Lengwalo la go ya ga Maheberu
10 Molawo wo tshwana le dilo tsa gabutši tso di nyoko tlang, mara dilo tsone a yi wona Molawo, di ka sa make gore batho ba yenele ka go maka dihlabelo mongwaga wo mongwana le wo mongwana. 2 Hala go le ka mokgonone, ayitsano ne ba ka sa lisetse go maka dihlabelo, ka gore mo bo ba go maka mmereko wa go hlawolega ba yedisiwwe ne ba ka sa sa kokona ke lekwalo la gore ba sinnye? 3 Mara dihlabelo tsowa di gopotsa batho mongwaga wo mongwana le wo mongwana gore baa sinya, 4 ka taba la gore madi ya dipholo le ya dipudi ma ka sa sule tso batho ba di sinyang.
5 Ka gore mo a tla mo lefaseng o butsiye Modimo gore: “‘Ke mo o sa nyake dihlabelo tsa diphoolwane le dihlabelo tsa dilo tse dingwana, mara o mmakele mmele. 6 Ke mo o sa nyake dihlabelo tsa go tšhubiwa le dihlabelo tso ba di leyang mo batho ba sinnye.’ 7 Ke mokane ka re: ‘Ke nna yewa! Ke segele gore (go ngwadiwwe ka nna ga mangwalo ya go phutiwa) ke thogo maka tso wene Modimo o di nyakang.’” 8 O thomisiye a hlaya gore: “Ke mo o sa nyake dihlabelo tsa diphoolwane, dihlabelo tsa dilo tse dingwana, dihlabelo tsa go tšhubiwa le dihlabelo tso ba di leyang mo batho ba sinnye.” Tsowa ke dihlabelo tsa gore ke mo di makiwa go ya ka Molawo. 9 Ke mokane a re: “Ke nna yewa! Ke segele gore ke thogo maka tso o di nyakang.” Yene o fetsa ka tsa mathomo gore a thogo maka tsa bobedi. 10 Ba re yedisiye ka sehlabelo sa mmele wa Jeso Kreste ga teya go ya ka tso Modimo “a di nyakang.”
11 Moprista ye mongwana le ye mongwana o yema polekeng yage gore a thogo maka mmereko wa go hlawolega ka moka matšatši le go dula a maka mohlobo ka wwoši wa dihlabelo tsa gore di ka sa nape di fetsa ka tso tsa go sinya. 12 Mara Kreste o makiye sehlabelo sa tso batho ba di sinyang ga teya, ke mokane a dula ka letsogong la go ja la Modimo, 13 go tlugisela ka nako yone ke mo a yemele gore manaba yage ma makiwe gore go be setulo sa mawoto yage. 14 O berekisiye sehlabelo ka ssoši gore a make bo ba gore ba yedisiwwe gore ba yenele go ya go yye. 15 Go tokegela gana hone, moya wa go hlawolega wo re botsa gore: 16 “Jehova o re: ‘Yowa ke kwano yo ke nyoko yi makang le bona ka nthago ga matšatši yane. Ke nyoko tšhela melawo yaka dipelong tsa bona fote ke nyoko yi ngwala le menaganong ya bona.’” 17 Ke mokane wo re: “Fote ke nyoko lebala ka tso ba di sinnyeng le dilo tsa go befa tso ba di makiyeng.” 18 Byalo, mo nkare Modimo wa re tshwarela ga tso re di sinnyeng, a go sa nyakega gore re make dihlabelo mo re sinnye.
19 Byalo magageru, ka taba la gore re na le lešiši la go kena ga poleke ya go hlawolega re berekisa madi ya Jeso, 20 go fo tshwana le mo re kena ga gore go thibiye ke legaredheni, o re bulele lona gore re thogo kraya pata ya nyuwane ya go yisana lephelong. Legaredheni lone ke mmele wage, 21 fote ka taba la gore re na le moprista ye mogolo wa gore o wokamele ba ntlo ya Modimo, 22 tla re šuteleneng ga Modimo ka dipelo tsa rune ka mokana ga tsona le ka tumelo ya go felegelela, re yedise dipelo tsa rune le makwalo ya rune ya go sa loka fote re hlape mmele wa rune ka meetši ya go yela. 23 Tla re ngangareleneng ga tumelo ya rune yo re botsang batho ka yona re sa thogathoge ka taba la gore Modimo ye a re tshepisiyeng wa tshepega. 24 Tla re naganelaneneng gore re thogo nyakanana ka matla le go makelana dilo tsa gabutši, 25 re sa lisetse go gahlana go fo tshwana le mo ba bangwana ba tlwayele go maka tsotsone, mara le kene le tiyisana ka matlamatla ka gore le ya di bona gore letšatši lone le kene le ya šutela.
26 Mo nkare re tlwayele go sinya ka bomu le mo re kene re tšiba mong yona nnete, a se sa le šiyo sehlabelo so se ka makiwang ka taba la tso re di sinnyeng, 27 mara so se re šaleleng ke gore re fo yemela go yahludiwa fote go kwata ga Modimo ga gore go tlabola go tshwana le mollo, go nyoko fetsa ka bo ba mo ganetsang. 28 Ye mongwana le ye mongwana wa gore aa theetsele Molawo wa Moše o nyoko bolayiwa a sa kwediwe go baba mo go ka ba le dihlatse ka dipedi kela ka diraro. 29 Mo motho a dhelela Morwayi wa Modimo, a tseyela fase madi ya kwano ya gore ba mo yedisiye ka wona fote a rogelela moya wa go hlawolega wa Modimo wa gore wo kwelana go baba, le bona nkare motho yene di nyaka a wolodiwe byang? 30 Re ya di tšiba gore ke mang ye a hlayyeng gore: “Ke nna ke nyoko busetsang fote ke nna ke nyoko patedisang.” Wa gore fote o hlayye gore: “Jehova ke yene a nyoko yahlulang batho bage.” 31 Di ya tshosa gore o šinye o wolola ke Modimo wa go phela.
32 Le sa lebale gore ka nthago ga gore di le khanyele, le tiyisele ga dilo tsa go tlala le mo le kene le hlupegisiwa. 33 Ka dinako tse dingwana ke mo le kweriwa le go hlupegisiwa gare ga batho, fote ka dinako tse dingwana ke mo le yema le bo ba gore ba gahlanne le tsa mošaga wonone. 34 Bo ba gore ba jele le ba kwele go baba, fote mo le lahlegele ke dilo tsa lune ke mo le sa šale le kgongwele ka taba la gore ke mo le di tšiba gore le nyoko rufiwa ka dilo tsa gabutši tsa gore di nyoko fo dula di le gona.
35 Byalo, le sa lisetse go ba le lešiši* ka taba la gore le nyoko rufiwa ka taba la lona. 36 Di nyaka le tiyisela gore ka nthago ga mo le makiye tso Modimo a di nyakang, le thogo kraya tso di tshepisiwweng. 37 Ka gore “ye a nyoko tlang, o nyoko segela go se botala fote a ka sa diyege.” 38 “Mara lelata laka la go loka le nyoko phela ka taba la tumelo ya lona,” fote “le ka sa njabodisi mo le ka boyela nthago.” 39 A yi rune mohlobo wa go sologa wa gore go nyoko fela ka wona, mara ke rune mohlobo wa go ba le tumelo wa gore fote wo nyoko phona.