Tsowa di Hlatolla ke Mareka

10 Mo Jeso a tloga mone o yye ga dipoleke tsa thina le Judiya ka mosekola wa noka ya Jorodane, le gana mone mogoba wa mo kgobakanela. Ka taba la gore ke mo a šele a tlwayele gore wa ba tšhutisa, o yye a maka ka mokgonone. 2 Mafaraseyi ma tla gage ma nyaka go kwa diganong tsage, ma mmutsisa gore ayitsano molawo wa dumela gore monna a fo hlala mosadi wage. 3 A ba fetola a re: “Moše o le butsiye ying?” 4 Ba re gage: “Moše o yitseri mo re mo hlala, re mo ngwalele borifi bya go mo hlala.” 5 Mara Jeso a re ga bona: “O šinnye a le ngwalela molawo wone ka taba la gore le womme dihlogo. 6 Mara go tlugisela mathomisong, ‘Modimo o ba makiye gore go be monna le mosadi. 7 Nka taba lo monna a nyoko šiyang papage le mmane wage, 8 ke mokane ka babedi ga bona go nyoko ba nama ka yyoši, gore ba sa sa ba ka babedi,’ mara go be nama ka yyoši. 9 Byalo so Modimo a se swineleleng lejokong, go sa be le ye a se tlemollang.” 10 Mo ba šele ba le ka hala ntlong, malata yage ma thomisa go mmutsisa ka dilo tsowa. 11 A re ga wona: “Ye a hlalang mosadi wage ke mokane a tseya ye mongwana o nyoko ba a sa tshepege ga mosadi wage, 12 fote mo mosadi a ka hlala monna wage ke mokane a tseya ke ye mongwana, o nyoko ba a sa tshepege ga monna wage.”

13 Batho ba mo leyela dibananyana gore a di tikise, mara malata yage ma ba lakatsa. 14 Mo Jeso a bona tsotsone a kwata, a re: “Lisetsaneng bana bowa, le sa liketse go ba rakela gore ba tle ho gaka, ka taba la gore Mmušo wa Modimo ke wa ba go tshwana nabo. 15 Ke le botsa nnete, ye a ka sa yamogeleng Mmušo wa Modimo go tshwana le ngwana, a ka sa kene ga wona.” 16 A bitsa dibananyana tsela a di bogara, a thomisa go di rufa a kene a beyye matsogo yage ho ga tsona.

17 Mo Jeso a tloga hone ntlong, gwa nyarela monna ye mongwana a tla gage a mo kgotamela, a mmutsisa a re: “Thitšere wa go loka, anthe ke tshwanele ke make ying sa gabutši gore ke thogo kraya lephelo la go ya go yye?” 18 Jeso a re gage: “Ke ntaba o re ke nna wa go loka? Motho wa go loka nka wwoši fela, ke Modimo. 19 Anthe a o tšibi melawo ya gore: ‘O sa bolaye, o sa make tsa mapaying le mosadi kela monna wa motho ye mongwana, o sa yetswe, o sa bolabole matsaka mo o yemelela motho, o sa make dilo ka botsotsi, o hlompe papago le mmane wago?’” 20 Monna yela a re gage: “Thitšere, dilo tsowa ka mokana ga tsona ne nkene ke di maka go tlugisela ke sa le ye monyana.” 21 Jeso a mo lebelela a fo kwa a mo nyaka ka matla, a re gage, “Go fo gayela selo ka ssoši ho gago: Ariye we rekisa tso o nang natso fote o di neye ba go tihlupegela, o nyoko ba o na le lebotha legedimong, ke mokane o tle o nlatelele.” 22 Mara monna yela a kwa go baba ka taba la tso Jeso a mmutsiyeng tsona, ka gore ke mo a ghanyye ka matla.

23 Mo Jeso a fetsa go lebelela ka ho mathoko, a re ga malata yage: “Di ka sa be lula ga bo ba go ba le tšheleta gore ba kene Mmušong wa Modimo!” 24 Malata yala ma makatsa ke mantsu yage. Ke mokane Jeso a re: “Di ka sa be lula gore motho a kene Mmušong wa Modimo! 25 Di nyoko ba lula gore kamela yi kene ka lešuba la naleta mara motho wa go ghanya o nyoko šitega go kena Mmušong wa Modimo.” 26 Malata yage ma fo ya mahlong ma makala ma re:* “Go nyoko phona mang mara?” 27 Jeso a ma lebelela a re: “Tso ka mokana ga tsona a di kgonege ga batho, mara ga Modimo dilo ka mokana ga tsona di ya kgonega.” 28 Ke mokane Petro a fetola a re: “Re šiyye dilo ka mokana ga tsona gore re go latelele.” 29 Jeso a re: “Nnete ke ya le botsa, ye a šiyyeng ntlo kela bobhuti kela bosesi kela mmane kela papa kela bana kela mašemo ka taba laka, kela ka taba la ditaba tsa go bafala, 30 motho yene o nyoko kraya dilo tsowa ka mokana ga tsona ga 100 gana byalo, o nyoko kraya dintlo, bobhuti, bosesi, bommane, bana, le mašemo a kene a hlupegisiwa, fote o tl’le kraya le lephelo la go ya go yye ga lefase lo le sa ga tla.* 31 Mara ba go tlala ba mathomisong ba nyoko ba ku motšobong fote ba motšobong ba nyoko ba ku mathomisong.”

32 Mo ba kene ba le pateng ba ya Jerusalema, Jeso ke mo a ba yetiye mahlong, ba makala, mara bo ne ba mo latelela ba thomisa go tšhoga. Jeso a tseya malata yage 12 ya wona a ya nawo ka thoko, a ma hlayisela dilo ka mokana ga tsona tso ne di nyoko mo makegela, a re: 33 “Byalo re šele re ya Jerusalema, fote Morwayi wa motho o nyoko yisiwa ga dindhuna tsa maprista le bomabhalane. Ba nyoko re a bolayiwe fote ba nyoko mo yisa ga batho ba ditšhaba, 34 bobone ba nyoko mo poyila, ba mo tshwele ka mare, ba mo babole ba boye ba mmolaye, mara o nyoko tsusiwa ka nthago ga matšatši ka mararo.”

35 Barwayi ba Zebediya bo ba reng ke Jakobo le Johane ba ya ga Jeso ba re gage: “Thitšere, re nyaka o re makele dilo tso re go kgopelang tsona.” 36 A re ga bona: “Le nyaka gore ke le makele ying?” 37 Ba re: “Maka gore re dule nago, ye mongwana ga letsogo la go ja ye mongwana ga letsogo la mpata, mo o šele o lawola ga Mmušo wago.” 38 Mara Jeso a re: “A le tšibi so le se kgopelang. Ayitsano le ka se nwa so ke nyoko se nwang kela la kolobetsiwa ka kolobetso yo ke kolobetsiwweng ka yona?” 39 Ba re gage: “Re ka di kgona.” Mo ba reyane Jeso a re ga bona: “Le ka se nwa so ke nyoko se nwang fote la kolobetsiwa ka kolobetso yo ke kolobetsiwweng ka yona. 40 Mara, tsa gore mang o nyoko dula ka letsogong laka la go ja, le gore mang o nyoko dula ga la mpata a yi mmereko waka, bo ba nyoko dulang hone, ke ba gore ditulo tsone ba di lukiselele ke Papa.”

41 Mo lesome la bala ba bangwana ba kwa taba yone, ba yye ba kwatela Jakobo le Johane. 42 Jeso a ba bitsa a re: “Le ya di tšiba gore ba go lawola ditšhaba ba gatelela batho ba bona, le bo ba gore ba neyiwwe ditulo tsa gedimo a ba ba tshware gabutši. 43 Lune le sa tshwane nabo; mara ye a nyakang go ba ye mogolo mo ga lune di nyaka a berekele ba bangwana, 44 le ye a nyakang go ba wa mathomo mo gare ga lune a thomise ka go ba lelata. 45 Go fo tshwana le mo Morwayi wa motho a sa tlela gore ba mmerekele, mara a tlele go berekela ba bangwana gore a thogo neyela ka lephelo lage gore a lepolle ba go tlala.”

46 Ke mokane ba kena Jerikho. Mara mo Jeso le malata yage ba tšwa Jerikho ba na le mogoba, Bhathimiyase (morwayi wa Thamiyase), wa gore ke mo a popele maahlo fote a tihlupegela,* ke mo a duli ka thoko ga pata. 47 Mo a kwa gore Jeso wa Lenazareta wa feta, a yahlamela a re: “Jeso, Morwayi wa Dafita, nkwele go baba!” 48 Mo a reyane, ba go tlala ba thomisa go mo lakatsa ba mmotsa gore a kgomolele, mara a fo napa a yahlamela, a re: “Morwayi wa Dafita, nkwele go baba barena!” 49 Jeso a yema a re: “Mmitseneng”. Ke mokane ba bitsa monna yela wa go popela maahlo, ba re gage: “Šišimala! Tlogamela; wa go bitsa.” 50 A yapola kobo yage ya ka tawong, a tlogamela a ya ga Jeso. 51 Jeso a re gage: “O nyaka ke go makela ying?” Monna yela wa go popela maahlo a re: “Rab·bo′ni,* maka gore ke bone fote.” 52 Jeso a re gage: “Ariye. Tumelo yago yi go yalafiye.” Monna yela a napa a bona, a thomisa go latelela Jeso.