Magoši ya Bobedi

23 Byalo kgoši yi yye ya romela molayetsa wa gore ba bitse ba go yeta mahlong ba Juda le ba Jerusalema. 2 Ke mokane ka nthago ga mone kgoši yi yye ntlong ya Jehova yi na le banna ba Juda le batho ka mokana ga bona ba Jerusalema, le maprista le baporofeta—le batho ka mokana ga bona go tlugisela ga ba banyana go segela ga ba bagolo. O yye a ba balela mantsu ka mokana ga wona ya puku ya go kwanisanya ya gore ba yi krayye ntlong ya Jehova. 3 Kgoši yi yye ya yema thina le kholomo ke mokane ya maka kwano mahlong ga Jehova gore yi nyaka go theetsela Jehova, melawo yage, tso a mo gopotsang tsona le tso a mmotsang tsona ka pelo yage ka moka le ka lephelo* lage ka moka ka go maka tso di hlayang ke mantsu ya ma leng ga puku ya go kwanisanya. Fote batho ka mokana ga bona ba yye ba dumela ga kwano yone.

4 Byalo kgoši yi yye ya botsa Hilikiya wa gore ke moprista ye mogolo, maprista ya mangwana le bomatšinghelane ba gheyiting gore ba leye dilo ka mokana ga tsona tso di leng tempeleng ya Jehova tsa gore ba di makele Bhaali, ba di makele kwata ya go hlawolega* fote ba di makele dinanedi ka mokana ga tsona tsa ku magedimong. Ke mokane o yye a di tšhuba ka tawong ga Jerusalema moyeding wa Kidirone, ke mokane a tseya luta la tsona a le yisa Bhethele. 5 Byalo o yye a raka maprista ya medimo ya matsaka ya gore yi tšwa dinageng tse dingwana ya gore magoši ya Juda ke mo ba ma kgetiye gore ma make dihlabelo tsa mmuši ku dipolekeng tsa go hlawolega ga mitši ya Juda le ga dipoleke tsa go dukulugela Jerusalema, le go maka sehlabelo sa mmuši ga Bhaali, ga letšatši, ga ngwedi, ga ditšhotšho tsa dinanedi le ga dinanedi ka mokana ga tsona tsa ku magedimong. 6 O yye a tseya phate ya go hlawolega* yo ne yi le ntlong ya Jehova a yi yisa ka tawong ga Jerusalema Moyeding wa Kidirone, ke mokane a yi tšhuba Moyeding wa Kidirone gwa šala go le lerole ke mokane a wo tseya a wo gašanya mabitleng ya batho ba gore go fo ba nje. 7 Fote o yye a wisanya dintlo tsa banna ba go rekisa mmele tempeleng tsa gore ke mo di le ntlong ya Jehova le ga dipoleke tsa gore basadi ke mo ba logela gona matente ya phate ya go hlawolega.*

8 Byalo o yye a ntsha maprista ka mokana ga wona ga mitši ya Juda, fote o yye a thilafatsa dipoleke tsa go hlawolega tsa gore maprista ke mo ma makela dihlabelo tsa mmuši, go tlugisela Ghebha go segela Bhere-šeba. O yye a wisa le dipoleke tsa go hlawolega tsa gore ke mo di le mo go keniwang gona ku digheyiting tsa ndhuna ya mutši yo ba reng ke Jošuwa, ga gore ke mo go le ka letsogong la sepata mo o kena mone gheyiting ya mutši. 9 Maprista ya go bereka ga dipoleke tsa go hlawolega a maa bereka ga aletare ya Jehova ku Jerusalema, mara ma yye ma ja sekgwa sa gore a se na komelo le bobhuti ba bona. 10 Fote o yye a thilafatsa poleke yo ne ba rapela ga yona yo ba reng ke Tofethe, ya gore yi Moyeding wa Barwayi ba Hinomo,* gore go sa be le motho ye a tshidisang morwayi kela morwediya wage mollong a makela modimo wa Moleke. 11 Fote o yye a maka gore dipera tso kgoši ya Juda ne yi neyele ka tsona gore ba di berekise mo ba rapela letšatši di sa kene ntlong ya Jehova di bhukulela kamareng ya go jela ya Nathane-meleke wa gore ke wa go bereka ntlong ya kgoši, ya gore ke mo yi le thina le dikholomo; ke mokane a tšhuba dikotšikara tso ne ba neyele ka tsona ga letšatši. 12 Fote kgoši yi yye ya wisa dialetare tsa gore kgoši ya Juda ke mo yi di makiye ka gedimo ga ntlo ya Ahazi, le dialetare tsa gore Manase ke mo a di makiye ga malapa ka mabedi (2) ya ntlong ya Jehova. O yye a di wisanya a boya a gašanya lerole la tsona ku Moyeding wa Kidirone. 13 Fote kgoši yi yye ya thilafatsa dipoleke tsa go hlawolega tso ne ba rapela ga tsona tsa gore ke mo di le mahlong ga Jerusalema, tsa gore fote ke mo di le borwa bya Thaba ya go Sinyanya, ya gore mone ga yona Kgoši Solomoni wa Israyele ke mo a yagele modimo wa go silikisa wa mosadi ye ba reng ke Ašitorethe wa Masidoni; le modimo wa go silikisa wa Mamowaba ye ba reng ke Khemoši; le modimo wa go silikisa wa Maamoni ye ba reng ke Milikomo. 14 O yye a wisanya dikholomo tsa go hlawolega* gwa šala go le ditlopotlopo, a boya a kupa le diphate tsa go hlawolega ke mokane a tlatsa poleke ya bona ka mašapo ya batho. 15 O yye a wisa aletare ya Bhethele, poleke ya go hlawolega ya gore Jerobhowamo morwayi wa Nebhathe o yye a yi maka ya gore yi makiye gore Maisrayele ma sinye. Ka nthago ga go wisa aletare yone o yye a tšhuba poleke yone ya go hlawolega gwa šala go le lerole, ke mokane a tšhuba le phate ya go hlawolega.*

16 Mo Josiya a jika o yye a bona mabitla ku thabeng, ke mokane a tseya mašapo yane a ma tšhuba aletareng, a thilafatsa poleke yone ya go rapela ga yona go ya ka tso Jehova a di hlayyeng a berekisa lelata la Modimo wa mannete la gore le porofitiye gore dilo tsowa di nyoko makega. 17 Ke mokane a re: “Ke la mang lebitla lela hala la gore ke le lebelele?” Mo ba kwa tsotsone, banna ba hone mutšing ba re: “Lebitla lela ke la lelata la Modimo wa mannete la go tšwa Juda la gore le yye la porofeta ka dilo tso o di makiyeng ku aletareng ya Bhethele.” 18 A re ga bona: “Go sa be le motho ye a tikisang mašapo yage. Le fo ma lisetsa ka mokgo ma leng.” Byalo ba yye ba šiya mašapo yage ba sa ma tikisa, le mašapo ya moporofeta wa gore ne a tšwa Samariya.

19 Josiya o yye a tlosa dintlo tsa go rapela ga tsona ku ga dipoleke tsa go hlawolega tsa gore ke mo di le mitšing ya Samariya, tsa gore magoši ya Israyele ke mo ma di yagiye gore ma kwatise Modimo, o makiye ka mokgonone go tshwana le ka mokgo a makiyeng ka gona ku Bhethele. 20 Byalo o yye a maka dihlabelo ka maprista ka mokana ga wona ku dialetareng, ya gore ne ma le ga dipoleke tsa go hlawolega, ke mokane a tšhuba mašapo ya batho gana hone ga tsona. Ka nthago a boyela Jerusalema.

21 Byalo, kgoši yi yye ya re ga batho ka mokana ga bona: “Makelaneng Jehova Modimo wa lune Paseka go ya ka mokgo go ngwadiwweng ka gona ga puku ya go kwanisanya.” 22 A go na Paseka ya go tshwana le yowa ya gore yi yye ya ba gona go tlugisela ka nako ya mo bayahludi ba yahlula Israyele kela ka dinako tsa magoši ka mokana ga wona ya Israyele le ya Juda. 23 Mara ka mongwaga wa bo 18 wa mo go lawola Kgoši Josiya, Paseka yowa ya Jehova ba yye ba yi tshwarela Jerusalema.

24 Josiya o yye a tlosa ba masalamose, ba go pombhola tsa ku mahlong, medimo ya dithombhe,* medimo ya dithombhe* ya go silikisa le dilo ka mokana ga tsona tsa go silikisa tsa gore ne di le Juda le ku Jerusalema, gore go thogo makega tso di hlayyeng ke Molawo wa gore wo ngwadiwwe ga puku ya gore moprista Hilikiya o yye a yi kraya ntlong ya Jehova. 25 A go na kgoši ya go tshwana naye ga tsa ku nthago ya gore yi yye ya boyela ga Jehova ka pelo ya yona ka moka, ka lephelo* la yona ka moka le ka matšhika ya yona ka moka, go ya ka mokgo Molawo wa Moše wo hlayyeng ka gona; fote a gwa ba le motho wa go tshwana naye ka nthago gage.

26 Mara Jehova aa lisetsa go kwatela Juda ka taba la dilo ka mokana ga tsona tso Manase a di makiyeng gore a mo kwatise. 27 Jehova o yitseri: “Ke nyoko tlosa Juda mahlong gaka go fo tshwana le mo ke yye ka tlosa Israyele; ke nyoko jikela mutši wa Jerusalema wo ke wo hlawodiyeng, ka boya ka jikela le ntlo ya gore ke yitseri ka yona, ‘Lebitso laka le nyoko ba gana hone.’”

28 Byalo, dilo ka mokana ga tsona tso di makegeleng Josiya le tso a di makiyeng, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda? 29 Ka dinako tsa Faro Nekho wa gore ke kgoši ya Egepita o yye a ye gahlana le kgoši ya Asiriya ku Nokeng ya Eforate, mara Kgoši Josiya ke mo a yye go ye lwa naye; mo Nekho a mmona o yye a mmolayela ku Meghido. 30 Byalo, malata yage ma yye ma rwala setopo sage ka sekotšikara ku Meghido, ma ya naso Jerusalema ma segela ma mmoloka lebitleng lage. Ke mokane batho ba naga yone ba yye ba tseya morwayi wa Josiya ye ba reng ke Jehowahazi ba mo tlotsa ke mokane ba mo maka kgoši sekgaleng sa papage.

31 Jehowahazi ke mo a na le 23 ya mengwaga mo a ba kgoši, o fetsiye dikgwedi ka ditharo (3) a lawola Jerusalema. Lebitso la mmane wage ke mo go le Hamutale morwediya wa Jeremiya wa go tšwa Libhna. 32 O yye a thomisa go maka dilo tsa go befa mahlong ga Jehova, a maka dilo ka mokana ga tsona tso bokokwane bage ba di makiyeng. 33 Faro Nekho o yye a mo hlahlela jele ku Ribhla nageng ya Hamathe, o makiye tsotsone gore a sa lawole Jerusalema ke mokane a patedisa mutši 100 ya ditalente* tsa silva le talente ka yyoši ya gholdi. 34 Go tokegela gana hone, Faro Nekho o yye a maka Eliyakimi morwayi wa Josiya kgoši sekgaleng sa papage Josiya, ke mokane a tšhentšha lebitso lage gore go be Jehoyakimi; mara o yye a tseya Jehowahazi a mo yisa Egepita ga gore o yye a fetsa a kgwele gona. 35 Jehoyakimi o yye a tseya silva le gholdi a di neya Faro ke mokane a re batho ba mone nageng ba ntshe mothelo gore a thogo neya Faro wa gore ke mo a wo nyaka. O yye a tseya silva le gholdi ga motho ye mongwana le ye mongwana go ya ka mokgo ba kwanneng gore a thogo yi neya Faro Nekho.

36 Jehoyakimi ke mo a na le 25 ya mengwaga mo a ba kgoši, o fetsiye 11 ya mengwaga a lawola Jerusalema. Lebitso la mmane wage ke mo go le Zebhida morwediya wa Pedaya wa go tšwa Ruma. 37 O f’lo ya mahlong a maka dilo tsa go befa mahlong ga Jehova, a maka dilo ka mokana ga tsona tso bokokwane bage ba di makiyeng.