Tsowa di Hlatolla ke Mareka
7 Byalo, Mafaraseyi le bomabhalane ba bangwana ba gore ne ba tšwa Jerusalema ba kgobakanela Jeso. 2 Ke mokane ba bona malata yage ma ja tsa go ja ka matsogo ya dithila, ya gore a ma hlapiwa.* 3 (Mafaraseyi le Majuda ka mokana ga wona a ma je ma soko hlapa matsogo go segela ga sejabana, ma maka tsotsone ka taba la gore ma ngangarele ga setšo sa batho ba ku botala, 4 le mo ba tšwa mmakete, a ba je ba soko hlapa. Go na le ditšo tse dingwana tsa go tlala tsa gore ba di krayye ga batho ba bangwana ba di ngangarela, tsa go tshwana le go yenela dikomitši ka meetšing, dijeke le ditša tsa go makiwa ka koporo.) 5 Byalo, Mafaraseyi yawa le bomabhalane ba butsisa Jeso ba re: “Ke ntaba malata yago ma fo ja ka matsogo ya dithila, ma sa latelele setšo sa bokokwane ba rune?” 6 Jeso a re ga bona: “Go fo tshwana le ka mokgo go ngwadiwweng, Jesaya o porofitiye ka lune ba go timakisa mo a re: ‘Batho bowa ba nthanaka ka melomo ya bona, mara dipelo tsa bona di kgole le nna. 7 A di thuši ka selo mo ba nrapela, ka taba la gore ba tšhutisa melawo ya batho nkare ke melawo ya Modimo.’ 8 Le lisetsiye molawo wa Modimo la ngangarela setšo sa batho.”
9 A ya mahlong a re ga bona: “Le nyaka ditsela tse dingwana tsa gore le sa theetsele molawo wa Modimo gore le thogo ngangarela setšo sa lune. 10 Mo re beyisa, Moše o yitseri, ‘Hlompa papago le mmane wago,’ fote ‘Ye a rogelelang* papage kela mmane wage a bolayiwe.’ 11 Mara lune le re, ‘Di gabutši mo motho a botsa papage kela mmane wage gore: “Tso ke nang natso tsa gore ne nka go gelepa ka tsona ke di neyye Modimo.”’ 12 Fote mo a hlaya ka mokgonone le napa le sa sa mo dumelela gore a makele papage le mmane wage selo. 13 Byalo le phagele lentsu la Modimo ku thoko ka taba la setšo sa lune. Fote le maka dilo tsa go tlala tsa go tshwana le tsotsone.” 14 A bitsa mogoba fote, a re ga wona: “Ntheetseleneng ka mokana ga lune, le nkwisise. 15 Motho aa thilafatse ke so se kenang ka molomong wage, o thilafatsa ke so se tšwang ka teng gage.” 16 ——
17 Byalo, mo a šele a kenne ka ntlong a tlugiye ga mogoba wela, malata yage ma thomisa go mmutsisa ka mošupetso wone. 18 Jeso a re ga wona: “Anthe le lune a le kwisisi? A le tšibi gore motho aa thilafatse ke so a se jang [kela “so se kenang ka molomong wage”], 19 ka taba la gore a se ye ka pelong yage, se ya maleng, ke mokane sa fetela mokoting wa dithila?” Byalo Jeso a ba botsa gore tsa go ja ka mokana ga tsona di yediye. 20 Fote a re: “So se tšwang ka teng ga motho ke sona se mo thilafatsang. 21 Ka pelong ya motho go tšwa dilo tsa go sa yi ka tsela ke tsowa: go maka tsa maroga le motho wa gore a wa šadha naye,* go yetswa, go bolaya, 22 bonghwahla, dipawo, go ba le pelo ye phifadu, matsaka, go ba le tšhinghi,* mona, go rogelela, go ba le magetla, le go sa berekisi monagano. 23 Dilo tsowa ka mokana ga tsona tsa go sa loka di tšwa ka pelong, fote di thilafatsa motho.”
24 Mo Jeso a tloga mone o yye polekeng ya Tira le Sidoni. Mo a segela o yye a kena ntlong a sa nyake gore batho ba mmone, mara ba fo di tšiba. 25 Ka nako yonone, mosadi ye mongwana wa gore morwediya wage ke mo a kenne ke ledimona o yye a kwelela ka Jeso, a tla gage a mo kgotamela. 26 Mosadi yene ke mo go le Legerika, a tšwa* polekeng ya Funišiya ya gore yi Siriya; ke mokane a kgopela Jeso gore a rake ledimona lela la gore ke mo le hlupa morwediya wage. 27 Mara Jeso a re gage: “Lisetsa dibananyana di je di kgore, ka taba la gore a di gabutši go tseya tsa go ja tsa dibananyana o di neya dimpsyanyana.” 28 Mara mosadi yela a re ga Jeso: “Wa resa Morena, mara le tsona dimpsyanyana tso, di ja mawudu ya gore ma wisa ke dibananyana ka fase ga tafola.” 29 Jeso a re ga mosadi yene: “Ka taba la gore o hlayye tsotsone, ariye, ledimona lela le tšwile ga morwediya wago.” 30 Mosadi yene a ya gaye, a kraya morwediya wage a patlamme mpetong, ledimona lela le tšwile.
31 Mo Jeso a tšwa Tira, o fitiye Sidoni a ya lewatleng la Galeliya, a sepela ka tsela ya Dekapolisi.* 32 Gana hone ba mo leyela monna wa gore ditsebe tsage di thibele fote ke mo a sa bolabole gabutši, ba mo kgopela gore a mo yalafe. 33 Ke mokane Jeso a tloga naye hone ga mogoba wone, ba ya thoko ba le ntoši. A tšhela menwana ka ditsebeng tsa monna yela, mo a fetsa go tshwa mare a tikisa lleme lage. 34 A lebelela legedimong, a wonela gedimo a re gage: “Eph′pha·tha,” ya go rela gore, “Thibologa.” 35 Ka nako yonone ditsebe tsage tsa thibologa, fote a thomisa go bolabola gabutši. 36 Jeso a re ba sa botse motho ka taba yone, mara mo a reyano ba napa ba yi tlatsa. 37 Ke mo ba makele la go sa hlayisege, ba re: “Dilo tso ka mokana ga tsona o di makiye gabutši. Bo ba go thibega ditsebe o maka gore ditsebe tsa bona di thibologe le dimumu o maka gore di bolabole.”