Samuwele wa Mathomo
27 Mara Dafita a hlaya ka pelo a re: “Tšatši le lengwana Sawulo o nyoko mpolaya. Selo sa gore se nyoko mperekela ke gore ke tšhabele nageng ya Mafilisita; ke mokane Sawulo o nyoko lisetsa go nyakana le nna polekeng ya Israyele, nko ba ke phonne.” 2 Byalo, Dafita a tloga le 600 ya banna ba gore ke mo a le nabo, ba ya ga Akhiši morwayi wa Mawokho wa gore ke kgoši ya Ghathe. 3 Dafita a dula le Akhiši ku Ghathe, yene le banna bo ne a sepela nabo, ye mongwana le ye mongwana a na le mutši wage. Dafita ke mo a na le basadi bage ka babedi (2), Ahinowamo wa Lejeziriyele le Abhigheyili wa Lekharamele wa gore ke mo go le mosadi wa Nabhale. 4 Mo ba botsa Sawulo gore Dafita o tšhabele Ghathe, Sawulo a lisetsa go nyakana naye.
5 Ke mokane Dafita a re ga Akhiši: “Mo nkare wa dumela, ke kgopela o nneye poleke ga ye mengwana ya mitši yo ye menyana gore ke thogo dula gona. Lelata lago a le ya tshwanela go dula nago ka mutšing wa bogoši.” 6 Byalo, ka letšatši lone Akhiši a mo neya Zikilage. Nka taba lo Zikilage yi lawolang ke magoši ya Juda go segela lekgono.
7 Nako yo Dafita a yi fetsiyeng a dula polekeng ya Mafilisita ke mo go le mongwaga ka wwoši le kanne (4) ya dikgwedi. 8 Dafita ke mo a sepela le banna bo ke mo ba mmerekela ba ye hlasela Maghešuri, Maghirizi le Maamaleke, ka taba la gore ke mo ba dula nageng ya gore yi thomisa Telami yi segela Šuri ke mokane yi sobelela nageng ya Egepita. 9 Mo Dafita a hlasela naga, ke mo a sa šiyi monna kela mosadi a phela, mara ke mo a tseya dikgomu, dinku, dibhongholo, dikamela le dikobo, ke mokane ka nthago ke mo a boyela ga Akhiši. 10 Akhiši ke mo a mmutsisa gore: “Ke mo o hlasela kaye lekgono?” Dafita a mo fetola a re: “Ka borwa bya Juda” kela “Ka borwa bya Jeramili” kela “Ka borwa bya Kana.” 11 Dafita ke mo a sa šiyi monna kela mosadi a phela gore ba sa yi Ghathe, ka gore ke mo a re: “Gore ba sa segele ba ba botsa ka rune ba re, ‘Tsowa ke tso di makiyeng ke Dafita.’” (Ke mo a fo dula a maka tsotsone nako ka moka ya mo a dula polekeng ya Mafilisita.) 12 Byalo, Akhiši ke mo a tshepa Dafita, a tipotsa gore: ‘Batho ba Israyele ba mo hloyye, go nyoko fo dula go le lelata laka.’