Mebereko ya Mapostola

7 Mara moprista ye mogolo a re: “Nje dilo tsowa di fo ba ka mokgo?” 2 Stefano a re: “Lune bobhuti baka le bopapa, ntheetseleneng. Modimo ye mogolo o yye a nyarela ga kokwane wa rune Abhrahama, nakwela a le Mesopothamiya, mo a soko bane a ye dula Harane, 3 a re gage: ‘Tloga mowa ga poleke yowa o leng ga yona, o šiye le mašaga yago, o ye ga poleke yo ke nyoko go šupetsang yona.’ 4 A tloga ga naga ya Makhaladiya, a ya a dula Harane. Go tlugisela gana hone, ka nthago ga likgu la papage, Modimo o yye a mo leya ho ga poleke yo le dulang ga yona gana byalo. 5 Modimo aa mo neya sengatha sa poleke yowa; mara o mo neyye yona ka mokana ga yona, yene le bana bage. Abhrahama ke mo a soko ba le bana mo Modimo a mmotsa mantsu yawa. 6 Go tokegela gana hone, Modimo o mmutsiye gore ditlogolwane tsage di nyoko ya ga dipoleke tse dingwana, dya fetsa 400 ya mengwaga go le mabhantiti fote ba di teya.* 7 Modimo a re, ‘Ke nyoko yahlula setšhaba sa gore ba ko ba ba le mabhantiti ga sona, fote ka nthago ga dilo tsone ba nyoko tšwa ba mmakela mmereko wa go hlawolega ga poleke yowa.’

8 “Modimo a kwana le Abhrahama gore di nyaka gore ba bolotsiwe, ke mokane Abhrahama gwa ba papa wa Isaka fote a mmolotsa ka letšatši la mabala. Le Isaka gwa ba papa wa* Jakobo. Jakobo a ba le 12 ya barwayi, barwayi bone ba ba le mitši. 9 Barwayi bala ke mo ba jelasela Josefa, ba mo rekisela Maegepita. Mara Modimo ke mo a le naye, 10 a mo phonisa ga dilo ka mokana ga tsona tsa go baba tso a fitiyeng ga tsona, fote a maka gore a hlalefe mahlong ga Faro, kgoši ya Egepita. Ke mokane Faro a maka gore a lawole Egepita le mutši wage ka mokana ga wona. 11 Mara Egepita le Kanana dya hlasela ke tlala, ba hlupega ka matla, ke mokane bokokwane ba rune ba sa sa kraya tsa go ja. 12 Mara Jakobo o di kwelele gore go na le tsa go ja* ku Egepita, a romela bokokwane ba rune di sa fo tloga. 13 Mo ba boyela la bobedi, Josefa o yye a maka gore bobhuti bage ba mo tšibe, Faro a tšiba mutši wa Josefa. 14 Josefa a romela molayetsa gore ba bitse papage le mašaga yage, ke mo go le 75 ya bona mo ba felele. 15 Byalo, Jakobo a ya Egepita, a kgwela gona, gwa fo ba ka mokgonone le ka bokokwane ba rune. 16 Ba ba yisa Šikeme, ba ba boloka ga lebitla lo Abhrahama a le rekiyeng ga barwayi ba Hamore le Šikeme ka tšheleta ya silva.

17 “Mo nako yi šutela ya gore Modimo a make tso a di tshepisiyeng Abhrahama, batho ba yye ba yeketsega ku Egepita, 18 go segela go lawola kgoši ye nngwana ku Egepita ya gore ke mo yi sa tšibi Josefa. 19 Kgoši yone a ya tshwara ba moloko wa rune gabutši fote ya gapeletsa bopapa ba rune gore ba šiye bana ba bona gore ba kgwe. 20 Moše o belegiwwe ka nako yonone, ke mo a bafele ka matla.* Fote o tsere dikgwedi ka ditharo a dula* gagabo. 21 Mo babelegi bage di ba gapeletsa gore ba mo šiye, morwediya wa Faro a mo tseya, a mo gudisa nkare ke ngwanage. 22 Moše ke mo a tšhutisiwwe fote a di hlalefele tso tsa Egepita. Gabutšibutši, ke mo a šupetsa gore o hlalefiye ka tso a di makang le ga tso a di bolabolang.

23 “Byalo, mo a šele a na le 40 ya mengwaga, di f’lo mmotsa gore a vakašele bobhuti bage ba Maisrayele. 24 Mo Moše a bona Leegepita lela le hlorisa bhuti wage, o yye a busetsa ga Leegepita lela, a le bolaya. 25 Ke mo a nagana gore bobhuti bage ba ko di boneng gore Modimo o mo leyye gore a ba phonise, mara a baa di bona. 26 Ka motshwana wa gona, a tla a ba kraya ba kene ba lwa, a liketsa go maka gore ba kwane, a re: ‘Ke lune bana ba motho wa tšiba mara. Anthe ke ntaba le lwa?’ 27 Mara yela wa gore ke mo a hlupa ye mongwana, a mo tšhofela ku kgole a re: ‘O romme ke mang gore o re lawole fote o re yahlule? 28 O nyoko mpolaya go tshwana le mo o bolayye Leegepita lela malobana?’ 29 Mo Moše a kwa tsotsone, a napa a tšhaba a ya Midiyane, mo a segela gana hone a ba le barwayi ka babedi.

30 “Mo go fitiye 40 ya mengwaga, lengeloyi la nyarela ku mašahleng Thabeng ya Sinayi gare ga mohlare wa mmutlwa wa go dura mollo. 31 Moše ke mo a makele mo a bona mohlare wone. Mo a šutela a nyaka go bona gabutši, a kwa lentsu la Jehova le re: 32 ‘Ke nna Modimo wa bokokwane bago, Modimo wa Abhrahama, wa Isaka le wa Jakobo.’ Moše a napa a hlagasela, a sa sa ya go ye boneng gore go makega ying. 33 Jehova a re gage: ‘Rola dimphašane tsago, ka gore poleke yo o yemmeng ga yona yi hlawolegiye. 34 Ke di bonne gore batho baka baa hlupega ku Egepita, fote ke ba kwile mo ba lla, ke tlele go ba phonisa. Byalo, ke nyoko go romela Egepita.’ 35 Moše yela wa gore ba mo ganetsiye ba re: ‘O romme ke mang gore o re lawole fote o re yahlule?’ ke yene wa gore Modimo o berekisiye lengeloyi ku ga mohlare wa mmutlwa, gore le mmotse gore a yetetse batho bage le go ba phonisa. 36 Morene o ba ntshiye Egepita, a boya a maka dilo tsa go makatsa le mešupetso gana ku Egepita le Lewatleng le Lekhubedu fote a fetsa le 40 ya mengwaga a di maka le ku mašahleng.

37 “Moše yewa ke yene wa gore o butsiye Maisrayele gore: ‘Modimo o nyoko tsosa moporofeta wa go tshwana le nna mo ga bobhuti ba lune.’ 38 Moše ke mo a na le Maisrayele nakwela ba le ku mašahleng, fote ke mo a na le lengeloyi lela la gore le bolabodiye naye ku Thabeng ya Sinayi fote la bolabola le bokokwane ba rune. O krayye molayetsa wa go tšwa ga Modimo ke mokane a le botsa wona. 39 Bokokwane ba rune ba ganne go mo theetsela, ba mo phagela ku thoko, ne ba dulele go lora ka go boyela Egepita, 40 Ba botsa Aroni ba re: ‘Re makele medimo ya gore yi nyoko re yeta mahlong. Ka taba la gore a re tšibi gore Moše ye wago wa go re ntsha Egepita o yye kaye.’ 41 Ka matšatši yane, ba maka sethombhe sa nkare ke senamane ke mokane ba maka monyanya ka taba la gore ke mo ba jabolele tso ba di makiyeng. 42 Modimo a ba jikela, a ba lisetsa ba makela letšatši, ngwedi le dinanedi tsa ku legedimong mmereko wa go hlawolega, go ya ka mokgo go ngwadiwweng ga dipuku tsa Baporofeta gore: ‘Nakwela le tseya 40 ya mengwaga le le ku mašahleng, a le ya mmakela dihlabelo lune ba ntlo ya Israyele? 43 Le kakodiye tente ya modimo ye ba reng ke Moloko le nanedi ya modimo ye ba reng ke Rifane, la maka dithombhe tsa go rapela medimo yone ka tsona. Ke nyoko le maka mabhantiti go feta le Bhabhilona.’

44 “Bokokwane ba rune ke mo ba na le letente la go šupetsa gore Modimo ke mo a le nabo ku mašahleng, Modimo o butsiye Moše gore a le make fote o le makiye go ya ka mokgo Modimo a mo šupetsiyeng. 45 Ka nthago, bokokwane ba rune ba yye ba tseya letente lone ba sepela nalo ba na le Jošuwa, ba ya ga poleke ya batho ba bangwana. Ne le le gona go segela ka dinako tsa bo Dafita. 46 O yye a kwana le Modimo ke mokane a kgopela go yagela Modimo wa Jakobo tempele. 47 Mara tempele yone yi yagiye ke Solomone. 48 Mara, wa ku Malenghelengheng aa duli ga dintlo tsa go yaga ke batho, go ya ka tso di hlayang ke moporofeta mo a re: 49 ‘Ku legedimong ke mo go nang le setulo saka sa bogoši, fote howa lefaseng go gata mawoto yaka. Jehova o re, o nyoko n’yagela ntlo ya mošaga mang? Kela ke nyoko dula kaye? 50 Ke nna ke makiyeng dilo tso ka mokana ga tsona akere?’

51 “Lune le womme dihlogo fote a le kwe, le fo dula le ganetsana le moya wa go hlawolega go fo tshwana le bokokwane ba lune. 52 Nje o gona moporofeta wa gore bokokwane ba lune a baa mo hlorisa? Ba bolayye bo ne ba porofeta ka ye a tlang wa go loka, wa gore lune le mo rekisiye fote la mmolaya. 53 Mangeloyi ma le neyye Molawo mara la sa wo theetsele.”

54 Mo ba kwa tsotsone ka mokana ga tsona, ba fufulela,* ba kwata ba nyaka le go mo kwaletsa. 55 A lebelela legedimong a tlele ka moya wa go hlawolega, a bona go gadima ga Modimo le ga Jeso a kene a yemme ga letsogo la go ja la Modimo, 56 a re: “Bonaneng! Ke bona magedimo ma bulegiye fote le Morwayi wa motho o yemme ka letsogong la go ja la Modimo.” 57 Mo a reyane, ba thiba ditsebe tsa bona, ba yahlamela ba tabogela ku gage ka mokana ga bona. 58 Mo ba fetsa go mo ntshela ka ku tawong ga Jerusalema, ba thomisa go mo pshyaya ka matlapa. Bo ba di bonneng ba beya dikobo tsa bona tsa ka tawong ga mawoto ya morena ye mongwana ye ba reng ke Sawulo. 59 Mo ba kene ba mo pshyaya a kgopela a re: “Morena Jeso, lephelo laka ke le beya matsogong yago.” 60 A wela fase ka matolo a kene a yahlamela ka matla, a re: “Jehova, o sa ba yahlule ka tso ba mmakang tsona.” Mo a fetsa go hlaya tsotsone, a napa a kgwa.