Mebereko ya Mapostola
2 Mo letšatši la monyanya wa Pentekoste le kene le ya mahlong, mapostola ke mo ma kgobakanne polekeng ka yyoši. 2 Ka go yakgoswa, gwa kwagala selo se sengwana se duma se tšwa legedimong tsa nkare go tšutla moya, sa tlala ka teng ga ntlo yo ne ba duli ga yona. 3 Ba thomisa go bona maleme ya nkare ke mollo, ke mokane ma yahlugana, ma ya ma yema ga motho ye mongwana le ye mongwana, 4 Ka mokana ga bona ba ba le moya wa go hlawolega, ba thomisa go bolabola mebolabolo ya mehlobohlobo, go ya ka mokgo moya ne wo ba makiye gore ba bolabole ka gona.
5 Ka nako yonone, Majuda ya gore ma tineyele ya gore ma tšwa ga ditšhaba ka mokana ga tsona tsa gore di ka tlase ga legedimo, ke mo ma dula Jerusalema. 6 Mo mogoba wo kwa batho ba rasa, wa kgobakana, fote ke mo wo sa kwisisi ka taba la gore ye mongwana le ye mongwana ke mo a bolabola mmolabolo wage. 7 Wa tšiba ke mo ba makele ka matla, ba re: “Ye lune, batho bowa ka mokana ga bona bo ba bolabolang howa ke Magaleliya akere? 8 Byalo, go tla byang gore ye mongwana le ye mongwana wa rune a kwe mmolabolo wage? 9 Batho bowa ke Mapareta, Mamede, Maelama, ba go tšwa Mesopothamiya, Judiya, Khapadošiya, Pontase, dipoleke tsa Asia, 10 Firighiya, Phamfiliya, Egepita, dipoleke tsa Libhiya ya thina le Sayirini, divakaši tsa gore ke mo di tšwa Jerusalema di dula Roma ka senakonyana, Majuda, bo ba gore ba yamogele sedumedi sa Sejuda, 11 Makereta le Maarabhiya—re kwa ka mokana ga bona ba bolabola dilo tsa go makatsa ka Modimo ba berekisa mebolabolo ya rune.” 12 Ka mokana ga bona ke mo ba makele fote ba sa kwisisi, ba butsisana gore: “Di ra gore king tsotso?” 13 Mara ba bangwana ke mo ba ba kwera ba re: “Ba tikwela mokgete bowa.”
14 Mara Petro a tlogamela le bala 11 ya bona, a bolabola a yahlamela a re: “Lune batho ba Judiya le ba go tšwa dipolekeng tsa Jerusalema, le ntheetseleng gabutši. 15 Batho bowa a ba tlayili go ya ka mokgo le naganang, ka taba la gore go sa le gana hala ga 9 ya ka bošego.* 16 Mara tso di hlayye ke moporofeta Juwele mo a re: 17 ‘Modimo o re, “Ka dinako tsa mafelelo, ke nyoko tshollela moya waka ga motho ye mongwana le ye mongwana, barwayi le barwediya ba lune ba nyoko porofeta, le bo ba sa ga golang ba nyoko bona mmono, banna ba bagolo ba nyoko lora, 18 moya wo mongwana wa go hlawolega ke nyoko wo neya le dibereki tsaka tsa banna le tsa basadi, le tsona di nyoko porofeta. 19 Ke nyoko maka dilo tsa go makatsa legedimong, ka maka mešupetso lefaseng—tsotsone ke madi le mollo le mmuši. 20 Letšatši le nyoko fifala, le ngwedi wo nyoko kgubala go tshwana le madi mo go soko segela letšatši le legolo la Jehova. 21 Ye mongwana le ye mongwana ye a bitsang lebitso la Jehova o nyoko phonisiwa.”’
22 “Lune batho ba Israyele, kwanneng mantsu yaka: Modimo o šupetsiye gore ke yene a rommeng Jeso wa Lenazareta, wa gore o makiye mehlolo le dilo tsa go makatsa ka yene, le lune le ya di tšiba. 23 Morenewa le mo tshwere, la mo yisa ga bo ba go hloka molawo gore ba mo kokotele phateng fote ba mmolaye. Modimo ke mo a di tšiba gore tsotsone le nyoko di maka Jeso, a le dumelela. 24 Mara Modimo o mo tsusiye, a mo tlosa ga dihlabi* tsa likgu ka taba la gore ke mo di sa kgonege gore di dule di mo tshwere. 25 Mo Dafita a bolabola ka yene o re: ‘Ke beyye Jehova mahlong gaka, ka taba la gore o ka letsogong laka la go ja gore ke sa phiriketsege. 26 Tsotsone di makiye gore ke bolabole ke jabodiye fote ke hlakela. Ke nyoko dula ke go tshepa; 27 ka taba la gore o ka sa nšiyi Lebitleng, fote a o nyake go bona setopo sa ye a tshepegang se bola. 28 O nšupetsiye pata ya go ya lephelong; fote mo o le gona ke jabola ka matla.’
29 “Magageru, ke bona di le gabutši gore ke bolabole le lune ka kokwane wa rune Dafita ke sa tšhabe selo, gore o kgwile a boya a bolokiwa, le lebitla lage le sa le gona le lekgono lowa. 30 Ka gore ke mo go le moporofeta, fote o di tšibiye tsa gore Modimo o mo makele kano ya gore setlogolwane sage se sengwana, se nyoko dula ga setulo sa go lawola, 31 o di bonne di soko makega a boya a bolabola ka go tsusiwa ga Kreste, gore setopo sage a baa se lebala ku Lebitleng fote a se ya bola. 32 Modimo o tsusiye Jeso yewa, fote re di bonne ka mokana ga rune. 33 Byalo, ba mo gudisiye ba mmeya ka letsogong la go ja la Modimo, ba mo neya le moya wa go hlawolega wa go tšwa ga Papa, nka taba lo a yyeng a re neya moya wa go hlawolega, gana byalo le ya di bona fote le ya di kwa. 34 Ka taba la gore Dafita aa yinugela legedimong, mara yene ka boyene o yitseri, ‘Jehova o butsiye Morena waka gore: “Dula ka letsogong laka la go ja 35 go segela ke beya manaba yago ka fase ga mawoto yago.”’ 36 Byalo, di nyaka le di tšibe lune ba Isarayele gore Modimo ke yene a mo makiyeng Morena le Kreste, yene Jeso ye le mo kokoteleng phateng.”
37 Byalo, mo ba kwa dilo tso ba hlabega, ba re ga Petro le mapostola yala ya mangwana: “Magageru, re makeneng byang mara?” 38 Petro a re ga bona: “Sokologaneng, fote ye mongwana le ye mongwana wa lune a kolobetsiwe ka lebitso la Jeso Kreste, gore a tshwarediwe ga tso a di sinnyeng fote le nyoko kraya moya wa go hlawolega mahala. 39 Ke tshepisa lune le bana ba lune le bo ba leng ku kgole, le ba gore Jehova Modimo wa rune o nyoko ba bitsa.” 40 O bolabodiye mantsu ya go tlala fote a tšhomayela di kwagala, a ba hlohletsela a re: “Le tipasopeneng ga moloko wowa wa ditsotsi.” 41 Bo ba yamogeleng lentsu lage ba sa kokole ba yye ba kolobetsiwa, fote ka letšatši lone ba yye ba yeketsega ka 3 000 ya batho. 42 Ba yye mahlong ba tineyela ga tso ne di tšhutisa ke mapostola, ne ba gahlana mo ba ja le mo ba rapela.
43 Ba yye ba tšhoga ka mokana ga bona, fote go yye gwa makega dilo tsa go makatsa le mešupetso, di maka ke mapostola. 44 Batho ka mokana ga bona ba gore ba yye ba dumela, ba gahlana, ba kwana ka selo ka ssoši, 45 Ke mo ba rekisa tso ba ghannyeng ka tsona, diphahlo tsa bona, ke mokane ba neya batho ka mokana ga bona tso ba nang natso di ya ka gore motho ye mongwana le ye mongwana o gayela ying. 46 Ke mo ba fo dula ba gahlana tempeleng ka moka matšatši, ba jela mitšing ya go sa tshwane, ba neyana ba jabodiye ka dipelo tsa go yela ba sa kokole, 47 ba thanaka Modimo fote ba kwana le batho ka mokana ga bona. Le Jehova ke mo a yeketsa batho bo a nyoko ba phonisang ka moka matšatši.