Samuwele wa Mathomo

29 Mafilisita ma kgobaketsiye masole ya wona ka moka ku Apheke, Maisrayele wona ke mo ma kampiye sedibeng sa Jeziriyele. 2 Marena ya Mafilisita ke mo ma feta ma na le masole ya wona ya gore ma makiye makgolo le dikete tsa megoba, fote Dafita le banna bo ke mo ba mmerekela ke mo ba ba latelela ba na le Akhiši. 3 Mara marena ya Mafilisita ma re: “Ke ntaba Maheberu yawa ma le howa?” Akhiši a fetola marena yane ya Mafilisita a re: “Yewa ke Dafita lelata la Sawulo Kgoši ya Israyele, go fediye mongwaga kela go feta hone a na le nna. A ke soko kraya selo sa go tšwa pateng ho gage go tlugisela ka letšatši lo a tlileng gaka go segela gana byalo.” 4 Mara marena ya Mafilisita ma mo kwatela ma re gage: “Jikisa morene. A boyele mmerekong wo o mo neyyeng wona. O sa mo lisetsi a ya le rune ntweng, gore a sa re jikele mo re kene re lwa. A ka fo bolaya masole ya rune gore Sawulo a thogo mo yamogela. 5 Anthe yewa a yi yene Dafita ye ne ba yepelela ka yene ba boya ba bina, ba re:

6 Byalo Akhiši a bitsa Dafita a re gage: “Ke ya go tshepisa ka Jehova Modimo wa go phela gore o lukiye, fote ne ke nyakiye gore o ye le masole yaka ntweng ka gore a ke soko kraya selo sa go tšwa pateng ho gago go tlugisela ka letšatši lo o tlileng gaka go segela gana byalo. Mara marena ya mangwana a ma go tshepe. 7 Nkare dilo di ka go sepelela gabutši, o sa make selo sa gore se nyoko kwatisa marena ya Mafilisita.” 8 Mara Dafita a re ga Akhiši: “Ke ntaba, ke makiye ying? O krayye ying sa go tšwa pateng ga lelata lago go tlugisela ke tlile ho gago go segela lekgono? Ke ntaba ke sa tshwanela go ya nago ke ye lwa le manaba ya kgoši morenaka?” 9 Akhiši a fetola Dafita a re: “Go ya ka nna, ka mokgo o lukiyeng ka gona nkare ke wene lengeloyi la Modimo. Mara marena ya Mafilisita ma yitseri, ‘O sa dumele gore a ye le rune ntweng.’ 10 Byalo, o tsoge go sa le ka phu le malata ya morenago ya o tlileng nawo; le tsogeneng go sa le ka phu, mo go thomisa go khanya, le sepele.”

11 Byalo Dafita le banna bo ne a le nabo ba tsoga go sa le ka phu, ba boyela nageng ya Mafilisita, Mafilisita ma ya Jeziriyele.