Tsa go ya ga Maroma
1 Lengwalo lowa le tšwa gaka, nna Pawulo lelata la Kreste Jeso. Ke hlawodiwwe gore ke be lepostola fote ke tšhomayele ditaba tsa go bafala tsa Modimo. 2 Ke botala Modimo a tshepisiye ditaba tsowa tsa go bafala ka Mangwalong ya go hlawolega a berekisa baporofeta. 3 Ditaba tsone di bolabola ka Morwayi wage wa gore ke mo go le setlogolo sa Dafita. 4 Di fo ba lekgwaying gore ke Morwayi wa Modimo ka taba la gore Modimo o berekisiye moya wage wa go hlawolega gore a mo tsose ga bo ba kgwileng, yenene ke Morena wa rune Jeso Kreste. 5 Modimo o šupetsiye gore o re kwela go baba ka yene. Jeso o nkgetiye gore ke be lepostola, gore ke thogo gelepa batho ba ditšhaba gore ba dumele gage le go hlompa lebitso lage. 6 Le lune le hlawodiwwe ditšhabeng gore le thogo latelela Jeso Kreste. 7 Lengwalo lowa le ya ga batho ba Roma, ba gore Modimo o kwana nabo, fote o ba bitsa ba go hlawolega, le re:
Nkare Modimo Papa wa rune le Morena Jeso Kreste ba ka le kwela go baba fote ba maka gore le bebe.
8 Sa mathomo, ke berekisa lebitso la Jeso Kreste mo ke leboga Modimo ka taba la tumelo ya lune, ka gore batho lefaseng ka mokana ga lona ba bolabola ka yona. 9 Ke berekela Modimo ka pelo yaka ka moka ka go tšhomayela ditaba tsa go bafala ka Morwayi wage, fote Modimo wa di tšiba gore ke fo dula ke le rapelela, 10 ke mo kgopela gore mo go thulega lešuba ke tle hone ga lune, mo yene a nyakiye. 11 Ke hlologele go le bona, gore ke thogo le botsa dilo tsa gore di nyoko tiyisa senghana sa lune le Modimo; 12 le gore re thogo tiyisana ka so re se dumelang.
13 Magageru ke nyaka gore le di tšibe gore ke botala ke nyaka go tla mone ga lune, mara ne ke sa kgone go tl’le tšhutisa batho mone gore go be malata, go fo tshwana le mo ke makiye ga ditšhaba tse dingwana. Mara mo ke re ke ya tla, go fo ba le se sengwana sa go nthibelela. 14 Ditaba tsowa tsa go bafala ke di kolota Magerika le ba gore a yi Magerika,* ba go hlalefa le ba gore a baa tšhutega; 15 fote ke tikemisele go di sabalatsa le mone Roma. 16 Ditaba tsowa tsa go bafala a di ntšebisi. Gabutšibutši Modimo o berekisa tsona gore a thogo phonisa ye mongwana le ye mongwana wa gore o dumela gage, a thomisa ka Majuda ke mokane a latela ka Magerika. 17 Bowa ba gore ba na le tumelo baa di bona gore Modimo o lukiye fote tsotsone di tiyisa tumelo ya bona go ya ka mokgo mangwalo ma hlayyeng gore: “Mara wa go loka o nyoko phela ka taba la tumelo yage.”
18 Modimo o šupetsa gore o kwatiye a le ku legedimong. O kwatisa ke batho ba gore ba maka dilo tsa go sa loka, ka gore ba maka gore nnete yi sa tšibiwi. 19 Gabutšibutši batho bowa baa yi tšiba nnete, ka gore Modimo o ba šupetsiye yona. 20 Mekgwa yage yi bonagala gabutši ga tso a di makiyeng. Re thogo di bona gabutši gore ke wa mošaga mang ka dilo tso a di makiyeng ho lefaseng. Dilo tsowa di wunyulla matšhika yage ya go šupetsa gore ke Modimo. Bo ba timakang nkare a ba di bone a ba na so ba ka phemang ka sona. 21 Le mo ba kene ba tšiba Modimo, a baa mo thanaka ka mokgo ba tshwaneleng go mo thanaka ka gona. 22 Bona beng ne ba tseya nkare ba hlalefiye, anthe ke diphokophoko. 23 Hala ba tshwanele gore ba thanake Modimo wa gore aa kgwe, bona ba tshwere ya bona ya go thanaka dithombhe tsa go maka ke batho ba gore baa kgwa, le dithombhe tsa go tshwana le dinonyana le diphoolwane tsa mawoto ka mane, le tse dingwana tsa go phela tsa go tshwana le dinoga le bomampelekuše.
24 Byalo, Modimo o ba dumelele gore ba make dilo tso ba di nabelang tsa go kekema, le go maka tsa go tšebisa ka mmele wa bona. 25 Ba tšhentšhiye nnete ya Modimo ba yi maka matsaka, fote ba rapela* dilo tsa gore o di makiye, ba lisetsa go rapela yene wa gore o tshwanele a thanakiwe go ya go yye. Amene. 26 Ke tsona di makiyeng gore Modimo a ba lisetse ba ye mahlong ba lawola ke go nabela go maka tsa maroga, basadi le bona ba titšhentšhiye, ba maka dilo tsa gore a baa makediwa tsona tsa go phigisana le hlago. 27 Le banna a ba sa yetsela le basadi ka taba la gore baa nabelana bonabeng, ba maka dilo tsa go silikisa le banna ba bangwana, baa tisinyela* ka bo bona beng.
28 Ka gore a baa yisa felo ka Modimo,* o ba lisetsiye gore ba nagane ka mokgo ba naganang le go maka dilo tsa gore a di ya tlwayelega. 29 Ba kwana le go maka dilo tsa go sa loka tsa go tshosa fote ba na le dipawo, baa sinya, ba na le mona, baa bolaya, ba kwana le dintwa, ba kwana le matsaka, ba kwisa ba bangwana go baba, baa sebana, 30 baa rekisana, ba hloyye Modimo, baa dhelela, ba na le magetla, baa kganya, ba polanelana dilo tsa go sa loka, a ba theetsele babelegi ba bona, 31 a ba kwisisi, ba fo tshepisa selo mara ba sa se make, a ba šupetsi ba bangwana gore baa ba nyaka fote ba na le lešidi. 32 Ba di tšiba gabutši gore Modimo o re bo ba makang dilo tsa mošaga wonone ba nyoko kgwa, mara ba fo ya mahlong ba di maka fote ba jabola ka matla mo ba bona batho ba bangwana ba di maka.