a keketlela.

15 “Go tokegela gana hone, mo mogagenu a sinnye, ariye wo bolabola* naye le le ka babedi. Mo a ka go theetsela o ko ba o mo gelepiye gore a make tsa gabutši. 16 Mara mo a sa go theetsele, tseya motho ka wwoši kela ka babedi gore go be le dihlatse ka dipedi kela ka diraro mo o ye bolabola naye gore taba yone yi thogo yela. 17 Mo a ka sa ba theetsele, o botse phutego. Mo le yona a sa yi theetsele, le mo tseye go tshwana le bo ba ditšhaba kela go tshwana le motho wa go patedisa mothelo.

18 “Ka nnete ke re ga lune, se sengwana le se sengwana so le se tlemelelang le se swina mo lefaseng, se nyoko ba se šele se swiniwwe le ku legedimong, le se sengwana le se sengwana so le se tlemollang mo lefaseng se nyoko ba se šele se tlemolliwwe le ku legedimong. 19 Fote ke le botsa nnete ke re, mo ka babedi ba lune ho lefaseng ba kwana ka gore ba nyaka go kgopela selo se segolo, se nyoko ba makegela, ka taba la Papa wa legedimong. 20 Ka taba la gore mo go nang le ka babedi kela ka bararo bo ba gahlanneng ka lebitso laka, ke nyoko ba nabo.”

21 Ke mokane Petro a tla ga Jeso a re: “Morena mo mogageru a nsinyela ke tshwanele ke mo tshwarele ga kaye? Ga šupa?” 22 Jeso a re gage: “O sa mo tshwarele ga šupa, mara go segela ga 77.

23 “Nka taba lo Mmušo wa magedimo wo ka tshwanisiwang le kgoši ya gore yi nyaka dibereki tsa yona di yi patela dikoloto tsa tsona. 24 Mo kgoši yi thomisa go koleka tšheleta yone, ba yye ba yi leyela monna ye mongwana wa gore ne a yi kolota 10 000 ya ditalente.* 25 Mara ka taba la gore monna yene ke mo a sa tšibi gore o nyoko patela ka ying, kgoši ya re, yene le mosadi wage le bana bage ba rekisiwe go be mabhantiti, fote le dilo ka mokana ga tsona tso ke mo ba le natso di rekisiwe gore ba thogo patela sekoloto. 26 Ke mokane sebereki sela sa kgotamela kgoši sa re, ‘Nlefisele pelo barena, ke nyoko go patela dilo ka mokana ga tsona tso ke go kolotang tsona.’ 27 Ka taba la gore kgoši ke mo yi kwela sebereki sone go baba, yi yye ya napa yi sula sekoloto sela. 28 Mara sebereki sela mo se tšwela ka tawong sa gahlana le ye mongwana wa gore le yene ke mo go le sebereki wa gore ke mo a se kolota 100 ya didhenariyase, sa mo tlinya ka mogolo sa re, ‘Mpatele tso o nkolotang tsona.’ 29 Sebereki sela sa mo kgotamela sa re, ‘Nlefisele pelo barena, ke nyoko go patela dilo ka mokana ga tsona tso ke go kolotang tsona.’ 30 Mara sebereki sela se sengwana ne se sa nyake go kwa selo, sa mo tseya sa mo hlahlela jele go segela a se patela tso ne a se kolota tsona. 31 Mo dibereki tse dingwana di bona so se makegiyeng, dya kwa go baba ke mokane dya ye hlayeng ku ga kgoši. 32 Ke mokane kgoši ya mmitsa ya re gage: ‘O na le lešidi wa tšiba, nna ke sudiye sekoloto sago nakwela o nkgopela. 33 Byalo wene ke ntaba o sa kwele sebereki se sengwana go baba, go tshwana le ka mokgo nna ke go kweleng go baba?’ 34 Kgoši ya kwata ka matla, ya napa yi mo hlahlela jele go segela a patela sekoloto sage. 35 Le Papa wa ku magedimong o nyoko le maka ka mokgonone mo le ka sa tshwarele magagenu di le baba.”