Samuwele wa Mathomo

28 Ka matšatši yanane, Mafilisita ma kgobaketsa masole ya wona gore ma lwe le Maisrayele.+ Akhiši a re ga Dafita: “O di tšiba gabutši gore wene le banna bo ba go berekelang le nyoko ya le nna ntweng.”+ 2 Mo a reyane, Dafita a re ga Akhiši: “O di tšiba gabutši gore lelata lago le nyoko maka ying.” Akhiši a re ga Dafita: “Nka taba lo ke nyoko makang gore o be motho ye a mpasopang.”+

3 Samuwele ke mo a šele a kgwile fote Israyele ka mokana ga yona yi mo llele, ya mmoloka ku Rama ya gore ke mutši wa gabo.+ Fote Sawulo ke mo a šele a tlusiye bo ba go berekisana le moya wa go sa loka le bo ba go bona tsa ku mahlong hone nageng.+

4 Mafilisita ma kgobakana, ma ya ma kampa ku Šunema.+ Byalo Sawulo a kgobakanya Maisrayele ka moka, ba ya ba kampa ku Ghilibhowa.+ 5 Mo Sawulo a bona dikampa tsa Mafilisita, a thomisa go tšhoga ka matla.+ 6 Mo Sawulo a butsisa Jehova,+ Jehova ke mo a sa sa mo fetola, ke mo a sa berekisi le mong meloro kela Yurimi+ kela baporofeta. 7 Sawulo o fetsiye a botsa malata yage gore: “Nnyakeleneng mosadi wa gore o berekisana le moya wa go sa loka,+ ke nyoko ya ke butsisa yene.” Malata yage ma re: “Go na le mosadi wa go berekisana le moya wa go sa loka ku Ene-doro.”+

8 Sawulo ke mo a yapere dikobo tse dingwana gore ba sa mmone gore ke yene, a ya ga mosadi yela bošego a na le banna ka babedi ba gore ba mmerekela. A re: “Ke kgopela o mpotse tsa ku mahlong,+ fote o n’leyele ye ke nyoko go botsang ka yene.” 9 Mara mosadi yela a re gage: “Wa di tšiba gore Sawulo o makiye ying, le gore o tlusiye byang bala ba go berekisana le moya wa go sa loka le ba go bona tsa ku mahlong mo nageng.+ Byalo, ke ntaba o nreya o nyaka ke bolayiwa?”+ 10 Sawulo a mo tshepisa ka Jehova, a re: “Ke tshepisa ka Jehova Modimo wa go phela gore o ka sa be le molato ga taba yowa!” 11 Mo a reyane, mosadi yela a re: “Ke go leyele mang?” Yene a re: “N’leyele Samuwele.” 12 Mo mosadi yela a bona “Samuwele,”*+ a yahlamela ka matla a rasa, a re ga Sawulo: “Ke ntaba o ntshokannye? Ke wene Sawulo!” 13 Kgoši ya re ga mosadi yela: “O sa tšhoge, o bona ying?” Mosadi yela a re ga Sawulo: “Ke bona ye mongwana nkare ke modimo o tšwa mo fase.” 14 A butsisa mosadi yela a re: “Ke motho ye mo byang?” mosadi yela a re: “Go tla mokgalabye, fote o yapere kobo ya go se na matsogo.”+ Mo a reyane, Sawulo a napa a di bona gore ke “Samuwele,” ke mokane a kgotama a yinamisiye hlogo.

15 Ke mokane “Samuwele” a re ga Sawulo: “Ke ntaba o nhlupa o fo mpitsanya?” Sawulo a re: “Ke mathatheng ya magolo. Mafilisita ma lwa le nna, fote Modimo aa sa na le nna, aa sa mfetola a berekisa baporofeta kela meloro;+ ke go bitsele gore o mpotse gore ke make ying.”+

16 “Samuwele” a re: “Ke ntaba o butsisa nna byalo ka gore Jehova aa sa le nago+ fote aa sa yema nago? 17 Jehova o nyoko timakela dilo tso a di porofitiyeng a berekisa nna: Jehova o nyoko go yamoga mmušo, a wo neya Dafita.+ 18 Ka gore a wa theetsela lentsu la Jehova, fote a wa šupetsa Maamaleke gore Modimo o kwatiye,+ nka taba lo Jehova a makang dilo tsowa lekgono. 19 Jehova o nyoko maka gore wene le Maisrayele le hlule ke Mafilisita,+ fote ka motshwana wene+ le barwayi bago+ le ko ba le na le nna. Jehova o nyoko maka gore masole ya Israyele ma hlule ke Mafilisita.”+

20 Sawulo a napa a patlama mo fase, a thomisa go tšhoga ka matla ka taba la mantsu ya ma hlayyeng ke “Samuwele.” Ke mo a sa sa na matšhika ka taba la gore o fetsiye letšatši ka moka le bošego ka moka a sa ji. 21 Mo mosadi yela a tla ga Sawulo, a di bona gore o kgongwele ka matla, a re gage: “Lelata lago le makiye tso o le butsiyeng, ke beyye lephelo laka kotsing+ fote ke makiye tso o mputsiyeng. 22 Byalo, ke kgopela o theetsele tso lelata lago le nyoko di hlayang. Yema ke go neye sengatha sa sekgwa; ke mokane o je gore o thogo ba le matšhika ya gore o sepele.” 23 Mara a gana, a re: “Nka sa ji.” Mara mosadi yela le malata yage ba ya mahlong ba mo kgopela. A feleletsa a ba theetsele, a tlogamela mola fase a dula gedimo ga mpeto. 24 Mosadi yela ke mo a na le senamane sa go tsifa ka ku ntlong, a se hlaba ka go yakgoswa, a duba folawa, a maka sekgwa sa go se na dikomelo. 25 A di neya Sawulo le malata yage, ba ja. Ka nthago ga hone, ba tloga, ba sepela go kene go le bošego.+